د بریتانیې یوه پوهنتون افغان لوبغاړي ولي محمد نوري ته افتخاري دوکتورا ورکړه

د طالبانو د کډوالو وزارت د جمعې په ورځ د یوې خبرپاڼې په خپرولو سره ویلي، چې د افغانستان لپاره د برېتانیا د سفارت شارژدافیر رابرت ډکسن، د افغانستان په چارو کې د برېتانیا نوې ټاکل شوي استازي ریچارد لینزي او ځینو نورو برېتانیايي ډېپلوماټانو د دې ډلې د کډوالو وزیر مولوي عبدالکبیر سره لیدلي.

طالبانو د بریتانیايي چارواکو له قوله ویلي، چې برېتانیا د افغان کډوالو لپاره ۱،۱ میلیارد افغانۍ مرسته کړې ده او دا مرسته به د ملګرو ملتونو ادارو له لارې مصرف شي.

د طالبانو د کډوالو وزیر د یادې لیدني په ترڅ کې د بریتانیايي ډېپلوماټانو څخه له ایران او پاکستان څخه د راستنېدونکو کډوالو لپاره د بیړنیو مرستو او د کډوالو لپاره د ښارګوټو جوړولو په برخو کې د همکارۍ غوښتنه کړې ده.

په خبرپاڼه کې د افغانستان لپاره د بریتانیا د شارژدافیر له قوله لیکل شوي چې:«لندن به له افغانانو سره مرستو ته دوام ورکړي.» هغه دا هم ویلي چې له طالبانو سره به یې خبرې او لیدنې دوام لري.

پر همدغه مهال د افغانستان لپاره د برېتانیا ځانګړي استازي د طالبانو او نړۍ د اړیکو په اړه خبرې کړې او ویلي یې دي، چې شته مسایل باید د خبرو له لارې حل شي.

مالیزیايي چارواکو ویلي، چې له نیول شویو کسانو سره موندل شوي ویزې جعلي وې او ښايي له ازبکستان څخه صادر شوې وې.

د مالیزیا د سرحدونو ادارې ویلي:« لومړنۍ پلټنې ښیي چې دوی له ایران څخه تښتېدلي وو او مالیزیا ته یې د وروستي منزل په توګه د ننوتو هڅه کوله.»

همدارنګه د مالیزیا د سرحدي ادارې چارواکو ویلي، چې د استخباراتي معلوماتو پر بنسټ یې د نیول شویو کسانو اسناد څېړلي او د کډوالو د قوانینو د سرغړونې او جعلي اسنادو د کارونې له امله یې نیول شویو کسانو ته د مالیزیا خاورې ته د داخلېدو اجازه نه ده ورکړې.

د سرحدونو کنټرول او ساتنې ادارې په خپلې اعلامیه کې ویلي: «دغه چټک اقدام زموږ د پولو د خوندي ساتنې او د ناقانونه کډوالۍ د مخنیوي په برخه کې د ژمنتیا څرګندونه کوي.»

تردې مهاله د مالیزیا چارواکو د نیول شویو افغانانو د هویت او د هغوی د برخلیک په اړه څه نه دي ويلي.

د یاد وزارت ویاند عبدالقهار بلخي پر اېکس پاڼه لیکلي، چې دغو ستنېدونکو افغانانو ته دوی خپل هېواد ته د سفر اړوند اسناد چمتو کړي دي.

طالبانو د قطر دولت څخه هم مننه کړې، چې له جرمني سره یې د دغو خبرو اترو پر مهال له دغې ډلې سره همکاري کړې ده.

دا په داسې حال کې ده، چې تر دې وړاندې یو شمېر جرمني رسنیو خبر ورکړی چې هېواد یې نن ۸۱ هغه افغانان چې په جرمونو ککړ دي؛ بېرته افغانستان ته لېږي.

د بشري حقونو یو شمېر بنسټونو د جرمني دغه کار غندلی او اندېښنه یې څرګنده کړې، چې ښايي دغه ستنېدونکي کسان د طالبانو له لوري له ګواښونو سره مخ شي.

د جرمني د کورنیو چارو وزارت ویلي، چې دغه ۸۱ افغان پناه‌ غوښتونکي د جمعې په سهار د جرمني له لایپزیګ هوایي ډګر څخه کابل ته واستول شول.

دغه وزارت ویلي، لومړی به هغه بهرنیان و اېستل شي چې د جرمني امنیت ته ګواښ بلل کېږي.

تېر کال هم د اولاف شولڅ په مشرۍ د جرمني حکومت ۲۸ هغه افغان پناه‌ غوښتونکي افغانستان ته استولي وو، چې جرمي دوسیې یې لرلې.

د جرمني رسنیو راپور ورکړی، چې دغه افغانان یې په قطر اېرویز الوتکې کې کابل ته لېږدولي دي.

د فلایټ رادار ۲۴ وېب پاڼې راپور ورکړی، دغه الوتکه چې افغان کډوال یې لېږدول په ځايي وخت د سهار په ۸:۳۵ بجې د کابل په لور الوتنه وکړه.

سعیدوف د جمعې په ورځ د (چنګاښ ۲۷مه)‌ پر خپله اېکس پاڼه زیاته کړې، چې د افغانستان، ازبکستان او پاکستان ترمنځ د افغان ټرانس پروژې اړوند هوکړه‌لیک هم د همکاریو د دوام لپاره یو غوره ګام و. هغه زیاته کړې، چې هېواد یې له طالبانو سره اړیکو او همکارۍ ته ژمن دی.

نوموړي لیکلي: «ازبکستان چمتو دی له افغانستان سره په بنسټیزو پروژو، لوژستیک، انرژۍ او د زده‌کړو په برخه کې همکارۍ لا پیاوړې کړي. باور لرو، چې افغانستان د منځنۍ او سوېلي اسیا ترمنځ د پل رول لوبوي».

هغه دا څرګندونې داسې مهال کړې دي، چې د پنج‌شنبې په ورځ د (چنګاښ ۲۶مه) په کابل کې پاکستان، ازبکستان او طالبانو د افغان ټرانس پروژې د مطالعاتو سنجولو هوکړه لاسلیک کړه. د پاکستان د بهرنیو چارو وزیر هم دغه هوکړه د درې واړه هېوادونو لپاره ګټوره بللې ده.

طالبان چې له نړۍوالې انزوا سره مخ دي،‌ د اړیکو لپاره ورته یوازې د منځنۍ اسیا هېوادونه لکه چین، روسیه، پاکستان او یو شمېر نور اسلامي هېوادونه ورپاتې دي؛ خو له روسیې پرته هېڅ چا لا په رسمیت نه دي پېژندلي.