هارورډ پوهنتون د ټرمپ ادارې لهخوا د درول شوې بودجې له امله محکمې ته شکایت کړی
هارورډ پوهنتون له یوه فډرالي قاضي څخه غوښتي، چې دوی ته دې ۲.۵ میلیارډه لغوه شوې بودجه بېرته ورکړي او د څېړنیزو پروژو په برخه کې دې د مالي مرستو بندولو هڅې ودروي.
هارورډ پوهنتون له یوه فډرالي قاضي څخه غوښتي، چې دوی ته دې ۲.۵ میلیارډه لغوه شوې بودجه بېرته ورکړي او د څېړنیزو پروژو په برخه کې دې د مالي مرستو بندولو هڅې ودروي.
د فډرالي محکمې قاضي الیسن بوروګز د حکومت دغه اقدام ته د شک په سترګه ګوري او وايي، دا کار د اساسي قانون له مخې د اندېښنې وړ دی.
د امریکا د استیناف محکمې د پرېکړې له مخې به په امریکا کې مېشت افغانان او کامرون وګړي له دغه هېواده و اېستل شي. تر دې وړاندې د استیناف محکمې د ټرمپ ادارې هغه پرېکړه د یوې اوونۍ لپاره ځنډولې وه، چې د افغانانو د لنډمهاله خوندیتوب پروګرام د لغوه کېدو په اړه یې کړې وه.
د محکمې تازه پرېکړه د امریکا حکومت ته دا اجازه ورکوي، چې په دغه هېواد کې مېشت څه باندې ۱۴زره افغانان او نږدې ۸زره کامرون وګړي د امریکا له خاوري وباسي.
تر دې وړاندې د CASA په نامه د کډوالو ملاتړ سازمان له محکمې د افغانانو د لنډمهاله خوندیتوب پروګرام ځنډولو غوښتنه کړې وه؛ خو محکمې ویلي چې اوس دومره شواهد نشته چې حکومت دې دا اقدام ونهکړي.
د افغان ایواک په نوم امریکا ته د افغانانو د لېږد بنسټ مشر د محکمې تازه پرېکړه ننګولې او هغه یې ظالمانه بللې ده.
د دغه بنسټ له لوري په خپرې شوې خبرپاڼه کې راغلي، چې « دا اقدام قانوني نه؛ بلکې سیاسي انګیزه لري او په دې تړاو د ټرمپ ادارې پالیسي ظالمانه ده.»
د امریکا د کورني امنیت وزیرې کرېسټي اېل نویم وړاندې اعلان وکړ، چې د افغانانو لپاره به د لنډمهاله خوندیتوب یا TPS پروګرام پای ته ورسېږي، چې له مخې به یې زرګونه افغانان د جولای له میاشتې وروسته د امریکا د کډوالۍ او ګمرکونو ادارې (ICE) لهخوا د جبري اېستلو له ګواښ سره مخ شي.
د روسیې ځواکونو د جولای پر ۲۱مه د اوکراین شمال ختیځ سوومي ولایت پر ملکي سیمو د بېپیلوټه الوتکو برید کړی، چې په پایله کې یې ۱۳ کسان ټپیان شوي دي. د سیمهییزو چارواکو په وینا، یو ۵ کلن ماشوم هم په ټپیانو کې شامل دی.
د دغه ولایت والي اولېګ هریخروف په ټېلګرام کې لیکلي: «د نن ماښام د پوتویلپه ټولنه کې د دوښمن له لوري پر ملکي زېربناوو د ډرون برید وشو.»
نوموړي شاوخوا ۱۰ بجې (د سیمهییز وخت له مخې) راپور ورکړی و، چې څلور تنه چې یو ماشومام هم پکې دی، ټپیان شوي او بې له دې چې روغتون ته ولېږدول شي، درملنهیې شوې ده.
هریخروف زیاته کړې، د برید له امله اور بل شوی او بېړني ټیمونه هڅه کوي چې د اور مخه ونیسي.
وروسته چارواکو تایید کړه، چې د ټپیانو شمېر ۱۳ ته رسېدلی دی.
