د متحده عربي اماراتو ولسمشر د پنجشنبې په ورځ وویل چې هیواد یې پلان لري چې په لسو کلونو کې په متحده ایالاتو کې ۱.۴ ټریلیون ډالر پانګونه وکړي، نوموړي له امریکا سره د هغه "قوي ملګرتیا" ستاینه وکړه چې د ولسمشر ډونالډ ټرمپ په مشرۍ کې یې وده کړې.
شیخ محمد بن زاید د ابوظبي د ولسمشرۍ ماڼۍ څخه د ټرمپ سره په ګډه د ټیکنالوژۍ، مصنوعي ځيرکتیا او انرژۍ په برخو کې د "متحده عربي اماراتو پلان چې په راتلونکو لسو کلونو کې عملي شي اعلان کړ.
نوموړي دا هم وویل، هیواد یې لیواله دی چې په سیمه کې د سولې او ثبات ترلاسه کولو لپاره له متحده ایالاتو سره کډ کار ته دوام ورکړي.
ټرمپ د پنجشنبې په ورځ د متحده عربي اماراتو پلازمینې ته سفر وکړ، چې د خلیج هیوادونو د سفر وروستی تمځای و.
ټرمپ د اماراتو تر ټولو با ارزښته ملکي مډال، د زاید مډال هم ترلاسه کړ.
