پاکستان وايي د پیسو نړیوال صندوق دویم قسط پور هم ور کړی

د پښتونخوا ایالت د کورنیو او قبایلي چارو ادارې د رسمي شمېرو له مخې په ستانه کړای شویو کې ۱۶۹ تنه (ACC) کارت لرونکي او ۷۰۴ نور یې نااسناده افغان کډوال شامل دي.

دغه ادارې خبریالانو ته په لېږلو معلوماتو کې ویلي، ۶۹۰ تنه یې د تورخم او ۱۴ نور یې د انګور اډې له لارې استولي دي.

د دغو معلوماتو پر اساس پاکستان تر دې دمه یوازې د تورخم له لرې ۵۷۵۳۶۵ تنه افغان کډوال په جبري توګه افغانستان ته ستانه کړي دي.

بلخوا پاکستان له هند سره د اوربند تر اعلان وروسته یو ځل بیا د افغان کډوالو پر وړاندې خپل اقدامات سخت کړي، چې د ښځو او بشري حقونو د فعالانو نیونې او جبري ستنول په کې شاملې دي.

کارپوهان وايي، دا نیونې د پاکستان د تکراري سیاست یوه برخه ده، چې له بهرني فشار وروسته، خپل تمرکز افغان کډوالو ته اړوي.

په تېرو ورځو کې په اسلام‌اباد کې یو شمېر افغان کډوال، په ځانګړي ډول هغه ښځې چې د طالبانو له محدودیتونو دغه هېواد ته تښتېدلې وې، د پاکستاني امنیتي ځواکونو له خوا نیول شوي دي.

د بشري حقونو ډلې پر پاکستان نیوکه کوي، چې دغه نیونې د کډوالۍ نړیوالو اصولو خلاف دي او د هغو ښځو حقونه تر پښو لاندې کوي، چې د جنسیتي توپیر له کبله یې له افغانستان نه تیښته کړې ده.

هغه پر اېکس پاڼه کاږلي، چې دغه روغتون د لابراتوار، درملتون، د زړه د ناروغیو د ازموینو، د وینې فشار او د شکرې د معاینې لپاره په عصري روغتیایي اسانتیاوو سمبال دی.
هغه زیاته کړې، چې دغه روغتون به پر ډیورنډ کرښه مېشتو خلکو او افغان وګړو لپاره ښې روغتیایي اسانتیاوې برابرې کړي.
د هغه په وینا؛ د دغه روغتون په پرانیست غونډه کې د طالبانو او پاکستان لوړپوړو پوځي او اداري چارواکو او قومي مشرانو برخه اخیستې وه.
هغه وایي، د دغه روغتون د جوړولو اصلي موخه د دواړو هېوادونو د خلکو ترمنځ د دوستانه اړیکو پیاوړتیا ده.

خو نوموړي نه دي ویلي، چې دغه روغتون په یو وخت د څومره ناروغانو د درملنې وړتیا لري.

د طالبانو له‌خوا هم لا تر اوسه پورې د دغه روغتون د پرانیستې په اړه څه نه دي ویل شوي.

بلوڅ بیلتونپالو د یوې خبرپاڼې په خپرولو سره زیاته کړې، چې د یکشنبې په شپه یې د پنجګور په نوک اباد سیمه کې د پاکستان امنیتي ځواکونو یوه پوسته په نښه کړې، چې دوه پوځيان یې وژلي او ۵ نور ټپیان شوي دی.

خبرپاڼه زیاتوي، چې د دوی جنګیالیو د کلات په ګاراپ سیمه کې په یوه بل جلا برید کې د پاکستان پوځ د بم شنډولو د ډلې دوه تنه عسکر د ریموټ کنټرول بم په واسطه وژلي او همدا راز یې د کاچي په متري سیمه کې ۳ نور ټپیان کړي دي

د دغه ډلې ویاند جنید بلوڅ وایي، چې د (هیروف ۲.۰) عملیات یې پیل کړي، چې په لړ کې یې تر دې مهاله په ۵۷ سیمو کې ۷۸ بریدونو ترسره کړې دي.

جنید بلوڅ زیاتوي، د بلوڅ بېلتونپاله غورځنګ دا ډول بریدونه به تر هغې دوام ومومي چې ترڅو یې ازادي نه وي ترلاسه کړي.

د یادولو وړ ده، چې په دې وروستیو کې د بلوچستان دننه د دغه وسله‌وال غورځنګ فعالیتونه تر بل هر وخت پراخ شوي او د پاکستان د پوځ پر وړاندې یې ځینې لوی بریدونه هم کړي، چې په کې یې ورته درنه مرګ ژوبله هم اړولې ده.

د مقالې لیکوال وايي، چې پر افغانستان د طالبانو له واکمنېدو وروسته دا ډله په ډېریو مواردو کې د ترهګرو ډلو ملاتړکوونکې بلل شوې ده.