دغه برید داسې مهال ترسره کېږي چې د امریکا ولسمشر ډونالډ ټرمپ ګواښ کړی، که د اوکراین او روسیې ترمنځ د سولې تړون ۵۰ ورځو کې ونهشي، نو پر روسیې به سختې تعرفې ولګوي.
ټاکل شوې چې کییف او مسکو د جولای پر ۲۳مه د سولې خبرې بیا پیل کړي.
د سوېلي کوریا په ګاپیونګ ولسوالۍ کې د سختو بارانونو او ځمکښویېدنو له امله نن دوه کسان مړه شوي او پنځه نور لا هم لادرکه دي، چې له دې سره د مړو شمېر ۱۷ او د لادرکه شویو شمېر ۱۱ تنو ته رسېدلی دی.
د راپورونو له مخې، ددغو سېلابونو له امله تراوسه تر ۱۳ زرو زیات خلک اړ شوي چې خپل کورونه پرېږدي.
د کوریا ولسمشر لي جې-میونګ امر کړی، چې د زیان ژر ارزونه وشي او اغېزمنې سیمې "ځانګړې طبیعي آفت" سیمې اعلان شي، څو له دولت څخه یې ملاتړ ډېر شي.
د هوا پېژندنې ادارې ویلي، باران به تر نن ورځې پای ته ورسېږي او ښايي له هغې وروسته ګرمۍ څپه پیل شي.
د سعودي پراختیایي صندوق (SFD) بوسنیا او هرزګووینا ته ۳۲ میلیونه ډالره پرمختیايي پور ورکړی، ترڅو د ساینس او ټېکنالوژۍ پارک او د محصلینو لپاره استوګنځای جوړ شي.
د دې پروژو هدف د لوړو زدهکړو، اقتصاد او تخنیکي برخو وده ده.
دا مرکز به څېړونکي، ساینسپوهان او سوداګر سره راټول کړي.
سعودي عربستان له ۱۹۹۶ راهیسې په بوسنیا کې پرمختیايي فعالیتونه کوي او تراوسه یې له دې هېواد سره له ۱۶۳ میلیونه ډالرو څخه زیاتې مرستې کړې دي.
د ایران د بهرنیو چارو وزیر سېد عباس عراقچي فاکسنیوز رسنۍ سره په یوه تازه مرکه کې د امریکا دا غوښتنه رد کړه، چې ایران دې د یورانیمو له غني کولو لاس واخلي.
هغه ویلي، چې د امریکا وروستيو بریدونو د ایران اټومي تاسیساتو ته جدي او پراخ زیانونه اړولي، خو سره له دې یې ټینګار کړی چې دا پروګرام به ونه درېږي.
عراقچي زیاته کړه: «د غني کولو پروګرام زموږ لپاره ډېر ارزښت لري. دا زمونږ د خپلو ساینسپوهانو لاسته راوړنه ده او اوس د ملت د ملي غرور برخه ده. موږ هېڅکله له دې تېرېدلی نه شو.»
په وروستیو میاشتو کې امریکایي چارواکو دا یو له اصلي شرطونو ګڼلی، چې که ایران د یورانیمو له غني کولو لاس واخلي، نو یوې نوې هوکړې ته به زمینه برابره شي. خو د ایران حکومت پر دې ټینګار کوي، چې د یورانیمو غني کول د دوی مشروع حق دی او باید د دوی پر خاوره کې دوام ومومي.
شنونکي باور لري، چې د ایران له لوري د یورانیمو غني کولو دوام ممکن د اسراییل او امریکا له لوري د نورو بریدونو لامل شي او د سیمې امنیتي وضعیت لا پسې ترینګلی کړي.
تر دې وړاندې هم اسراییل څو ځلې د ایران د اټومي تاسیساتو پر ضد پټ یا علني بریدونه کړي، چې تهران سخت غبرګون ښودلی.
د ایران او لوېدیځو هېوادونو ترمنځ د اټومي پروګرام په اړه اختلافات لا هم نه دي هوار شوي او د دواړو لوریو ترمنځ خبرې اترې له اوږد ځنډ وروسته یو ځل بیا روانې دي.