واخان شل اوریزه جام؛ هندوکش په ۶ ویکټو ماهیپر کرېکټ لوبډلې ته ماتې ورکړه
د واخان ملي شل اوریز کرېکټ جام دویمه لوبه کې هندوکش سټرایکرز لوبډلې د ۶ لوبغاړو په توپیر د ماهیپر ستوري لوبډلې ته ماتې ورکړه.
واخان ملي شل اوریز جام دویم پړاو دویمه لوبه چې د ماهیپر ستوري او هندوکش سټرایکرز لوبډلو تر منځ ترسره شوه، ماهیپر د لوبې د پچې له ګټلو وروسته لومړی د توپوهنې پرېکړه وکړه.
په دغه لوبه کې ماهیپر د ۸۰ منډو هدف ټاکلی و، چې هندوکش د ۶ ویکټو په توپیر ترلاسه کړی.
تر دې وړاندې د دغه شل اوریز سیالیو لومړۍ لوبه کې پامیر لیجنډز د ۲۶ منډو په توپیر د میوند اتلان لوبډلې ته ماتې ورکړې وه.
د پامیر لیجنډز لوبډلې لیګ بریکر عرب ګل مومند چې ۴ ویکټې یې په خپل نوم کړي، د لوبۍ غوره لوبغاړی نومول شوی وو.
د افغانستان کرېکټ بورډ وایي، واخان ملي شل اوریزه جام دویم پړاو لوبې چې په کندوز کرېکټ ملي لوبغالي کې پیل شوي، موخه یې شپږیزه لیګ سیالیو ته د غوره ځوانانو موندنه ده.
د راپورونو له مخې، دغه سیالۍ به لس ورځې دوام وکړي.