محمد صادق: د نجونو په ګډون سلګونه افغان زده کوونکي د پاکستان تعلیمي بنسټونو ته معرفي شول

سرچینو افغانستان انټرنشنل ته ویلي، چې ملا یعقوب درې ورځې وړاندې د هبت الله له خوا کندهار ته ورغوښتل شوی و.

سرچینو د ملا هبت الله او ملا یعقوب د لېدنې په اړه جزییات نه دي ورکړي، خو وايي، چې د ملا یعقوب او هبت الله تر منځ لېدنې او خبرو شاوخوا څلور ساعته دوام درلود.

ملا یعقوب له هبت الله سره تر لېدنې وروسته په کندهار کې له یو شمېر قومي مشرانو سره لیدنې ترسره کړې دي.

سرچینو ویلي، چې ملا یعقوب مجاهد کندهار ته د خپل سفر پرمهال او له ملا هبت الله سره تر لیدنې وروسته د مولوي هبت الله د ځانګړو ځواکونو له قوماندانۍ «د ملا صاحب سرای» څخه هم لېدنه ترسره کړې ده.

دغه سرچیني وايي، ملا یعقوب نن چهار شنبه بېرته کابل ته ستون شوی، خو له ستنېدو وروسته دفاع وزارت ته نه دی تللی.

طالب چارواکي دا بدلونونه د شفافیت، زده‌کړې د کیفیت لوړولو او ټېکنالوژۍ ته د تګ یوه هڅه بولي.

ددې ادارې مشر عبدالباقي حقاني د چارشنبې په ورځ په کابل کې د دې ادارې د یو کلنو لاسته‌راوړنو د تشریح پروګرام کې وویل، چې سږکال د کانکور د نوم‌لیکنې پروسه په انلاین ډول تطبیق شوې او د هېواد په اوو لویو زونونو کې د ازموینې واحدونه جوړ شوي دي.

نوموړي د دې ادارې د یو کلنو لاسته‌راوړنو د تشریح پروګرام کې زیاته کړه چې پښتو او دري پوښتنې اوس د خپلواکو ژبپوهانو له خوا جوړېږي او د ژباړې پخوانۍ لړۍ یې بنده کړې، ځکه ژباړل شوې پوښتنې زده‌کوونکو ته ستونزې جوړوي.

د طالبانو د ازموینو د تخنیکي برخې سلاکار پوهنیار یما امان وویل چې د انلاین نوم‌لیکنې اسانتیاوې برابرې شوې وې او هغو ولایتونو ته چې انټرنټي ستونزې یې لرلې، د زونونو له لارې مرسته شوې.

هغه وایي، سږکال د کانکور ګډونوالو شمېر لس سلنه زیات شوی او تر ۵۰ زرو زیاتو زده‌کوونکو یې د انلاین ازموینو له لارې پوښتنو ته ځوابونه ویلي دي.

یما امان زیاته کړې چې دغې ادارې د اسنادو د الکترونیک کولو سیسټم فعال کړی دی او هڅه کوي ټول اسناد الکټرونیک کړي.

هغه وویل چې د کانکور پایلې ښايي د راتلونکې اونۍ په پیل یا نیمایي کې اعلان شي.

د دغه وزارت د خبرپاڼې له مخې، په یادو جراحي عملیاتو کې ۲۳۷ ستر او ۵۱۶ کوچني دي او ټول یې د افغان متخصصو ډاکټرانو له لوري په وړیا ډول ترسره شوي دي.

له دې سربېره په دغه روغتو کې ۲۸۳۰۲ناروغانو ته په وړیا توګه سراپايي یا OPDاو ۳۵۷۹ ناروغانو ته داخل بستر یا IPD خدمتونه هم وړاندې شوي دي.

په کابل کې صدري ابن سینا تخصصي روغتون یو له دولتي روغتونونو دی چې، هر ورځ پکې په وړیا ډول د سلګونه ناروغانو لومړني معاینات او عملیات کېږي خو ټول ناروغان اړ دي چې درمل له شخصي درملتونونو وپېري.

