د بنګله دېش د هوايي ځواک الوتکې د لوېدو له امله لږ تر لږه ۱۹ کسان مړه شوي

ګبارډ د جمعې په ورځ سلګونه هغه پټ سندونه ښکاره کړل، چې د ۲۰۱۶کال ټولټاکنو کې د روسیې له لاسوهنو سره اړه لري.

هغې وویل، دغه برېښنالیکونه ښيي چې اوباما هڅه کړې وه د جعلي استخباراتو له لارې د ټرمپ د بریا مخه ونيسي.

ټرمپ د ټروت خواله رسنۍ له لارې د ګبارډ څرګندونې تایید کړې دي او په دې اړه یې د مصنوعي ځیرکتیا په مرسته یوه خیالي ویډیو هم خپره کړې ده.

په دې ویډیو کې لیدل کېږي، چې اوباما د امریکا د فډرالي پلټنو ادارې له‌خوا نیول کېږي..

په پاکستاني پلاوي کې به د دغه هېواد د بهرنیو چارو وزیر اسحاق ډار ترڅنګ د پاکستان مرستیال لومړی وزیر هم شامل وي.

د دغې لیدنې موخه د پاکستان او امریکا ترمنځ د ستراتيژیکو اړیکو پياوړتیا ښودل شوې ده.

ډار به لومړی نیویارک ته ولاړ شي او هلته به د ملګرو ملتونو د امنیت شورا له‌خوا د سولې او منځني ختیځ د وضعیت په اړه د غونډې مشري وکړي او بیا به د امریکا له بهرنیو چارو وزیر مارکو روبیو سره وویني.

د اسراییل صدراعظم بنیامین نتنیاهو، چې نن سهار، د چنګاښ پر ۲۹مه یې د وزیرانو اونیزه غونډه کې ګډون نه و کړی، مسموم شوی او درې ورځې به له کوره د دولت چارې پرمخ وړي.

د اسراییل د صدراعظم دفتر وایي چې نتنیاهو تېره شپه ناروغ شوی و. ډاکتر الون هرشکو، چې د هداسه پوهنتون روغتون د داخله طب رییس دی، د هغه د معاینې پر مهال وویل چې صدراعظم د فاسدو خوړو د خوړلو له امله د کولمو التهاب لري.

اسراییل ټایمز د هغه د معالج له خولې وايي، چې د صدراعظم وضعیت اوس ښه ښودل شوی، خو د بدن د اوبو د کمښت له امله ورته د رګ له لارې اوبه ورکول کېږي.

د نتنیاهو دفتر ویلي: « د ډاکترانو د سپارښتنې له مخې، صدراعظم به راتلونکې درې ورځې استراحت کوي او دولتي چارې به له کوره پر مخ وړي».

نتنیاهو، چې اوس ۷۵ کلن دی، په وروستیو کلونو کې له یو شمېر روغتیايي ستونزو سره مخ شوی.

په ۲۰۲۳ کې د زړه د لنډمهالي بندښت له امله روغتون ته لاړ او مخکې تر هغې د بدن د اوبو کمښت له امله روغتون ته وړل شوی و. په ۲۰۲۴ کې یې د چوره توب عملیات درلودل او څو ورځې یې د انفلونزا له امله کار پرېښی و.

د انډين اېکسپریس ورځپاڼې شنبه (چنګاښ ۲۸مه) د هندوستان په پارلمان کې د مخالفې ډلې مشر راهول ګاندي په حواله راپور ورکړی چې د مودي چوپتیا د پوښتنې وړ ده او له هغه نه یې غوښتي چې پارلمان ته ورشي څو د هندوستان او پاکستان د جګړې په تړاو د ډونالډ ټرمپ د وروستیو خبرو سپيناوی وکړي.

راهول ګاندي پر خپله اېکس‌پاڼه لیکلي: «مودي جي ملت د معلوماتو غوښتلو حق لري. د پنځو جیټ الوتکو حقیقت څه دی؟ د هندوستان او پاکستان تر منځ اوربند کې د امریکا رول څه و؟»

بل‌خوا، د هندوستان حکومت تل ټینګار کړی چې هېواد یې د پاکستان له پوځ سره د مستقیمو خبرو له لارې اوربند کړی او د امریکا حکومت د دواړو هېوادونو ترمنځ هېڅ منځګړيتوب نه دی کړی.

دغه ګوند په یوې اعلامیه لیکلي: «موږ ډېر خواشیني یو چې ۷۳ کلن جو کاسیلو د زړه د حملې له امله مړ شو.»

په اعلامیه کې زیاته شوې چې د هغه د جنازې مراسم به په ماساچوسټس ایالت کې د نوموړي د کورنۍ له‌خوا یوازې د دوی ترمنځ ترسره شي. ویل کېږي چې د عامو خلکو لپاره به د مراسمو نېټه وروسته اعلان شي.

د سي‌بي‌سي خبري شبکې د راپور پر بنسټ، د فلوریډا د قوانینو له مخې، والي رون ډیسانتیس مکلف دی چې د دې خالي شوي څوکۍ لپاره ځانګړې ټاکنې اعلان کړي.