یو شمېر معترضو افغان مېرمنو د مسکو لهخوا د طالبانو رسمیت پېژندنه وغندله
یو شمېر معترضو افغان مېرمنو د روسیې لهخوا دطالبانو د «رسمیت پېژندنې» پرېکړه په کلکه غندلې او دا یې «د جنسیتي تبعیض ښکاره ملاتړ او د عدالت له اصولو نه سرغړونه» بللې ده.
یو شمېر معترضو افغان مېرمنو د روسیې لهخوا دطالبانو د «رسمیت پېژندنې» پرېکړه په کلکه غندلې او دا یې «د جنسیتي تبعیض ښکاره ملاتړ او د عدالت له اصولو نه سرغړونه» بللې ده.
افغان مېرمنو شنبه (چنګاښ ۱۴مه) په خپل بیان کې زیاته کړې چې د کرېملین دا اقدام نه یوازې د افغان ښځو حقونو ته جدي ګواښ دی، بلکې په سیمه او نړۍ کې د افراطیت او بېثباتۍ خپراوي ته لار هواروي.د بیان لهمخې، د مسکو دا ادعا چې طالبان د ترهګرۍ پر وړاندې په مبارزه کې همکاري کوي، د د دې ډلې لپاره «د سیاسي ملاتړ توجیه کولو لپاره یوه ناسمه هڅه» ده.
په دغه بیان کې ټینګار شوی چې د روسیې پرېکړه له افغان ولس سره «ښکاره دښمني» ده او پایله یې کېدای شي د بشري حقونو کړکېچ لا پسې ژور، د ښځو، زیانمنو قومونو او مذهبي لږکیو ځورول ډېر کړي.
افغان معترضو مېرمنو پر ملګرو ملتونو غږ کړی چې د هغه څه په اړه بې پروا پاتې نهشي چې د دغه سازمان د منشور لهمخې سرغړونه بلل کېږي او له عمومي اسامبلې نه یې غوښتي چې د «سولې لپاره یووالي» د پرېکړهلیک په چوکاټ کې د روسیې د غړیتوب د ځنډېدو امکان په پام کې ونیسي.
دا څرګندونې وروسته تر هغې کېږي چې وړمه ورځ مسکو اعلان وکړ چې طالبان یې په رسمیت پېژندلي دي. روسیه لومړنی هېواد شو چې د طالبانو رژیم یې په رسمیت وپېژانده.
