د طالبانو تر واک لاندې ملي راډیو ټلویزیون د راپور له مخې، د دغې ډلې مشر ملاهبت الله د پنجشېر ولایت لپاره د یوه ۱۰۰ بستریز روغتون د جوړېدو پروژه منظوره کړه. د راپور له مخې، د ملاهبت الله په هدایت د دې پروژې لپاره ۱۴۸ میلیونه افغانۍ بودیجه ځانګړې شوې ده.
د پنجشېر لپاره د طالبانو والي دفتر وایي، دغه روغتون به ددې ولایت د بهارک په سیمه کې په درې پوړیزه ودانۍ کې جوړ شي.
دوی همدراز زیاتوي چې په دې ۱۰۰ بستریز روغتون کې به د داخله، عمومي جراحي، کوچنیانو، نسایي ولادې، ارتوپېدي، سترګو، غوږونو او ستوني څانګې شاملې وي.
همداراز، روغتون به یوه مجهزه عملیات خونه، درملتون، ایکسرې څانګه، او د ناروغانو د پایوازانو لپاره د تمځای اسانتیاوې هم ولري.
تروسه طالبانو د دغه ۱۰۰ بستریز روغتون د جوړېدو د کار د پیل په اړه څه نه دي ویلي او نه هم روښانه شوې چې ددغه روغتون د جوړېدو چارې به کله تکمیلیږي.
دا لومړی ځل دی، چې د طالبانو مشر ملاهبت الله د یو ولایت د روغتون د جوړېدو لپاره بودېجه ځانګړې کوي.
