کابل کې د طالبانو والي وایي، یوناما دې له دوی سره په بشپړې همغږۍ خپلې چارې مخ ته یوسي
په کابل کې د طالبانو والي امین الله عبید وایي، چې د یوناما دفتر دې له دغې ډلې سره په بشپړې همغږۍ خپلې چارې مخ ته یوسي؛ ترڅو خدمتونه ګټور او پر ځای ترسره شي.
نوموړي دغه څرګندونې تېره ورځ د یوناما استازي او د دغې ډلې د عامې روغتیا، اقتصاد، کلیو او پراختیا ریاستونو له رییسانو او یو شمېر نورو چارواکو سره د لیدنې پرمهال کړې دي.
د نوموړي د دفتر لهخوا په خپرې شوې خبرپاڼه کې د هغه په حوالې راغلي، چې د مرستو د وېش او پراختیایي پروژو د سروې بهیر باید د خلکو د ریښتینو اړتیاوو پر بنسټ ترسره شي.