د تهران د دماوند د پولیسو مشر مرتضی ملکي ویلي، چې یو ایرانی کس یې د افغان کډوال د قتل په تور نیولی او نیول شوي کس په خپل جرم اعتراف هم کړی دی.

د دماوند د پولیسو مشر ویلي:«د ورکېدو د راپور تر ثبتېدو وروسته څېړنې پیل شوې. کله چې مړی وموندل شو، شکمن کس و پېژندل شو او نیول شو. نوموړي د پلټنو پرمهال جرم منلی دی.»

پولیسو ویلي، چې شکمن کس د تهران د ابسرد له سیمې بهر اوسیږې او د امیر رضايي د وژلو دلیل یې کار او مالي شخړه ښودلې ده.

د پولیسو د معلوماتو له مخې، شکمن کس رضايي په تېزه وسله وژلی او مړی یې په باغ کې ښخ کړی و.

رضايي د سکواتور چلولو لپاره د جولای په ۲مه له کوره وتلی و او څو ورځې وروسته یې له کورنۍ سره اړېکه پرې شوې وه چې وروسته یې مړ جسد په یو باغ کې وموندل شو.

پر همدغه مهال ځايي خلکو ویلي، چې مړی په داسې حال کې موندل شوی، چې لاسونه یې تړلي وو او سر یې پرې شوی و.

د دماوند پولیسو ویلي، چې د شکمن کس یو بل همکار چې تر پېښې وروسته تښتېدلی و د اصلي شکمن تر نیولو لږ تر ترلږه ۲۴ ساعته وروسته د قضايي همغږۍ له مخې په یوه لوېدیز ولایت کې نیول شوی دی.

د قرغیزستان د ملي امنیت شورا سکرتر بکتېبک بکبولوتوف د سې شنبې په ورځ تاس اژانس ته په یوه مرکه کې وویل، چې «په چولپون‌ اتا کې د ډله ییز امنیت سازمان د امنیت شورا د سکرترانو د کمیټې په وروستۍ غونډه کې، سره له دې چې د افغانستان له خاورې د ګواښونو د له منځه وړو په برخه کې د طالبانو نړیوالې ژمنې په پام کې نیول شوې، د افغانستان د سولې او ثبات لپاره د مرستې نیتونه تایید شول».

نوموړی وايي،په دې ناسته کې د نړیوالو هڅو په چوکاټ کې د ملګرو ملتونو مرکزي همغږی رول وپیژندل شو او له نړیوالې ټولنې نه د افغانانو لپاره د بشري مرستو د زیاتولو نوې غوښتنې وشوې.

د نوموړي په وینا، په دې شرایطو کې د روسیې فدراسیون له خوا رسمیت پېژندل یو مناسب او منطقي اقدام ښکاري، خو زیاتوي، چې دا په دې معنا نه ده چې نور هېوادونه به ژر ورته ګام پورته کړي، ځکه هر هېواد به د خپلو ملي ګټو پر اساس عمل کوي.

بکبولوتوف ټینګار وکړ چې «بیشکیک د طالبانو له رسمیت پېژندنې پرته لا هم افغانستان ته بشري مرسته رسوي، په ځانګړې توګه پامیر سیمه کې مېشت قرغیز قوم ته».

تر دې وړاندې، د روسیې د بهرنیو چارو وزارت تاس خبري اژانس ته ویلي وو چې روسیې طالبان په رسميت پېژندلي دي.

تېر کال د سپټمبر په میاشت کې د قرغیزستان د بهرنیو چارو وزارت ویلي وو چې اړوندو چارواکو پرېکړه کړې چې طالبان د د ممنوعه ډلو له لېست څخه وباسي.

بکبولوتوف وايي، د امنیت او ثبات د ټینګښت، د پایښت لرونکو پرمختیایي اهدافو د ترلاسه کولو او د نېک ګاونډیتوب د اړیکو د پیاوړتیا په موخه، د ډله ییز امنیت سازمان غړي هېوادونه په هغو نړیوالو همکاریو کې راښکون ښيي، چې په مساوي ډیالوګ، د دوه ګونو معیارونو د مخنیوي، قانون حاکمیت او د هېوادونو د تاریخي او کلتوري ځانګړتیاوو په درناوي باندې ولاړې وي.