رویټرز خبري اژانس راپور ورکړی، چې د امریکا د بهرنیو چارو وزارت د کډوالو دفتر د بهرنیو ناورینونو پر وړاندې د امریکا د پراختیایي پروګرام مسوولیت په غاړه واخیست. تر دې وړاندې د امریکا د ولسمشر ډونالډ ټرمپ لهخوا د دغه ادارې فعالیتونه ځنډول شوي وو.
د راپور له مخې؛ په دې اړه د امریکا ټولو ډیپلوماټیکو ماموریتونو ته اعلامیې لېږل شوې دي.
په اعلامیو کې له دغو ماموریتونو غوښتل شوي، چې د بهرنیو ناورینونو په اړه به د امریکا د بهرنیو چارو وزارت د کډوالو دفتر سره مشوره کوي او د دغې ادارې تر منښتې وروسته دوی د بهرنیو ناورینونو سره د مرستې لپاره تر ۱۰۰زره ډالرو پورې د لومړني غبرګون ملاتړ لپاره ترلاسه کولای شي.د رویټرز په وینا؛ له ډېرو هڅو وروسته یې په دې تړاو د امریکا د بهرنیو چارو وزارت ځواب نه دی ترلاسه کړی.خو په دغه وزارت کې یوې باوري سرچینې بیا رویټرز خبري اژانس ته د نوم نه ښودلو په شرط د دغه خبر پخلی کړی دی.سرچینې وایي، چې د شاوخوا ۵۲۵ متخصصینو څخه یوازې ۲۰ متخصصین چې د (USAID) او د امریکا د بهرنیو ناورینونو سره د مرستې په دفتر کې یې کار کاوه؛ د امریکا د بهرنیو چارو وزارت د کډوالو ادارې لهخوا ګومارل شوي دي.سرچینې رویټرز ته ویلي، چې دغه شمېره کافي نه ده؛ د د امریکا د بهرنیو چارو وزارت د کډوالو ادارې مشرتابه به څنګه د لویو بهرنیو ناورینونو په وړاندې غبرګونونه تنظیم کړي.د امریکا د بهرنیو ناورینونو سره د مرستې دفتر پخوانی مشر او د کډوالو نړۍوال سازمان مشر جیریمي کونیډیک بیا وایي، چې دا یوه ټوکه ده.
د امریکا د بهرنیو چارو وزارت د کډوالو اداره یوازې یوه عملیاتي اداره نه ده؛ بلکې دوی نور مهم کارونه هم لري.»
ټرمپ د چهارشنبې په ورځ (د غويي ۳۱مه) د ناستې په یوې برخه کې وویل: « خلک د خپل ژوند لپاره له سوېلي افریقا څخه تښتي. د دوی ځمکې غصبېږي او په ډېرو برخو کې دوی وژل کېږي.»
هغه دا څرګندونې د ویډیوګانو او چاپ شویو مقالو د ښودلو پرمهال وکړې، چې د هغه په وینا په سوېلي افریقا کې د سپین پوستو د ځورونې او وژنې شواهد دي.
په غونډه کې د اېلان ماسک شتون له پیل څخه د تاوتریخوالي احتمال لوړ کړی و.
د یادولو ده، چې ماسک په سوېلي افریقا کې زېږېدلی دی.
د امریکا حکومت په دې وروستیو ورځو کې ۵۹ سپین پوستي سوېلي افریقایان د کډوالو په توګه منلي دي.
دې پرېکړې د سوېلي افریقا د پلازمېنې پرتوریا د حکومت او په واشنګټن کې د امریکا د کانګرس د دېموکراتو استازو منفي غبرګونونه راپارولي دي.
ټرمپ د غويي په ۲۲مه په بېسارې څرګندونو کې د سوېلي افریقا د سپین پوستو پناه غوښتونکو هرکلی وکړ او ویې ویل؛ دغه ډله چې ډېری یې د «افریکانر» قوم پورې تړاو لري او د هالنډي کډوالو اولادونه دي، «د نژادي تبعیض قربانیان» دي او په خپل هېواد کې له «نسلوژنې» سره مخامخ دي.
