خلیلزاد: عاصم منیر به د هند او پاکستان ترمنځ د سولې د خبرو لپاره امریکا ته ولاړ شي

د پاکستان د ماليې وزير محمد اورنګزېب د ملي اسمبلۍ غونډې ته د سې شنبه په ورځ (د غبرګولي ۲۰مه) ویلي، چې د سږ کال په مالي بودیجه کې د وروسته پاته سيمو د ښوونځیو او لوړو زده کړو د مرکزونو جوړېدو ته هم پاملرنه کوي.

د هغه په خبره، د لومړي وزير شهباز شریف په لارښوونه به په وروسته پاته سیمو کې «دانش په نوم ۱۱ ښوونځي» جوړ شي، چې درې په ازاد کشمير، درې په ګلګت بلتستان، څلور په بلوچستان او یو به هم په اسلام اباد کې وي.

هغه زیاته کړې، چې د دې ښوونځيو د جوړېدو لپاره به اړوندو ادارو ته ۹.۸ میلیاره روپۍ ورکړل شي.

نوموړي ویلي: «د لوړو زده کړو کمېسیون ته به ۳۹.۵ میلیارده روپۍ ورکړل شي، چې دا به د ۱۷۰ روانو پروژو په بشپړولو کې مرسته وکړي.»

د نوموړي په خبره: «د ساینس او ​​ټېکنالوژۍ په برخه کې د ۳۱ روانو پروژو لپاره ۴.۸ ميلیارد روپۍ ځانګړې شوې دي.»

د ماليې وزير د مالي کال د بوديجې د تشريح پر مهال دغه راز ویلي، چې د روغتيا په برخه کې د ۲۱ پروژو لپاره ۱۴.۳ میلیارده روپۍ ځانګړې شوې دي.

د هغه په خبره، په اسلام اباد کې د جناح طبي کمپلیکس او څېړنيز مرکز لپاره ۴ میلیارده او د سرطان د درملنې روغتون لپاره ۱.۷ میلیارده بېلې شوې دي.

د هند د دفاع وزیر راجنات سینګ د سې شنبې په ورځ په دهرادون سیمه کې د « ملي امنیت او ترهګرۍ» تر سرلیک لاندې ډیالوګ ته وویل، چې هند او پاکستان په ورته وخت کې خپلواکي ترلاسه کړې، خو نن ورځ هند د «ډیموکراسۍ مور» په توګه پیژندل شوی، په داسې حال کې چې پاکستان «د نړیوالې ترهګرۍ پلار» په توګه راڅرګند شوی دی.

هغه وايي، چې پاکستان تل ترهګرو ته پناه ورکړې، په خپله خاوره کې یې روزلي او مرسته یې ورسره کړې ده.

سینګ د کشمیر په سویل کې د پهلګام د اپریل ۲۲مې نېټې ترهګریز برید ته په اشارې، چې ۲۶ ملکي وګړي پکې وژل شوي وو، وویل: « تاسې ولیدل چې دوی دلته د دین پوښتنه وکړه او بیا یې وژل، خو موږ د دوی دین ته نه، بلکې د دوی عمل ته په کتو سره برید وکړ. دا د هېواد پر ټولنیز یووالي هم برید و».

نوموړي پر نړیوالې ټولنې غږ وکړ چې پر پاکستان دې مالي مرستې بندې کړي او ویې ویل چې د دې مالي مرستې لویه برخه پر ترهګرۍ لګول کیږي.

هغه وویل: « پاکستان د ترهګرۍ روزنځای دی. باید تغذیه نه شي».

نوموړي د ملګرو ملتونو د امنیت شورا ترهګرۍ ضد پینل د مرستیال په توګه د پاکستان د نومولو په تړاو ویلي، چې پاکستان د سپټمبر ۱۱مې بریدونو اصلي عامل ته پناه ورکړې وه. سینګ وايي، «اوس له همدې هېواده تمه کیږي چې د ترهګرۍ پر وړاندې د نړیوالې ټولنې مشري وکړي، خو د ملګرو ملتونو د امنیت شورا دا اقدام داسې دی لکه پیشو ته چې د شیدو ساتلو دنده ورکړل شي».

د انډین ایکسپریس د رپوټ له مخې، د هند دفاع وزیر راجنات سینګ وايي، چې که پاکستان په خپله خاوره کې د ترهګرۍ پر وړاندې اقدام نه شي کولی، باید د هند مرسته وغواړي.

