د امریکا د بهرنیو چارو وزیر ترکیې ته ولاړ

په ترکیه کې د اوکراین او روسیې ترمنځ د مستقیمو خبرو اترو په درشل کې د امریکا د بهرنیو چارو وزیر مارک روبیو ترکیې ته ولاړ. هغه د پنجشنبې په ورځ (د غوایي ۲۵مه) خبر ورکړ، چې د ناټو په یوې نارسمي غونډه کې د ګډون په موخه ترکیې ته ځي.

له بل پلوه امریکایي رسنیو بیا خبر ورکړی، چې نوموړی به د اوکراین او روسیې ترمنځ په خبرو کې چې نن په استانبول کې ترسره کېږي؛ ګډون وکړي.

تر دې وړاندې نیویارک پوسټ ورځپاڼې خبر ورکړی و، چې ټرمپ مارکو روبیو په خپل ځای د اوکراین او روسیې ترمنځ مذاکراتو ته لېږي.