اسراییل د ایران د اټومي تاسیساتو پر ضد د برید چمتووالی زیات کړی
"کان" خبري شبکې راپور ورکړی، چې اسراییل په وروستیو میاشتو کې د ایران د اټومي تاسیساتو د احتمالي برید لپاره خپل پوځي چمتووالی په څرګند ډول زیات کړی دی.
"کان" خبري شبکې راپور ورکړی، چې اسراییل په وروستیو میاشتو کې د ایران د اټومي تاسیساتو د احتمالي برید لپاره خپل پوځي چمتووالی په څرګند ډول زیات کړی دی.
د راپور له مخې، دغه چمتووالی د هوايي ځواک د مانورونو او هغو عملیاتو له لارې ترسره شوی چې د یمن وروستیو بریدونو ته ورته ګڼل کېږي.
دا تمرینات او عملیات ښيي، چې اسراییل په ستراتیژیکو اهدافو د بریدونو لپاره تمرکز زیات کړي.
کان زیاتوي، چې د اړینو نظامي تجهیزاتو یوه برخه د امریکا له لارې د هوايي دهلېز په مرسته اسراییل ته انتقال شوې ده، څو د احتمالي برید لپاره لازم امکانات چمتو وي.
