هند د پاکستان د رادار سېسټمونه، تخنیکي تاسیسات، د وسلو ګودامونه او قوماندې مرکزونه ویشتلي

د جي ایف پي د ۲۰۲۵ کال لپاره د هند د دفاعي ځواک بودیجه د پاکستان د پوځ له بودیجې یوولس برابره زیاته بللې ده او ویلي یې دي چې هند د ۲۰۲۵ - ۲۶ کال لپاره شاوخوا ۷۸.۷ میلیارده ډالره بودیجه لري او پاکستان بیا د ۲۰۲۵ - ۲۶ کال لپاره ۷.۶ میلیارده ډالره بودیجه لري.

پرتلنه ښيي چې هند د پوځي ظرفیت له پلوه تر پاکستان څو برابره پیاوړی دی، چې زیات پوځ او جنګي وسایل لري.

د پوځ شمېر او جوړښت:
• هند: شاوخوا ۵.۱۳ میلیونه نظامي پرسونل لري، چې پکې ۱.۴۶ میلیونه فعاله پوځیان، ۱.۱۵ میلیونه احتیاطي ځواکونه او ۲.۵ میلیونه غیررسمي ملېشې شاملې دي.
• پاکستان: ټولټال ۱.۷ میلیونه نظامي پرسونل لري، چې پکې ۶۵۴,۰۰۰ فعاله پوځیان، ۵۰۰,۰۰۰ غیر رسمي ملېشې(پارامیلیټري) او ۵۵۰,۰۰۰ احتیاطي ځواکونه شامل دي.

هوايي ځواکونه:

• هند: ۲,۲۲۹ نظامي الوتکې لري، چې پکې ۶۴۳ جنګي الوتکې شاملې دي.
• پاکستان: ۱,۳۹۹ نظامي الوتکې لري، چې پکې ۴۱۸ جنګي الوتکې شاملې دي.

100%

ځمکنی ځواک:
• هند: ۳,۱۵۱ جنګي ټانکونه لري.
• پاکستان: ۱,۸۳۹ جنګي ټانکونه لري.

بحري ځواک:
• هند: یوه هوایي بېړۍ، ۱۱ ډیسټرایرونه، ۱۷ فریګیټونه، او ۱۶ ابدوزونه لري.
• پاکستان: ۸ فریګیټونه، ۵ ابدوزونه، او ۳ کورویټونه لري.

اټومې وسلې:
• هند: شاوخوا ۱۷۲ اټومي سرګلولې لري.
• پاکستان: شاوخوا ۱۷۰ اټومي سرګلولې لري.

100%

که څه هم پاکستان د ځینو برخو لکه د ځانچاودو توپونو او راکټي توپخانې غښتلې برخه لري؛ خو هند د پوځي پرسونل، وسلو، او بودیجې له پلوه برلاسی دی.

د دواړو هېوادونو ترمنځ د اټومي وسلو شتون، هر ډول شخړه لا خطرناکه کوي.

د هوايي ډګر چارواکو په وینا، په لغوه شویو الوتنو کې څلور نړیوالې رارسیدونکې، پنځه نړیوالې تلونکې، ۶۳ کورنۍ رارسیدونکې او ۶۶ کورنۍ تلونکې الوتنې شاملې دي.

چارواکو زیاته کړې: «موږ له ټولو مساپرو غوښتنه کوو، چې د کره معلوماتو لپاره یوازې په رسمي سرچینو تکیه وکړي او د ناتایید شويو موادو له شریکولو څخه ډډه وکړي.»

همدا مهال د هند او پاکستان ترمنځ بریدونه روان دي.

څو شېبې وړاندې د هند هوایي ځواکونو په پاکستان کې مهمې پوځي اډې په نښه کړې.

د پاکستان پوځ ویلي چې په ځوابي بریدونو کې یې د هند کشمیر په سیمه کې د هندي ځواکونو پوځي اډې په نښه کړي دي.

محکمې ته وړاندې شوې عریضه کې ویل شوي: «پاکستان دامهال د هند د یرغل سره مخ دی او په بېلابېل ښارونو کې بریدونه شوي، د عمران خان ژوند په زندان کې له خطر سره مخ دی، ممکن اډیاله زندان هم د ډرون برید هدف وګرځي.»

د عريضې د متن له مخې، چې د پنجاب کورنيو چارو وزارت د چارواکو څخه هم د هغه د خوشې کولو غوښتنه شوې؛ خو هغوی هیڅ جواب نه دی ویلی.

د خان پلویانو غوښتنه کړې، چې محکمه دې په دې اړه اقدام وکړي.

همدا ډول د پاکستان د هوايي ډګرونو ادارې اعلان کړی چې د ۲۰۲۵ کال د مې د ۱۰مې نېټې له سهار ۳:۱۵ بجو څخه تر غرمې ۱۲:۰۰ بجو پورې به د پاکستان فضایي حریم د هر ډول الوتنو لپاره تړلی وي.

څو شېبې وړاندې د پاکستان پوځ وویل چې د هند هوایي ځواکونو د هوا له لارې په پاکستان کې دننه د نور خان اډه، د پاکستان هوايي ځواکونو اډه او د دغه هېواد د ځواکونو اړوند مرید اډه په نښه کړې ده.

د پاکستان پوځ ویاند وایي چې په دغه بریدونو کې چاته زیان نه دی رسېدلی.

هند تر اوسه په دې تړاو رسمي غبرګون نه دی ښودلی.