اسراییلي رسنۍ: د جګړې له پیله د ایران په بریدونو کې ۱۹ اسرایلیان وژل شوي

دغه وزارت د یوې خبرپاڼې په خپرولو سره لیکلي، چې دغه بلنه تېره ورځ په کابل کې د قرغزستان سفیر تورداکون سیدیکوف د طالبانو د صنعت او سوداګرۍ وزیر نورالدین عزیزي سره په لیدنه کې ورکړې ده.
د خبرپاڼې له مخې؛ ښاغلي نورالدین عزیزي د قرغزستان د اقتصاد او سوداګرۍ وزیر له بلنې او افغانستان ته د قرغزي پلاوي له سفر هرکلی وکړ.

هغه وړاندیز کړی، چې افغانستان ته د دغه پلاوي د سفر په لړ کې دې په کابل کې د قرغزستان د محصولاتو او تولیداتو نندارتون جوړ شي.
د عزیزي په وینا؛ که چېرې د یاد هېواد پلاوی د اقتصاد او سوداګرۍ د وزیر په مشرۍ ګډون وکړي؛ د تړونونو لاسلیک به په لوړه کچه ترسره شي.
په خبرپاڼه کې راغلي، په دغه لیدنه کې دواړو خواوو د سوداګریزو اړیکو د پراختیا لپاره د یوه پلان جوړولو، د دواړو هېوادونو د خصوصي سکتور فعالانو ترمنځ د سوداګریزو تبادلو لپاره د اسانتیاوو برابرولو، د سوداګرۍ، ترانزیت او پانګونې تړونونو لاسلیک کولو، د ترانزیت او لوژستیکي اسانتیاوو د برابرولو لپاره د لوژستیکي مرکز جوړولو او د قرغزستان جمهوریت څخه افغانستان ته د بشري مرستې په ګډون د بېلابېو مسلو په اړه بحث او خبرې کړې دي.
په دغه لیدنه کې د طالبانو د صنعت او سوداګرۍ وزیر نورالدین عزیزي د منځنۍ اسیا له هېوادونو سره د اقتصادي اړیکو پر پیاوړتیا ټینګار کړی دی.

نوموړي وړاندیز کړی، چې د مرستو وېش دې د افغان کډوالو او د افغانستان قرغزیانو ته متمرکز شي.

راپور زیاتوي،‌ د طالبانو ملکي هوايي چلند ادارې د یوې رسمي خبرتیا له لارې ویلي، ټولې نړۍوالې الوتکې چې غواړي د کابل د الوتنیزو معلوماتو له سیمې (Kabul FIR) څخه تېرې شي؛ باید مخکې له مخکې رسمي اجازه تر لاسه کړي.

د دغې نوې پرېکړې له مخې؛ ډېری نړۍوالې الوتکې اړې شوې، چې د لنډ وخت لپاره د پاکستان په فضايي حریم کې تم شي؛ څو پر کابل له واکمنې ډلې اجازه ترلاسه کړي. له اجازې تر لاسه کولو وروسته، یادې الوتکې کولای شي د افغانستان له هوایي حریم څخه تېرې شي.

جیو نیوز وړاندې کاږي،‌ په تېرو ۲۴ ساعتونو کې یو شمېر نړۍوالو الوتکو د کابل د الوتنیزو معلوماتو سیمې ته له ننوتو وړاندې د پاکستان په هوايي حریم کې ځنډنۍ شوې او دورې یې وهلې دي. د بېلګې په توګه یې د برېتېش اېروېز BA142 الوتکه یاده کړې، چې له نوي ډیلي څخه لندن ته روانه وه. دغه الوتکه شاوخوا ۲۰ دقیقې د پاکستان په فضا کې پر ګرځېدو مجبوره شوې وه.

سربېره پر دې، نورې هغه الوتکې چې له سنګاپور څخه فرانکفورټ، لندن او کوپنهاګ ته روانې وې او همداراز الوتنې له تایپه څخه فرانکفورټ ته او له نوي ډیلي څخه زوریخ ته تلونکې وې؛ هم د ورته ځنډ سره مخ شوې تر څو د طالبانو اجازه تر لاسه کړي.

یادې ټلوېزیوني شبکې په راپور کې لیکي، د طالبانو ملکي هوايي چلند ادارې له‌خوا خپره شوې خبرتیا ښيي؛ تر هغه مهاله چې رسمي اجازه ورنه کړل شي، هېڅ الوتکه نه شي کولای د افغانستان فضا وکاروي. که څه هم د دغې پرېکړې کره لامل لا هم نه دی شریک شوی؛ خو داسې ښکاري، چې امنیتي اندېښنې او نظارتي دلایل به یې تر شا وي.

دغه پرېکړه داسې مهال ترسره کېږي، چې د ایران او اسراییل د روان کړکېچ له امله په سیمه کې یو شمېر هېوادونو پر خپلو هوایي حریمونو څار ډېر کړی دی.

د ډیپلوماټیکو سرچینو په وینا؛ د تفتان پوله به نن د مازدیګر له څلورو بجو وروسته پرانیستل شي.

تر دې وړاندې د یکشنبې په ورځ هم ۱۸۰ پاکستانیان له ایرانه پاکستان ته ستانه شوي وو.

په ایران کې د پاکستان سفیر مدثر ټیپو وايي، په ایران کې د پاکستان سفارت کار کوي چې پاکستانیانو ته ټولې ممکنه اسانتیاوې برابرې کړي.

د ایران او اسراییل ترمنځ د روانو شخړو له امله پاکستان له ایران سره خپله ګډه پوله تر نامعلومې نېټې پورې تړلې ده. د دواړو هېوادونو ترمنځ د الوتنو لړۍ هم درېدلې ده.

له بل پلوه د پاکستان د کورنیو چارو وزارت خپلو وګړو ته مشوره ورکړې، چې ایران ته له سفر کولو ډډه وکړي.

د غونډې تمرکز چې تر دې وړاندې د نړۍوالو اقتصادي مسایلو او تجارتي ستونزو پر حل و، اوس د منځني ختیځ ژور بحران ته اوښتی.

د امریکا ولسمشر ډونالډ ټرمپ ویلي، باور لري چې جګړه ممکن تهران دې ته اړ کړي چې د اټومي تړون منلو ته چمتو شي.

د برېتانیا او فرانسې مشرانو هم پر ایران غږ کړی، چې له پاروونکو اقداماتو لاس واخلي او د سولې خبرو ته راستون شي.

ټاکل شوې وه، چې د امریکا او ایران ترمنځ اټومي خبرې‌اترې د یکشنبې په ورځ وشي، خو د اسراییلي بریدونو له پیل سره وځنډول شوې.

د G7 مشران اوس هڅه کوي، چې د تهران او تل‌ابیب ترمنځ د شخړې د پراخېدو مخه ونیسي.

د راپور له مخې، تهران باور لري چې په هېواد کې نورې ورته فابریکې هم شته او امنیتي ځواکونه یې د کشف او له منځه وړلو لپاره عملیات ترسره کوي.

د ایران او اسراییل ترمنځ د اړیکو خرابوالی د دواړو هېوادونو ترمنځ د بې پیلوټه الوتکو د تولید او کارولو په برخه کې د نویو پرمختګونو لامل شوی دی.

ایران د اسراییل د بې پیلوټه الوتکو د تولید د فابریکو د کشف او له منځه وړلو لپاره جدي اقدامات پیل کړي دي.