هغه زیاته کړې: « د هند وسله وال ځواکونه د سرحد په دواړو خواوو کې د ترهګرۍ پر وړاندې د اغیزناک اقدام کولو وړتیا لري، چې پاکستان پخپله د سندور عملیات په ترڅ کې ولیدل».

د کشمیر دد پهلګام له برید وروسته هندي او پاکستاني چارواکي وخت ناوخته پر یوه او بل نیوکې کوي.

سره له دې چې د امریکا متحده ایالاتو، مصر او قطر له خوا په غزه کې د اوربند د بیا ټینګولو لپاره هڅې روانې دي، خو نه اسراییل او نه هم حماس د خپلو اصلي غوښتنو څخه د شاته تګ لپاره لېوالتیا ښودلې ده او هر اړخ موافقې ته د نه رسېدو پړه پر یو بل اچوي.

د رویټرز د خبر له مخې، نتنېاهو چې د خپل ښي اړخي ایتلاف له خوا د جګړې د دوام او غزې ته د بشري مرستو د ننوتلو د مخنیوي لپاره تر فشار لاندې دی، د هغه د دفتر له خوا شریک شوي ویډیو کې ویلي چې پرمختګ شوی، خو نور جزئیات یې نه دي ورکړي.

یوې سرچینې رویټرز ته ویلي، چې امریکایي چارواکي دغه اوربند ته ډېر خوشبینه دي او حماس ته یې ډېر ډاډ هم ورکړی او دا د واشنګټن فشار و چې ژر تر ژره دې یوه معامله ترسره شي.

رویټرز لیکلي چې له حماس او امریکايي چارواکو څخه یې په دې اړه څرګندونې غوښتې خو هغوی لا ځواب نه دی ورکړی.

اسراییل ویلي چې دوی به تر هغه وخته پورې جګړه وکړي تر څو په غزه کې پاتې ۵۵یرغمل شوي کسان خوشې او حماس له منځه یووړل نه شي.

د کالیفورنیا والي ګیون نیوسم او د لاس انجلس ښاروالې کارن باس له فدرالي مداخلې سره مخالفت ښودلی.

دوی ویلي، چې زیاتره لاریونونه سوله‌ییز ول.

سمندري ځواکونه په ځانګړي توګه د فدرالي ملکیتونو او کارکوونکو ساتنه کوي.

د امریکا ولسمشر ډونالډ ټرمپ له خوا د سمندري ځواکونو لېږل یو نادره امر ګڼل کېږي.

د ټرمپ ادارې له‌خوا د کډوالۍ سیاستونو له سختولو وروسته، لاریونونه د ټېکزاس ایالت ډالاس او اسټین ښارونو ته هم وغځېدل.

د فاکس نیوز د راپور له مخې؛ د دوشنبې په ماښام (د غبرګولي ۱۹مه) لسګونه خلک په ډالاس کې د «مارګارېټ هانټ هېل» پل ته څېرمه سره راټول شوي وو او د امریکا د کډوالۍ او ګمرکي اقداماتو پر ضد یې شعارونه ورکول.

دارنګه په اسټین ښار کې هم سلګونه لاریون کوونکي سړکونو ته راوتي وو او په لاس انجلس کې یې له لاریونوالو سره د پیوستون اعلان وکړ.

دغو لاریونوالو د ټرمپ ادارې له‌خوا د ناقانونه کډوالو پر وړاندې د ځپونکو عملیاتو د پای ته رسولو غوښتنه وکړه.

که څه هم په ډالاس او اسټین کې لاریونونه سوله‌ییز بلل شوي خو په نورو ښارونو کې بیا دغه لاریونونه په تاوتریخوالي اوښتي دي.

د اسراییلي چارواکو په وینا، په یادو دندو کې یوه مهمه غوښتنه د اسراییل د هوايي دفاعي سیستم ایرن دوم عکسونو اخیستل وو.

چارواکي وايي چې هلک دغه دنده نه ده ترسره کړې، خو له تورنو سره یې اړیکه او خبرې تایید شوې دي.

د امنیتي چارواکو په وینا، دا پېښه ښيي چې دښمن هېوادونه اوس هڅه کوي ان کم‌عمره ماشومان د خپلو استخباراتي اهدافو لپاره وکاروي.