د مقاومت جبهې په پنجشېر کې د دوو کسانو وژنه وغندله
د افغانستان د مقاومت په نوم د طالبانو ضد جبهې په یوه خپاره کړي بیان کې د «حکیمالله خان او احمد علي» په نومونو د دوو کسانو وژلکېدل تایید او غندلي دي.
د افغانستان د مقاومت په نوم د طالبانو ضد جبهې په یوه خپاره کړي بیان کې د «حکیمالله خان او احمد علي» په نومونو د دوو کسانو وژلکېدل تایید او غندلي دي.
په بیان کې راغلي، چې دا دواړه «د طالبانو په لاس» وژل شوي او دا پېښه د دغې ډلې «د سیاسي بندیانو او بېګناه خلکو د دوامداره وژنې» یوه برخه ده.
یادې جبهې ویلي، چې طالبان په داسې کړنو سره د خپلو «تاریخي جرمونو دوسیه» درنه کوي او ټینګار یې کړی چې یوه ورځ به د دې کړنو ځواب وايي.
نوموړې جبهې همداراز زیاته کړې، چې «د بېګناه خلکو وژنه» د طالبانو «د کمزورۍ او ماتې» نښه ده او دا ډله هڅه کوي؛ څو د تاوتریخوالي له لارې خپل دریځ ژوندی وساتي.
دا په داسې حال کې ده، چې پرون په پنجشېر کې ځايي سرچینو افغانستان انټرنشنل ته تایید کړې وه، چې د طالبانو د لوا ځانګړي ځواک جنګیالیو دوه ولسي وګړي تر څو ورځني بند او شکنجې وروسته د ملمخاک په غرنۍ سیمه کې په ډزو وژلي دي.
یوه بله ځایي سرچینه چې نه یې غوښتل نوم یې افشا شي، هم دغه پېښه تایید کړې او ویلي دي، چې «دې دوو کسانو له مقاومت جبهې سره هېڅ اړیکه نه لرله».
