افغان فوټبالره نادیه ندیم د ۲۰۲۵کال یورو سیالیو لپاره د ډنمارک د ښځو ملي لوبډلې سره یوځای شوه. ۳۷ کلنه نادیه چې په ۱۲ کلنۍ کې جلاوطنه شوه؛ د فوټبال په نړۍ کې یې د منچسټر سیټي، پاريسنژرمن، ای سي میلان او د هامارابي کلب لپاره لوبې کړې دي.
هغې په ۲۰۰۹ کال کی د ډنمارک ملي لوبډلې لپاره خپله لومړۍ لوبه ترسره کړه او تر دې دمه یې په ۱۰۵ نړۍوالو سیالیو کې ګډون کړی، چې ۳۸ ګولونه لري.
دا په داسې حال کې ده، چې افغانستان کې د طالبانو لهخوا پر ښځینهوو ورزشي لوبډلو د لوبو او فعالیت بندیزونه لګول شوي دي؛ خو له هېواده بهر بیا افغان نجونې لا هم د نړۍوالو سیالیو په ډګر کې ویاړونه ترلاسه کوي.
د ډنمارک لوبډله د یورو ۲۰۲۵ په درېیم ګروپ کې له جرمني، پولنډ او سویډن لوبډلو سره سیالي کوي.