مارکو روبیو: د نشهيي توکو د مخنیوي لپاره به پر ځینو کسانو د ویزو بندیزونه ولګوو
د امریکا د بهرنیو چارو وزیر مارکو روبیو نوې پالیسي اعلان کړه چې د بندیزونو لاندې کسانو د کورنیو او نږدې ملګرو لپاره به د ویزو محدودیتونه زیاتوي، څو د فینټانېل او نورو وژونکو نشه یي توکو امریکا ته د ننوتلو مخه ونیسي.
روبیو په ایکس لیکلي: «موږ به ټول اړین وسایل وکاروو څو د فینټانېل او نورو وژونکو نشه یي توکو د هېواد دننه د ننوتلو مخه ونیسو او دا جریان له منځه یوسو.»
نوموړي ټینګار کړی چې دا ګام د مخدره توکو د قاچاق د مخنیوي په موخه اخیستل کېږي ترڅو د هېواد امنیت خوندي وساتل شي.