د افغانستان د ازادو سیالیو لوبغاړي واحدالله نژند خپل تاجکستانی سیال په ګونډو کړ
په جرمني کې مېشت د افغانستان د ازادو سیالیو لوبغاړي واحدالله نژند خپل تاجکستاني سیال "شوخ نظروف" په سبمېشن سره مات او ورسره یې سیالۍ وګټله.
په جرمني کې مېشت د افغانستان د ازادو سیالیو لوبغاړي واحدالله نژند خپل تاجکستاني سیال "شوخ نظروف" په سبمېشن سره مات او ورسره یې سیالۍ وګټله.
دغه سیالۍ نن شپه د جرمني د هامبورګ د ازادو مبارزاتو په "اوکتاګون" سازمان کې پيل شوه او بالاخره په دویم رونډ کې افغان لوبغاړي په سبمېشن سره خپل سیال له مخې لرې کړ او ورسره یې بریا خپله کړه.
واحدالله نژند چې په دې سیالۍ کې په شدت سره ژوبل شوی و؛ خو بیا یې هم خپلې مبارزې ته دوام ورکړ او د خپلو ګټلو سیالیو شمېر یې لسو ته ورساوه.
هغه له بریا وروسته په خپلو خبرو کې وویل، "ام، ام، اې" یې په افغانستان کې زده کړې او اوس په جرمني کې د کډوالۍ شپې او ورځې تېروي او همداراز یې له نړۍوالو وغوښتل، چې په نړۍ کې نوره جګړه بس کړي او هر انسان باید په سوله او سوکالۍ کې ژوند وکړي.
د ویلو ده، چې واحدالله نژند ۳۱ کلن دی او په ۱۲ کړو سیالیو کې یې لس ګټلي او په اوکتاګون سازمان کې یې دا درېیمه بریا ده چې خپله یې کړه او همداراز تاجکستانی سیال یې ۲۴ کلن دی او قد یې هم ۵ سانتي له نژنده لوړ دی او په څلورو کړو سیالیو کې یې ۳ ګټلي او یوه وروستۍ یې هم افغان لوبغاړي ته بایلوده.