د لیکوال په اند، طالبان د یوې ډلې په توګه چې په افغانستان کې بشپړ کنټرول ترلاسه کړی، د څو ترهګرو ډلو کوربه‌توب کوي.

د مقالې د لیکوال په وینا، د پاکستاني طالبانو تحریک یا ټي‌ټي‌پي او بلوڅ وسله‌والو په څېر ډلې چې د پاکستان خلاف فعالیتونه ترسره کوي، د خپلو بریدونو د تنظیم او ترسره کولو لپاره د افغانستان خاوره کاروي او دا ډلې په دوامداره توګه د پاکستان لپاره د امنیتي ګواښونو په توګه یادې شوي دي.

بل‌خوا، هند هم د جیش محمد یا جي‌اي‌اېم او لشکر طیبه یا اېل‌اي‌ټي په څېر وسله والو ډلو په تړاو همدا ډول اندېښنې لري.

هند وايي، چې دا وسله‌والې ډلې د پاکستان ملاتړ له ځان سره لري او په کشمیر کې د دغه هېواد د ګټو پر وړاندې کارول کېږي.

د هند او پاکستان له پرلپسې نښتو وروسته، د دواړو هېوادونو ترمنځ د اوربند وضعیت چې په دې وروستیو اوونیو کې اعلان شوی، د دې لپاره مثبت ګام بلل کېږي، چې یو له هغو مهمو مسلو څخه چې د هند او پاکستان د اوربند په بهیر کې یې ځان ته پام ارړولی، په افغانستان کې د مېشتو جهادي ډلو رول دی، په ځانګړې توګه هغه ډلې چې د طالبانو له‌خوا یې ملاتړ کېږي.

د ډېپلوماټ مجلې لیکوال وايي، چې پاکستان له یوې خوا په افغانستان کې د دغه هېواد خلاف وسله‌والو ډلو اندېښمن کړی او له بلې خوا د کابل او نوي ډیلي ترمنځ ورځ تر بلې زیاتېدونکې اړیکې، هغه څه دي چې د اسلام‌اباد اندېښنې لا ډېرې کړې دي.

په مقاله کې ویل شوي، چې طالبان پر افغانستان له واکمنېدو وروسته د څو بېلابېلو ترهګرو ډلو کوربه‌توب کوي او دا هغه ډلې دي، چې د هند او پاکستان دواړو لپاره ګواښ بلل کېږي.

همداراز لیکوال وايي، سره له دې چې ډېرو هېوادونو تر اوسه د طالبانو رژیم په رسمیت نه پېژندلی، خو د هند او پاکستان روانو ناندریو ته اشارې زیاتوي، دا یو واقعیت دی چې دا ډله اوس‌مهال په سیمه‌ییزو سیاستونو کې مهم رول لوبوي.

په داسې حال کې چې طالبان د نړۍوال پېژندنې د ترلاسه‌کېدو په لټه کې دي، ښايي دوی هڅه وکړي چې په سیمه‌ییزو سیاستونو کې خپل دریځ پیاوړی کړي او له هغو فرصتونو ګټه واخلي چې د هند یا پاکستان له لوري ورته برابرېږي، په ځانګړې توګه په کابل کې د هندي چارواکو او طالبانو ترمنځ وروستۍ غونډې کولای شي د راتلونکو تحولاتو په تړاو مهم پیغامونه ولري.

د پاکستان روغتيايي مسولينو ویلي، چې د کراچۍ په ګډون په ټول سند کې له ۳۹ زره څخه زيات ماشومان له واکسين څخه پاتې دي.

روغتيايي مسولين وايي، چې د ۲۷ لکه ماشومانو لپاره یې د واکسین د ورکړې هدف ټاکلی و.

د مسولينو په خبره، په سند کې د پولیو ضد کمپاین پر مهال له ۸۸ لکه څخه زیاتو ماشومانو ته د پولیو څاڅکي ورکړل شوي، په داسې حال کې چې په دغه سیمه کې د هدف له مخې باید له یو کروړ څخه زیاتو ماشومانو ته د پولیو ضد څاڅکي ورکړل شوي وای.

د پاکستان روغتيايي چارواکو ويلي، چې د پوليو ضد درېيم ملي کمپاين به د مې له ۲۶ څخه پيل د جون تر لومړۍ نېټې به دوام وکړي.

د دوی د معلوماتو له مخي، چې د همدې کمپاین پر مهال به په ټول پاکستان کې ۴۰ مېليونه ماشومانو ته د پوليو ضد واکسین ورکړل شي.

افغانستان او پاکستان لا هم د نړۍ هغه هېوادونه دي، چې د پولیو وایرس له امله اغېزمن دي او د دغه ناروغۍ د له منځه وړلو هڅې پکې د امنیتي ګواښونو او د واکسینونو په اړه د ناسم پوهاوي له امله له جدي خنډونو سره مخ دي.