طالبان: په تېرو دوو کلونو کې شاوخوا یو میلیون افغان کډوال خپل هېواد ته ستانه شوي

د طالبانو د لوړو زده کړو وزارت د سې شنبې په ورځ (د غويي ۲۳مه) پر اېکس پاڼه د یوې خبرپاڼې په خپرولو سره لیکلي، چې د لوړو زده کړو وزیر شیخ ندا محمد ندیم په مشرۍ د دغه وزارت رهبري شورا ناسته ترسره شوې.

ندا محمد ندیم په دې ناسته کې وویل:«په تېرو څو کلونو کې د لوړو زده کړو وزارت په بېلا بېلو برخو کې د پام وړ مثبت او تاریخي بدلونونه راغلی دي، کیفیت ته پاملرنه زیاته شوې او په پوهنتونونو کې د خیالي محصلینو مخنیوی شوی دی.»

ندا محمد ندیم همداراز د دې وزارت له بېلابېلو مسولینو او د شورا له غړو غوښتنه وکړه، چې خپلې کړنې د اسلامي ارزښتونو سره سمې کړي او اسلامي نظام ته د خپلې ژمنتیا روحیه لا پیاوړې وساتي، څو له بیت المال څخه سمه استفاده او له غفلت څخه ډډه شوې وي.

د طالبانو لوړو زده‌کړو وزارت وايي، چې په دې ناسته کې د دولتي پوهنتونونو له لوري د خصوصي لوړو زده‌کړو بنسټونو د څارنې لارښود، د طالبانو د تحصیلي نهادونو د فوق لیسانس پروګامونو د ازموینې لارښود، د تحصیلي بنسټونو د تدریس کیفیت لوړولو طرحه، لیسانس برنامو کې د تحصیلي دورې د مودې ټاکنه او یو شمېر نورو مهمو موضوعاتو په تړاو بحث او لازمې پرېکړې وشوې.

دا څرګندونې په داسې حال کې کېږي، چې د راپورونو له مخې د طالبانو د بیاځلي واک ته رسېدو راهیسې، دغه ډلې د ښوونځیو او پوهنتونونو پر ځای دیني مدرسو ته زیات تمرکز کړی دی او د طالبانو د لګول شویو محدودیتونو له امله اوس د ځوانانو لېوالتیا د عصري زده کړو پر وړاندې راکمه شوې ده.

د طالبانو د پوهنې وزارت د شمېرو له مخې تېرو درېیو کالو کې شاوخوا ۲۳ زره مدرسې جوړې شوي دي.

د طالبانو د صنعت او سوداګرۍ وزارت د سې شنبې په ورځ پر اېکس پاڼه کاږلي، چې د یاد وزارت مرستیال احمدالله زاهد د دغه شرکت له استازي سره په خپل کاري دفتر کې لیدلي او د پانګونې موضوع یې ورسره څېړلې ده.

د سن جینګ الکتریک شرکت استازي په دې لیدنه کې ویلي چې غواړي د افغانستان له شتمنیو په ځانګړي ډول د ډبرو سکرو، څخه د برېښنا تولید له‌پاره استفاده وکړي. نوموړي له وزارت څخه د لازمو اسانتیاوو او همکارۍ غوښتنه هم وکړه.

زاهد په دې ناسته کې وویل: "افغانستان د پانګونې لپاره یو خوندي او مناسب چاپېریال لري او اوس مهال په بېلابېلو سکتورونو کې بې‌سارې اسانتیاوې برابرې شوې دي."

نوموړي له دغه شرکت څخه غوښتي چې خپل کاري پلان د پانګونې له ریاست سره شریک کړي، ترڅو د ریاست متخصصین پرې تخنیکي نظریات ورکړي او د پلان د لا پیاوړتیا لپاره مرسته وکړي.

باید وویل شي، چې افغانستان د خپلو پراخو طبیعي زیرمو او کانونو په لرلو سره په سیمه او نړۍ کې ځانګړی مقام لري.

د کارپوهانو په وینا، که دغه زېرمې په سمه توګه مدیریت شي، افغانستان به په راتلونکي کې د سیمې یو له بډایه هېوادونو څخه شي.

د یادونې وړ ده چې دا هڅې په داسې حال کې روانې دي چې طالب چارواکي هڅه کوي بهرني پانګوال وهڅوي څو په انرژي، کانونو، کرنې او نورو برخو کې پانګونه وکړي.

په دغه ولایت کې د کرنې ریاست طالب چارواکي وایي، چې له ټولو لاریو څخه یې نمونې معاینه او وکتلې چې معلومه شوه، یاد راوړل شوي الوګان بې کیفیته دي.

په ننګرهار کې د طالبانو د کرنې او مالدارۍ مشر مولوي محمد ولي محسن ځایي رسنیو ته ویلي، «د ۱۴ لاریو له جملې یې ۱۳ لارۍ وراسته او یوه لارۍ یې باکیفیته و چې د راتګ اجازه ورکړل شوې.»

