پاکستاني امنیتي ځواکونو د ځانمرګو برېدونو چمتوالي په تور پنځه کسان نیولي دي

د تاجک رسنیو د راپورونو له مخې، دا اقدام د "د تاجکستان او افغانستان ترمنځ د سوېلي پولې د ثبات" په نوم د درېیم پړاو پروژې برخه ده، چې موخه یې د افغانستان په شمال کې د تاجکستان د پوله‌ساتنې امنیت پیاوړتیا ده.

د تاجکستان چارواکو د اروپايي ټولنې له خوا د پولې د امنیت ټینګښت لپاره د څار کامرو د ورسپارلو پرمهال دا مرسته د افغانستان او تاجکستان ترمنځ د پولې د امنیت د ټینګښت لپاره خورا مهمه بللي ده او وايي، چې د شاوخوا سیمي د ثبات لپاره به اغېزمن رول ولري.

پر همدغه مهال د اروپايي تولنې سفیر رایمونډاس کاروبلیس ویلي:« دا نوښت د اورپايي ټولنې او د اروپا د امنیت او همکارۍ سازمان له خوا د کډ تعهد ښکارندوی دی، چې غواړي د افغانستان پولې ته څېرمه د امنیت د ښه والي او چټک غبرګون وړتیاوو پراخېدو ته زمینه برابره کړي.»

د اروپايي ټولنې سفیر ویلي، چې دغه کامرې به په هغو غرنیو سیمو کې چې لید پکې محدود دی د سرحد څارنه اسانه او د سرحدي ځواکونو د چټک عکس العمل وړتیا به لوړه کړي.

ولي محمد نوري ته د دغه افتخاري دوکتورا ورکړې په مراسمو کې د بریتانیا د پاچا د ځانګړي استازي په ګډون ګڼو نورو چارواکو هم ګډون درلود.

100%

د منډو دغه لوبغاړی چې اوس په لندن ښار کې ژوند کوي شاوخوا یوه نیمه لسیزه مخکې په هلمند ولایت کې د یوې ماین چادونې له امله په سترګو معلول شو او تر اوسه یې د منډو په برخه کې په بېلابېلو نړۍوالو سیالیو کې لومړي مقامونه ګټلي دي.

د طالبانو د کډوالو وزارت د جمعې په ورځ د یوې خبرپاڼې په خپرولو سره ویلي، چې د افغانستان لپاره د برېتانیا د سفارت شارژدافیر رابرت ډکسن، د افغانستان په چارو کې د برېتانیا نوې ټاکل شوي استازي ریچارد لینزي او ځینو نورو برېتانیايي ډېپلوماټانو د دې ډلې د کډوالو وزیر مولوي عبدالکبیر سره لیدلي.

طالبانو د بریتانیايي چارواکو له قوله ویلي، چې برېتانیا د افغان کډوالو لپاره ۱،۱ میلیارد افغانۍ مرسته کړې ده او دا مرسته به د ملګرو ملتونو ادارو له لارې مصرف شي.

د طالبانو د کډوالو وزیر د یادې لیدني په ترڅ کې د بریتانیايي ډېپلوماټانو څخه له ایران او پاکستان څخه د راستنېدونکو کډوالو لپاره د بیړنیو مرستو او د کډوالو لپاره د ښارګوټو جوړولو په برخو کې د همکارۍ غوښتنه کړې ده.

په خبرپاڼه کې د افغانستان لپاره د بریتانیا د شارژدافیر له قوله لیکل شوي چې:«لندن به له افغانانو سره مرستو ته دوام ورکړي.» هغه دا هم ویلي چې له طالبانو سره به یې خبرې او لیدنې دوام لري.

پر همدغه مهال د افغانستان لپاره د برېتانیا ځانګړي استازي د طالبانو او نړۍ د اړیکو په اړه خبرې کړې او ویلي یې دي، چې شته مسایل باید د خبرو له لارې حل شي.

مالیزیايي چارواکو ویلي، چې له نیول شویو کسانو سره موندل شوي ویزې جعلي وې او ښايي له ازبکستان څخه صادر شوې وې.

د مالیزیا د سرحدونو ادارې ویلي:« لومړنۍ پلټنې ښیي چې دوی له ایران څخه تښتېدلي وو او مالیزیا ته یې د وروستي منزل په توګه د ننوتو هڅه کوله.»

همدارنګه د مالیزیا د سرحدي ادارې چارواکو ویلي، چې د استخباراتي معلوماتو پر بنسټ یې د نیول شویو کسانو اسناد څېړلي او د کډوالو د قوانینو د سرغړونې او جعلي اسنادو د کارونې له امله یې نیول شویو کسانو ته د مالیزیا خاورې ته د داخلېدو اجازه نه ده ورکړې.

د سرحدونو کنټرول او ساتنې ادارې په خپلې اعلامیه کې ویلي: «دغه چټک اقدام زموږ د پولو د خوندي ساتنې او د ناقانونه کډوالۍ د مخنیوي په برخه کې د ژمنتیا څرګندونه کوي.»

تردې مهاله د مالیزیا چارواکو د نیول شویو افغانانو د هویت او د هغوی د برخلیک په اړه څه نه دي ويلي.

د یاد وزارت ویاند عبدالقهار بلخي پر اېکس پاڼه لیکلي، چې دغو ستنېدونکو افغانانو ته دوی خپل هېواد ته د سفر اړوند اسناد چمتو کړي دي.

طالبانو د قطر دولت څخه هم مننه کړې، چې له جرمني سره یې د دغو خبرو اترو پر مهال له دغې ډلې سره همکاري کړې ده.

دا په داسې حال کې ده، چې تر دې وړاندې یو شمېر جرمني رسنیو خبر ورکړی چې هېواد یې نن ۸۱ هغه افغانان چې په جرمونو ککړ دي؛ بېرته افغانستان ته لېږي.

د بشري حقونو یو شمېر بنسټونو د جرمني دغه کار غندلی او اندېښنه یې څرګنده کړې، چې ښايي دغه ستنېدونکي کسان د طالبانو له لوري له ګواښونو سره مخ شي.