رامافوسا د چهارشنبې په ورځ د امریکا له ولسمشر سره د لیدنې په پیل کې ویلي و، چې موخه یې د سوداګرۍ او مهمو معدني موادو په اړه خبرې دي، چې په یوه دوستانه فضا کې ناستې ته ننوت.
د ټرمپ سره د هغه لومړنۍ خبرې د ګالف په اړه وې او د سوېلي افریقا دوه مشهور ګالف لوبغاړې هم د هغه په پلاوي کې شامل وه؛ خو د ناستې لوری ژر بدل شو.
ټرمپ یوه ویډیو خپره کړه، چې سپین صلیبونه پکې ښکارېدل، کوم چې د هغه په وینا د زرګونو وژل شویو سپین پوستو د قبرونو نښې وې.
د مخالفو مشرانو د توندو ویناوو صحنې هم خپرې شوې او ټرمپ وویل، چې یو له دوی څخه باید ونیول شي.
رامافوسا د ویډیو د ښودلو پرمهال تر ډېره پرته له کوم غبرګون څخه ناست و، کله ناکله یې د ښه لید لپاره به یې غاړه وګرځوله.
هغه وویل، دا ویډیو یې مخکې هېڅکله نه ده لیدلې او غوښتل یې پوه شي چې چېرته دا ویډيو ثبت شوې ده.
ټرمپ وروسته چاپ شوې مقالې وښودې، چې پکې د سوېلي افریقا د سپین پوستو د وژنې یادونه شوې وه او کله چې یې پاڼې اړولې، وویل: «مرګ... مرګ.»
رامافوسا ټینګار وکړ، چې په سوېلي افریقا کې جرمونه شته؛ خو زیاتره قربانیان یې تور پوستان دي.
خو ټرمپ د هغه خبره پرې کړه او ویې ویل: «خو بزګران تور پوستان نه دي.»
ټرمپ همداراز د سوېلي افریقا له خوا د اسراییل د «نسل وژنې» په تور د عدالت په نړۍواله محکمه کې د شکایت یادونه هم وکړه او ویې ویل، چې هغه له قضیې څخه د کومې پایلې تمه نه لري.
رامافوسا مخکې په عاج ساحل کې په یوه کنفرانس کې ویلي و، چې سپین پوستي افریقایان «په ظاهره له هېواده وتلي دي، ځکه چې دوی د هغو پالیسیو مخالفت کاوه، چې د سپین پوستو د واکمنۍ له پای ته رسېدو وروسته د نژادي نابرابرۍ د له منځه وړلو لپاره عملي کېږي.»
د امریکا د کډوالو په پالیسیو کې تضادونه
له هغه وخته چې ټرمپ د تېرې جنورۍ په میاشت کې سپینې ماڼۍ ته ستون شو، هغه د سوېلي افریقا سره ټولې مالي مرستې بندې کړې او له دې هېواد سره یې اړیکې محدودې کړې دي، ځکه چې د اسراییل پروړاندې یې د نسل وژنې پر ضد د عدالت په نړۍواله محکمه کې دعوه کړې ده.
په دې وروستیو میاشتو کې د ټرمپ ادارې په امریکا کې د کډوالو د منلو ټولې پروسې ودرولې او د افغانستان، کانګو او نورو هېوادونو څخه د زرګونو کډوالو مخه یې ونیوله، چې د جګړې او شخړو څخه تښتیدلي او د امنیتي او مالي اندېښنو له امله د تایید پروسې څخه وروسته د شړلو لپاره چمتو وو.
د کډوالو نړۍوال سازمان چې د ملګرو ملتونو یوه اداره ده او له بې ځایه شویو خلکو سره مرسته کوي، تر دې وړاندې یې د امریکا د حکومت غوښتنه رد کړې وه، چې د افریقایانو د بیا مېشتېدنې سره مرسته وکړي.
