د سویلي کوریا ولسمشریزې ټاکنې؛ لومړنۍ پایلې د لیبرال ګوند د نوماند لي جې میونګ بری ښيي

د سویلي کوریا د ولسمشر ۍ ټاکنو لومړنۍ پایلې د لیبرال ګوند د نوماند لي جې میونګ بریا ښیي. دغه ټاکنې له شپږ میاشتو سیاسي ګډوډیو وروسته ترسره شوې او په ټاکنو کې خلکو په پراخه کچه برخه اخیستې وه.

په دغو ټاکنو کې پنځو کسانو د ولسمشرۍ لپاره ځانونه نوماند کړي وو، خو په سیالۍ کې مخکښ نوماندان د کوریا د ډیموکراټیک ګوند د اپوزیسیون نوماند «لې جای میونګ» او د واکمن خلکو د ځواک ګوند محافظه کار نوماند «کېم مون سو» وو.

دواړو نوماندانو د حکومتي اصلاحاتو ژمنه کړې او باور لري، چې د سوېلي کوریا اوسنی سیاسي سیسټم او اقتصادي ماډل نور د کار وړ نه دی.