طالبانو په کابل کې د معاملاتو لارښوونو ۶۹ دفترونه تړلي دي
د طالبانو د عدلیې وزارت ویلي، چې په تېره یوه میاشت کې یې په کابل ښار کې د معاملاتو د لارښوونې ۶۹ دفترونه د سرغړونو او غیر قانوني فعالیت له امله تړلي دي.
د طالبانو د عدلیې وزارت ویلي، چې په تېره یوه میاشت کې یې په کابل ښار کې د معاملاتو د لارښوونې ۶۹ دفترونه د سرغړونو او غیر قانوني فعالیت له امله تړلي دي.
د دغه وزارت له لوري د یکشنبې په ورځ «د غبرګولي ۱۱مه» په خپره شوې خبرپاڼه کې راغلي، چې د انسجام عمومي ریاست د معاملاتو لارښوونې او د عریضه لیکونکو د چارو ریاست د څار ډلې په غويي میاشت کې په کابل ښار کې د معاملاتو لارښوونو ۲۳۰ دفترونو څارنه کړې ده.
د طالبانو عدلیې وزارت ویلي، چې د معاملاتو د لارښوونو له دفترونو د څار پرمهال یې د معاملاتو لارښوونو ۶۹ دفترونه د غیر قانوني فعالیتونو له امله تړلي دي.
په خبرپاڼه کې د یادو دفترونو د غیر قانوني فعالیتونو په اړه نور جزییات نه دي ورکول شوي.
دا په داسې حال کې ده، چې څو ورځې وړاندې د طالبانو د عدلیې وزارت د ټولنو او ټولنیزو بنسټونو ریاست د څار ډلې ویلي وو، چې په کابل ښار کې یې ۷ خیریه بنسټونه او یوه اتحادیه د ناقانونه فعالیت له امله تړلې دي.
د افغانستان انټرنشنل خبریال د پخواني ولسمشر حامد کرزي له نژدې کسانو سره خبرې کړې او د هغه د کورنۍ او اولادونو په اړه یې معلومات ترلاسه کړي دي.
پخوانی ولسمشر یو زوی لري میرویس کرزی او درې لوڼې لري چې مشره يې ملالۍ کرزۍ، دوهمه یې نازو کرزۍ او درېیمه لوریې درخانۍ کرزۍ نومیږي.
د کرزي دوهمه لور نازو کرزۍ پنځم ټولکي کې زده کړې کوي او درېیمه لور یې درخانۍ کرزۍ په دوهم ټولګي کې زده کړې کوي. د پخواني ولسمشر اولادونه په کابل کې د افغان-ترک نړيوال ښوونځي کې زده کړې کوي.
د ترلاسه شویو معلوماتو له مخې، ملاله کرزۍ له شپږمه فارغه شوه او په څلورو ژبو پښتو، فارسي،انګلیسي او ترکي روانې خبرې کوي او مشر زوی یې میرویس کرزی بیا په کابل کې د افغان-ترک نړیوال ښوونځي له دولسم ټولګي فارغ شو.
پخوانی ولسمشر کرزی هره شپه له خپلو اولادونو سره د ښوونځي درسونه وايي او مرسته ورسره کوي.
پخواني ولسمشر حامد کرزي ته خپله کوچنۍ لور درخانۍ کرزۍ د نورو لوڼو په پرتله ډېره ګرانه ده او په خپلو رسمي ناستو کې هم بلنه ورکوي چې ورسره کډون وکړي.
پخواني ولسمشر حامد کرزي ته نژدې کسانو افغانستان انټرنشنل ته وویل چې د پراخې حوصلې په لرلو سره نوموړی خپلو اولادونو ته کله هم نه دی په غوسه شوی.
لومړی ځل حامد کرزی له خپلو لوڼو سره د جمهوریت د سقوط او کابل ته د طالبانو د راننوتلو پرمهال په یوه ویډیويي پېغام کې راڅرګند شو او افغانانو ته یې ډاډګېرنه ورکړه، چې زما کورنۍ او اولادونه له تاسې سره یو او له خلکو یې وغوښتل چې په کورونو کې پاتې شي.
څو ځله په سیاسي ناستو کې له پخواني ولسمشر حامد کرزي سره د درخانۍ کرزۍ لیدل کېدو په اړه ویل کېږي چې له سیاست سره علاقه لري او د زده کړو له پوره کېدو وروسته سیاسي ډګر ته راوځي، خو خپله د کرزي کورنۍ په دې اړه څه نه دي ویلي.
د پخواني ولسمشر دوه کوچنۍ لوڼې نازو کرزۍ او درخانۍ کرزي دواړې په هند کې زېږېدلې دي.
پخواني ولسمشر حامد کرزي تېره پنجشنبه له ۱۲ ټولګي نه د خپل زوی میرویس کرزي او له شپږم ټولګي نه د خپلې لور ملالۍ کرزۍ تر فراغت وروسته پر اېکسپاڼه ولیکل؛ « هیله لرم چې نوموړې د هیواد له خپلو ټولو خویندو سره تر دوولسم ټولګي پورې د هیواد په داخل کې خپلې زدهکړې بشپړې کړي، لوړې زدهکړې ترلاسه کړي، خپلو ارمانونو ته ورسېږي او د خپل ځان، خپلې کورنۍ او ګران وطن لپاره د خدمت مصدر وګرځي».
سره له دې چې د طالبانو له واکمنېدو وروسته دغې ډلې له شپږم ټولګي پورته ښوونځیو ته د نجونو پر تګ بندیز لګولی، خو حامد کرزي په وار وار له دې ډلې غوښتي چې د نجونو زده کړو ته اجازه ورکړي.
