وال سټریټ ژورنال: د ټرمپ نوم د ایپسټین په دوسیه کې راغلی، خو سپینه ماڼۍ یې ردوي

د جاپان لومړی وزیر شیګیرو ایشیبا به د راتلونکې اګسټ میاشتې تر وروستیو خپله دنده پرېږدي.

شیګیرو ایشیبا ویلي، له امریکا سره د تعروفو په تړاو د شوي تړون تر وروستي کېدو به خپلې دندې ته دوام ورکړي.

دوه ورځې وړاندې د جاپان اوږدمهاله واکمن لیبرال ډیموکرات ګوند پارلماني ټاکنې وبایللې او په دغه ټاکنو کې د ښي اړخي ډلې ډېرې څوکۍ وګټلې.

په ټاکنو کې د جاپان لومړي وزیر شیګیرو ایشیبا ګوند او اېتلافي ملګرو یې له ۶۶ څخه ۱۹ څوکۍ ګټلې وې.

د اوسني لومړي وزیر د ماتې لامل د خوراکي توکو د بیو لوړوالی او امریکا سره د تعرفو په اړه تعامل کې ناکامي بلل شوې ده.

د بنګله دېش چارواکي وایي، د دوشنبې په ورځ د دغه هېواد یوه جېټ الوتکه د ښوونځی پر ودانۍ لوېدلې، چې له امله یې د ۲۵ زده کوونکو په ګډون ۳۱ کسان وژل شوي دي.

د چارواکو په خبره، ډېری ماشومانو له ۱۲ کلونو کم عمر درلود او له ښوونځي څخه خپلو کورونو ته روان وو.

چارواکي زياتوي، چې الوتکه د تخنيکي ستونزو له امله لوېدلې ده او وروسته یې اور اخيستی.

له پيښې وروسته د ښونځي او پوهنتونونو لسګونه زده کوونکو لاریونونه کړي او شعارونه یې ورکول: «زموږ وروڼه ولې مړه شول؟ موږ ځواب غواړو!»

د ځايي رسنیو د راپور له مخې، پولیسو پر لاریونوالو اوښکې بهوونکي ګاز او غږ لرونکې وسلې کارولي، چې له امله یې ۸۰ کسان ټپيان شوي دي.

لاریونوالو د پېښې په اړه د وژل شویو او ټپیانو نوملړ، د قربانیانو له کورنیو سره د تاوان جبران، شفافې پلټنې، د مسوولینو محاکمه او د هوايي ځواک د روزنیزو کړنلارو بیاکتنه غوښتې ده.

یاد کاریکاتور د عرب کاریکاتوریست «سائر سبیل» له لوري جوړ شوی او د اسرائیل د بهرنیو چارو وزارت د دې انځور له خپرولو سره یوازې یوه کلمه لیکلې ده: «ژر» یا به ‌زودی. دغه عبارت په غیرمستقیم ډول د ایران د اسلامي جمهوري د نظام یا رهبر د پای ته رسېدو اشارې په توګه تعبیر شوی دی.

یاد کاریکاتور د عرب کاریکاتوریست «سایر سبیل» له لوري جوړ شوی او د اسراییل د بهرنیو چارو وزارت د دې انځور له خپرولو سره یوازې یوه کلمه لیکلې: «ژر» یا «به‌ زودی».

دا عبارت په غېرمستقیم ډول د ایران د اسلامي جمهوریت د نظام یا د رهبر د پای ته رسېدو په معنا تعبیر شوی دی.

د امنیتي سرچینو د معلوماتو له مخې، دا برید د سې شنبې په شپه شاوخوا ۱۰:۳۰ بجې د «میرا کلي» پر امنیتي پوستې ترسره شوی.

بریدګرو لومړی د پوستې پر لور مستقیم برید کړی او په عین وخت کې یې د یوه کوادکوپټر ډرون له لارې د هاوان مرمۍ پر پوستې غورځولې.

یوه امنیتي چارواکي چې له پېښې څخه یې مستقیم معلومات درلودل، خراسان ډایري ته ویلي: «بریدګرو لومړی پر پوستې برید وکړ او له امنیتي ځواکونو سره یې نښته پیل کړه. هم‌مهاله یې د کوادکوپټر ډرون په وسیله د هاوان مرمۍ د پوستې دننه غورځولې.»
سره له دې چې تر اوسه د برید مسوولیت هېڅ یوې ډلې نه دی منلی، خو د امنیتي ځواکونو له لوري په سیمه کې عملیات پیل شوي دي.

د راپور له مخې، یاد ماشوم په یوه روغتون کې پر مېز پروت موندل شوی او د هغه په لاس د سیروم نښې هم لیدل شوې دي.

ډاکټرانو ویلي، چې د هغه د مړینې اصلي لامل لوږه وه.

راپورونه ښيي، چې د لوږې له امله د مړو شمېر ورځ تر بلې زیاتېږي او د خوراکي توکو د سخت کمښت له امله تر اوسه شاوخوا ۱۰۱ فلسطینیان چې ۸۰ یې ماشومان دي، د خوارځواکۍ له امله مړه شوي دي.

روغتیایي مرکزونه د ټپيانو او قحطۍ ځپلو کسانو له بې‌سارې ګڼې ګوڼې سره مخ دي او ان د ملګرو ملتونو د مرستندویه ادارې UNRWA ځینې کارکوونکي هم د لوږې له امله بې‌هوښه کېږي.

په ورته وخت کې، اسراییل دا تور ردوي چې ګواکې بشري مرستې یې بندې کړي او پر حماس یې تور پورې کړی، چې مرسته شوې خواړه غلا کوي.
خو د نړۍوالو سازمانونو په وینا، پر غزې د لګېدلو محدودیتونو له امله مرستې په سمه توګه نه رسېږي، چې د وضعیت د لا خرابېدو اصلي لامل ګڼل کېږي.
یونېسف او نورې بشردوستانه ادارې خبرداری ورکوي، چې که بېړنۍ مرستې ونه رسېږي نو د ماشومانو د مړینې کچه به په چټکۍ سره لوړه شي.