اسراییل: د فلسطین په اړه د ملګرو ملتونو پلټنه متعصبه ده

۳۹ کلنه یولیا سویریډینکو ته دنده سپارل شوې چې د اوکراین د وسلو کورنی تولید زیات کړي او پر بهرنیو پورونو متکي اقتصاد بېرته راژوندی کړي.

زیلېنسکي د پارلمان یوې غونډې ته په وینا کې وویل چې له خپلې نوې کابینې تمه لري، چې د شپږو میاشتو په موده کې د جګړې په ډګر کې د کورنیو وسلو ونډه له ۴۰ سلنې ۵۰ سلنې ته ورسوي.

سویریډینکو تر دې مخکې، له ۲۰۲۱ کال راهیسي د لومړۍ مرستیالې دنده پرغاړه لرله.

دا تړون، چې د دفاع، ترانسپورت، اقتصاد او مهاجرت په برخو کې ژورې اړیکې تعریفوي، له اروپایي اتحادیې د برېتانیا له وتلو وروسته د نوې همکارۍ یو مهم ګام بلل کېږي.

د تړون له مخې به دواړه هېوادونه د یوې مستقیمې رېل‌پټلۍ د جوړولو پلان هم تعقیب کړي، چې بریتانیا به مستقیماً له جرمني سره ونښلوي.

د مهاجرت برخه کې جرمني ژمنه کړې، چې د کال تر پایه به د ناقانونه مهاجرت پر وړاندې قانون جوړ کړي.

د روسیې له تاس خبري ژانس سره د دیمیتري مېدوېدېف په خبرو کې داسې ښکاري چې مسکو له لوېدیځ سره د اوکراین پر سر د لانجې د لا پراخېدو احتمال احساسوي.

همدا څو ورځې مخکې د امریکا ولسمشر ډونالډ ټرمپ له روسیې وغوښتل چې په ۵۰ ورځو کې دننه له اوکراین سره سوله وکړي ګنې له سختو بندیزونو سره به مخ شي.

مېدوېدېف یو ځل بیا د ناټو او اروپايي هېوادونو د مشرانو هغه ادعاوې رد کړې چې ګواکې روسیه به یوه ورځ پر یوه اروپايي هېواد برید وکړي خو ورسره جوخت یې په ډاګه کړې چې که لویدیزوال نور ګامونه واخلي، نو روسیه باید په بشپړ ډول ځواب ورکولو ته چمتو وي.

د مېدوېدېف د دغو څرګندونو په اړه کرملېن ویلي، سره له دې چې یادې څرګندونې د مېدوېدېف شخصي څرګندونې دي خو د اروپا د دریځ په تړاو د هغه څرګندونې برحقه دي.

رویټرز وايي، دیمیتري مېدوېدېف چې دمګړۍ د روسیې د امنیت شورا مرستیال دی، له۲۰۰۸کال نه تر ۲۰۱۲کاله د روسیې د ولسمشر په توګه ځان یو معتدل اصلاح غوښتونکی معرفي کړی و خو اوس د لویدیزوالو پر وړاندې سخت دریځ لري او د ډيپلوماټانو په وینا، د هغه څرګندونې د روسیې د ځینو لوړپوړو کړیو له دریځ سره برابرې دي.

شویګو د سې شنبې په ورځ ویلي، چې د ناټو هېوادونه د خپلو لګښتونو پوره کولو لپاره مالیات زیاتوي او « د نورو ملتونو شتمنۍ غلا کوي».

ظاهرا د هغه هدف د روسي شرکتونو کنګل شوې پیسې دي.

د روسیې د امنیت شورا مشر له کومرسانت ورځپاڼې سره په مرکه کې ادعا کړې چې:«د ناټو هېوادونو لپاره د نورو ملتونو د شتمنیو غلا او استثمار یوه عامه او منظمه کړنلاره ده، دا کړنه موږ د افغانستان، لیبیا او سوریې په قضیو کې هم لېدلې ده.»

پر همدغه مهال نوموړي ادعا کړې، چې اروپايي اتحاديې د روسیې له ګنګل شویو شتمنیو څخه شاوخوا ۷ میلیارده یورو عاید ترلاسه کړی او اوس هڅه کوي، چې دغه پیسې هم په خطرناکو پانګونو کې ولګوي.

دغه روسي چارواکي ویلي، چې اروپايي هېوادونه غواړي، چې تر ۲۰۳۵ کال پورې د ټولنیزو بودجو د کمښت، پورونو اخیستو، د خلکو او شرکتونو د مالیاتو د زیاتوالي له لارې خپل دفاعي لګښتونه له ۱،۵ تریلیون ډالرو څخه تر ۴ تریلیون ډالرو لوړ کړي.

په خبرپاڼه کې راغلي، چې په دغه یو ورځني سفر کې به له ډار سره د پاکستان د رېل پټلۍ وزیر، د افغانستان لپاره ځانګړی استازی محمد صادق او یو شمېر نور چارواکي هم مل وي.

په خبرپاڼه کې زیاته شوې، چې د دغه هوکړې د لاسلیک موخه د ازبکستان، افغانستان او پاکستان ترمنځ د رېل پټلۍ جوړېدو او پرې د سوداګریزو اړیکو رامنځته کول دي.

همدا راز زیاته شوې، چې د دغه پټلۍ په جوړېدو سره به پاکستان د منځنۍ اسیا هېوادونو بندرونو ته لاسرسی پېدا کړي او سوداګریزې راکړې ورکړې به یې ورسره پیاوړې شي.

د‌ پاکستان د بهرنیو چارو وزارت یاده پروژه د سیمه‌ییزې سوداګرۍ پراختیا، ټرانزیټي اسانتیاوو د ودې او ټیکاو لپاره مهمه ګڼلې ده.

د خبرپاڼې پر بنسټ؛ محمد اسحاق ډار به د دغه سفر پر مهال د طالبانو د بهرنیو چارو له وزیر امیرخان متقي تر څنګ د یادې ډلې له رییس الوزرا ملا محمد حسن اخوند سره هم وګوري.

د دغو ناستو د بحث وړ موضوعات د سیمې او نړۍ د پرمختګنو په تړاو د نظرونو تبادله ښودل شوې؛ خو ډېر کله پاکستاني چارواکو د خپلو دغه ډول ناستو په ترڅ کې له طالبانو سره خپلې امنیتي اندېښنې شریکې کړې دي.

طالبانو لا تر اوسه پورې د دغه لوړپوړي پاکستاني پلاوي د سفر په تړاو څه نه دي ویلي.

محمد اسحاق ډار تر دې دمخه هم کابل ته سفر کړی او هغه مهال یې له طالبانو سره د «ټي‌ټي‌پي» په تړاو خپلې اندېښنې شریکې کړې وې او له دغې ډلې یې غوښتي و، چې په افغانستان کې د ټي‌ټي‌پي پناه ځایونه له‌منځه یوسي.

د ډار تر پخواني سفر وروسته پاکستاني رسنیو خبر ورکړی و، چې د اسلام اباد او طالبانو ترمنځ مثبت تعامل رامنځته شوی او د پاکستان د امنیتي اندېښنو د حل لپاره یې ځینې پرېکنده اقدامات هم کړي دي.