ټرمپ د خامنه يي د وژلو په تړاو د اسراییل پلان ویټو کړی

افغانستان انټرنشل ـ پښتو ته د هرات، فراه، کندهار او هلمند ولایتونو څخه د نفتي توکو کاروباریانو ویلي، چې درې ورځې مخکې د یوټن ایراني تېلو قیمت ۹۳۰ ډالره و، خو د جمعې له ورځې وروسته په هرو څو ساعتونو کې د تېلو بیې لوړیږي او اوس د یو ټن تېلو قیمت ۱۲۴۰ ډالرو ته پورته شوی.

په هرات کې د تېلو د یوه پمپ مسوول فضل محمد افغانستان انټرنشنل ـ پښتو ته وویل:« د تېلو قیمتونه هر ساعت لوړیږي، ډیزل خو بیخې نه پیدا کیږي او پټرول لا نن سهار ټن په ۱۲۴۰ خرڅ شول، کېدای شي سهار ته د تېلو قیمت نور هم لوړ شي.»

د نفتي توکو کاروباریان وايي، پر ایران د اسراییل له برېد وړاندې هم له ایران څخه د تېلو راتګ کم شوی و.

په کندهار کې د تېلو د یو شرکت مسوول د نوم نه ښودلو په شرط وايي:« تقریبا دوه هفتي کيږي، چې د ایران څخه تېل بند دي، ځکه د تېلو کیفیت ټېت و، طالبانو بند کړي وو. اوس نو هغه بې کیفته تېل هم نه پیدا کیږي، د تېلو قراردادیان اوس تېلو ته په خپله خوښه قیمتونه ټاکي.»

د کندهار او هلمند په بازارونو کې یو کیلو اوبلن ګاز ( په هټیو کې په کیلو پلورل کیږي) په ۵۴ افغانۍ او نن په شپېته افغانۍ پلور کیده، یو لیټر پټرول مخکې ۶۰ افغانۍ او نن ۶۵ افغانۍ او یو لیټر ډیزل مخکې ۵۸ افغانۍ خو اوس یې قیمت تر ۷۰ افغانیو لوړړ شوی دی.

شنونکي وايي، د ایران او اسراییل د جګړې له امله ښايي په افغانستان کې د تېلو بیې نورې هم لوړې شي او یو شمېر سوداګر له دغه ډول وضعیت څخه د ځان په ګټه استفاده کوي.

نوموړي ټینګار وکړ چې اسراییل یواځې د ایران جګپوړي اتومي ساینس پوهان هدف ګرځولي. ده هغوی د هټلر له ساینسپوهانو سره پرتله کړي دي.

نتنیاهو پر طمره ښار د ایران د توغندیو برید په غبرګون کې وویل: «توغندي زموږ ترمنځ توپیر نه کوي. راغلي چې موږ ټول له منځه یوسي. موږ په دې جګړه کې یو ځای سره ولاړ یو».

دا څرګندونې په داسې حال کې کېږي چې وړاندې ددغه هېواد د پوځ یوه چارواکي وویل، چې ددوی هدف د ایران د رژیم تغیرول نه دي.

د طالبانو ویاند وايي، چې نوموړي په خپله وینا کې د علماوو د دیني، ټولنیز او سیاسي رول یادونه وکړه او ویې ویل چې هغوی باید د انبیاووور پاتې مسوولیتونه پر مخ یوسي، شریعت نافذ کړي، د خلکو ترمنځ قضا وکړي، منازعات حل کړي او د تعلیم، دعوت او نصیحت له لارې د دین ساتنه وکړي.

د طالبانو مشر زیاته کړې چې د دیني علومو احیا د شریعت اقامه تضمینوي او د خلکو اصلاح هم له علم سره تړلې ده.

هغه له استادانو وغوښتل چې د طالبانو او شاګردانو په تعلیم، تربیه، عقیده او فکر جوړونه کې لا زیات تمرکز وکړي.

نوموړي ټینګار کړی، چې له نورو ادارو سره همکاري ضروري ده او د اعتماد فضا باید پیاوړې وساتل شي.

په ورته وخت کې د ایران د پخوانۍ شاهي کورنۍ غړی شهزاده رضا پهلوي له فاکس‌نیوز سره په یوه مرکه کې ویلي چې روانه جګړه د ایران د خلکو جګړه نه ده، بلکې د علي خامنه‌يي جګړه ده چې هېواد یې دې مرحلې ته رسولی دی.

هغه زیاته کړه: «رژیم له ۴۰ کلونو راهیسې د 'مرګ پر امریکا' او 'مرګ پر اسراییل' شعارونه ورکوي، خو خلک وایي چې زموږ اصلي دښمن دلته دننه دی».

پهلوي وویل چې اوس نړیوالې رسنۍ، عامه افکار او بهرني حکومتونه د ایران خلک د رژیم له مشرتابه څخه ډېر ښه جلا کوي. دی وایي حل‌لاره د ایران خلک دي، نه له یو داسې رژیم سره خبرې چې د باور وړ نه‌دی.

د اسراییل د دفاع وزارت عمومي رییس د د دغه هېواد د فضا او هوايي صنایعو، رافیل، البیت سیسټمز او تومر کمپنیو له مشرانو څخه غوښتنه کړې چې د ایران له لوري د مزایلو د ګواښ د مخنیوي لپاره د وسلو تولید چټک کړي او د مهمو تاسیساتو د ساتنې کچه لوړه کړي.

بارام د تهران پر وړاندې د وروستیو برېدونو او د ایران د بالسټیک مزایلو د شنډولو په برخه کې د اسراییل د ټېکنالوژۍ ستاینه کړې ده او ویلي یې دي، چې دا ډول عملیات « له هغو نوښتګرو ټکنالوژیو پرته چې په تېرو کلونو کې رامنځته شوې، ناشوني وو.»

همدارنګه نوموړي وویل:«زموږ دفاع بشپړه نه ده».

نوموړي د ظرفیت لوړولو او د راتلونکو دفاعي سیسټمونو د چټک پرمختګ اړتیا مهمه بللې ده.