په ننګرهار کې د کرنې د برخې متخصیص ډاکټر لاجبر شینواری افغانستان انټرنشنل پښتو ته وایي: «اوس په ننګرهار کې د الوګانو د کرلو وخت نږدې دی، بزګران د کښت لپاره خپلې ځمکې تیاروي، که درست او اصلاح شوي تخمونه وکرل شي نو دهقانان به یو څه ګټه تر لاسه کړي، که نه نو ټوله خواري یې پر سیند لاهو کېږي.»

هغه زیاته کړه: «د کرنې د برخې چارواکي باید د تخمونو په وارداتو کې کفیت ته ډیره توجه وکړي، ځکه غیر اصلاح شوي تخمونه کولې شي د خلکو خوراکي امنیت له ګواښ سره مخ کړي»

بلخوا په ننګرهار کې د کرنې د برخې چارواکي په سوداګرو غږ کوي، چې هېواد ته بې کیفیته توکې نه راوړي.

د دغه وزارت له‌خوا په خپرې شوې خبرپاڼه کې راغلي، چې نوموړي دغه خبرې د افغانستان لپاره د بې پولې ډاکټرانو مشر او استازو سره په لیدنه کې کړې دي.
د خبرپاڼې له مخې، ښاغلي جلالي په دغه لیدنه کې په افغانستان کې د بې پولې ډاکټرانو اړوندو روغتیایي مرکزونو او خدمتونو د لا ښه والي او پراختیا، د روغتیایي کارکوونکو د ظرفیت لوړونې، په روغتیایي خدمتونو کې روڼتیا، له دغه وزارت سره پر ښې همغږۍ ‏او د داومداره ګټورو خدمتونو په اړه خبرې کړې دي.
په خبرپاڼه کې وړاندې راغلي، چې ‏په دغه لیدنه کې د بې پولې ډاکټرانو مشر ښاغلي میکایل لیپي هم په افغانستان کې د روغتیايي خدمتونو د لا ښه والي او پراختیا ژمنه کړې او د روغتیایي خدمتونو پر کیفیت او همغږۍ یې ټینګار کړی دی.
‏ ‏د خبرپاڼې په ټکو؛ ښاغلي لیپي دارنګه په هرات، کندوز او هلمند ولایتونو کې پر دوامداره روغتیایي خدمتونو ټینګار کړی او زیاته کړې یې ده، چې دغه مرکزونه به د عامې روغتیا وزارت سره په همغږۍ فعال شي.

له بل پلوه د طالبانو د بهرنیو چارو وزارت خبر ورکړی، چې د دغه وزارت مالي او اداري مرستیال ډاکتر محمد نعیم د افغانستان لپاره د بې پولې ډاکترانو له مشر ښاغلي میکاېل سره په لیدنه کې د روغتیايي خدمتونو د پراختیا او د راستنو شویو کډوالو لپاره د لازمو اسانتیاوو پر برابرولو خبرې کړې دي.

ښاغلي نعیم ويلي، د ملاهبت الله د فرمان له مخې د افغانستان په ټولو ولسوالیو کې د روغتیايي مرکزونو د جوړېدو بهیر روان دی.

د دغه وزارت له‌خوا په خپرې شوې خبرپاڼه کې راغلي، چې ښاغلي مېکایل د مېندو او د هغوی د ماشومانو روغتیا او د روغتیایي کارکوونکو د ظرفیت لوړونې په برخه کې د خپلو هڅو پر دوام ټینګار کړی دی.

په دغه ولایت کې د طالبانو د اطلاعاتو او کلتور مشر مولوي نصرالله ملکزاده وایي، چې له دې څارنې او پلټنې یې موخه د کتابونو د منځپانګې ارزونه ده.

د طالبانو د اطلاعاتو او کلتور وزارت خبرپاڼه کې د مولوي ملکزاده له قوله راغلي، چې د ټولو هغو کتابونو د خپرېدو مخنیوی کوي چې د «شریعت» او ملي ګټو سره په ټکر کې وي.

بلخوا د طالبانو د اطلاعاتو او فرهنګ وزارت د فرهنګ او هنر مرستیال عتیق الله عزيزي څو ورځې وړاندې په یوه غوڼده کې وویل، پر ټولو هغو کتابونو بندیز دی، چې «د اسلامي او افغاني ارزښتونو پر خلاف دي او ملي یووالي ته زيان رسوي.»

نوموړي له لیکوالانو غوښتي، چې د خاصو خلکو د ستاينې پر ځای د ټولنې واقعیتونه وليکي.

د یادولو وړ ده، چې د طالبانو د اطلاعاتو او فرهنګ وزارت درې میاشتي وړاندې کتاب پلورونکو ته امر کړی، چې د «اسلامي ارزښتونو خلاف» کتابونو له چاپ او خپراوي ډډه وکړي.

یاد وزارت ویلي و، چې په ټولو ولایتونو کې د «منع شویو کتابونو» د راټولولو بهیر دوام لري.

د طالبانو دغو بندیزونو ته لیکوالانو او د کتاب مینه والو سخت غبرګونونه هم ښودلي‌ دي.

دوی نیوکې کړې، چې د طالبانو د سخت دریځو افکارو او د بیان پر ازادۍ د بندیز له کبله اوس هېڅوک لا په خپله خوښه مطالعه هم نه شي کولای او خلک اړ باسي چې د طالبي افکارو لرونکي کتابونه ولولي.