ایران د داعش د غړیتوب په تور ۹ تنه اعدام کړل
د ایران د قضايه ځواک د رسنیو مرکز اعلان وکړ چې د داعـ.ـش نهه تنه غړي، چې په ۱۳۹۶ لمریز کال کې یې غوښتل ترهګریز او تخریبي عملیات ترسره کړي، د عالي محکمو له تایید وروسته اعدام شول.
د ایران د قضايه ځواک د رسنیو مرکز اعلان وکړ چې د داعـ.ـش نهه تنه غړي، چې په ۱۳۹۶ لمریز کال کې یې غوښتل ترهګریز او تخریبي عملیات ترسره کړي، د عالي محکمو له تایید وروسته اعدام شول.
د ۱۳۹۶ کال د سلواغې پر اوومه نېټه د سپاه پاسداران د ځمکني ځواک قوماندان سردار محمد پاکپور اعلان کړی و، چې د هېواد په لویدیزه سیمه کې د داعش یو ترهګریز ټیم له منځه وړل شوی.
د هغه په وینا، داعش غوښتل خپل کسان ایران ته واستوي او د دغه هېواد په سرحدي او مرکزي ښارونو کې پر خلکو بریدونه وکړي.
ایرنا اژانس وايي، د دغو کسانو دوسیه د محاربې، وسله وال بغاوت او د جنګي وسلو د ساتلو له امله د تهران عمومي او انقلابي څارنوالۍ ته لېږل شوې وه چې په پای کې ددوی د اعدام حکم د ایران د سترې محکمې له تایید وروسته پلی شو او نهه واړه اعدام شول.
