سعودي عربستان اعلان وکړ چې په سوریه کې ۶،۴ میلیارد ډالره پانګونه کوي

مسعود پزشکیان له الجزیره ټلویزیون سره په یوه مرکه کې وویل، چې اسراییل له سوریې سره د خبرو او مذاکرې پر مهال هم هوايي بریدونه وکړل او په باور یې که د نړۍ مسلمانان سره یو موټی شي د اسراییل په ګډون هېڅ زبر ځواک به پر دې بریالی نه شي چې یو یو یې په نښه کړي.

مسعود پزشکیان ویلي، د ډونالډ ټرمپ په مشرۍ د امریکا دولت ایران د سیمې لپاره یو ګواښ معرفي کړی، په داسې حال کې چې ایران د ترورونو قرباني دی او د نا امنیو پيلوونکی نه و.

نوموړي اسراییل په سیمه کې د جګړې او بې ثباتۍ سرچینه وبلله او په وینا یې اسراییل له نیل تر فرات پورې د واکمنۍ طرحه لري خو ایران بیا هېڅکله هم داسې فکر نه لري او تهران د نورو هېوادونو ځمکمنۍ بشپړتیا ته درناوی لري.

پزشکیان پر ایران د اسراییل بریدونو ته په اشارې سره وویل، چې د دغو بریدونو موخه په دغه هېواد کې د نا ارامیو رامنځته کول او بالاخره د ایران تجزیه کول وو، خو په وینا یې بریالی نه شو.

د ایران ولسمشر په دې مرکه کې د خپل هېواد د اټومي پروګرام په تړاو د خبرو په اړه وویل، کله چې ټرمپ دا اعلان وکړ چې ایران اټومي وسله باید ونه لري نو تهران هم دا ومنله او که چېرې ایران له قانون سره سم حرکت کوي نو باید دغه مذاکره قانون منده او محترمانه وي.

مسعود پزشکیان زیاته کړه، چې ایران د اټومي وسلو په لټه کې نه دی بلکې د امنیت، ثبات او پرمختګ په لټه کې دی.

د ایران ولسمشر په ډاګه کړه، سره له دې چې پر امریکا هېڅ ډول باور نه لري خو بیا هم له واشنګټن سره د خبرو په ترڅ کې قانون ته درناوی او د هر ډول زور ویلو ردول د ایران سرې کرښې دي.

نوموړي په ډاګه کړه چې اسلامي جمهوري د ان، پي، ټي غړی دی خو دغه اژانس د ایران پر اټومي تاسیساتو د بریدونو په تړاو څه غبرګون ونه ښود او هغه یې ونه غانده او په وینا یې ایران د یاد اژانس د ارزونې مخالف نه دی خو دغه ډول چارې یې باید مشخصې او د امنیت شورا له مصوبې وروسته ترسره شي.

مسعود پزشکیان په دې ځانګړې مرکه کې د ایران او اسراییل تر منځ شوي اوربند ته په اشارې سره وویل، چې دغه شوی اوربند د ګواښ پای نه دی او هر کله بیاځلي بریدونه ترسره کېدای شي او ایران هم هر ډول شرایطو ته چمتووالی لري.

پزشکیان په ایران کې د نفوذیانو موجودیت تایید کړ او زیاته یې کړه چې تر هغو ټکنالوژیکي وسایل ډېر خطرناک دي.

د نړۍ یادو څلورو مشهورو رسنیو او خبري اژانسونو د پنجشنبې په ورځ په یوه ګډه اعلامیه کې ویلي، چې په غزه کې د روان وضعیت له امله ورځ تر بلې د دوی خبریالان او کورنۍ یې د خوړو پیدا کولو توان له لاسه ورکوي.

په دې ګډه اعلامیه کې لیکل شوي:«دا خپلواک خبریالان په غزه کې له څو میاشتو راهیسې د نړۍ لپاره سترګې او غوږونه پاتې شوي، خو اوس هغوی هم د همغو خلکو په شان له سختو حالاتو سره مخ دي، چې راپورونه یې ترې ورکوي.»

د رسنیو په ګډه اعلامیه کې ویل شوي، چې خبریالان تل په جنګي سیمو کې له ډېرو سختیو او محرمیتونو سره مخ وي، خو اوس په غزه کې د دوی خبریالان د لوږې له ګواښ سره مخ دي.

یادو رسنیو پر اسراییل غږ کړی، چې په غزه کې دې خلکو ته د خوړو او مرستو رسولو ترڅنګ خبریالانو ته دننه او بهر د تګ راتګ اجازه ورکړي.

دا په داسې حال کې ده، چې په غزه کې روغتیايي چارواکو ویلي، چې په تېرو څو ورځو کې په غزه کې ۱۱۱ کسان د لوږې له امله مړه شوي دي.

د محکمې په خبرپاڼه کې د نامشروع اړیکو د څرنګوالي په تړاو نور جزییات نه دي ورکړل شوي خو د دغه ولایت د طالبانو امربالمعروف او نهی عن المنکر رييس پر والدینو د اولادونو د حق او همداراز د ودونو چارو د اسانه کولو په تړاو خبرې کړې دي.

د دغې اړیکې د مقابل لوري په تړاو هېڅ نه دي ویل شوي.

د بشري حقونو اړوند سازمانونه د طالبانو دغه ډول کړنو ته د بشري حقونو د نقض په سترګه ګوري او د درېدو غوښتنه یې لري.

د طالبانو د نیمروز والي محمد قاسم خالد د پنجشنبې په ورځ، د زمري پر دویمه وویل، چې په دې سره به د نیمروز یو شمېر اوسېدونکو ته د کار زمینه برابره او نیمروز ولایت به یو ستراتیژیک موقعیت شي.

د نیمروز ولایتي دفتر وايي، د رېل پټلۍ له لارې له ګاونډیو هېوادونو سره د افغانستان د نښلولو په پایله کې به نړیواله سوداګري پراخه او ورسره به د افغانستان د صادراتو کچه لوړه او د وارداتو بهیر هم اسانه شي.

له دې وړاندې د طالبانو د رېل پټلۍ مسوول بخت الرحمن شرافتد چابهار بندر او د چابهار – زاهدان – نیمروز رېل پټلۍ له پروژې څخه تر لیدنې وروسته ویلي و، چې نیمروز به دروزنک ریل پټلۍ د میلک کراس له لارې له چابهار بندر سره ونښلول شي.

عمروف همداراز غوښتنه کړې، چې د امریکا ولسمشر ډونالډ ټرمپ او د ترکیې ولسمشر رجب طیب اردوغان دې په دې لیدنه کې ګډون وکړي.

دغه وړاندیز په استانبول کې د روسیې او اوکراین ترمنځ د مذاکراتو له نوي پړاو سره سم مطرح شوی دی.

ورته مهال د روسیې استازي ویلي، چې دواړو خواوې مفصل غږېدلي؛ خو توپیرونه لاهم لوی دي.

روسیې او اوکراین په دې مذاکراتو کې د ۱۲۰۰ اسیرانو پر تبادلې هوکړه کړې او همداراز مسکو چمتووالی ښودلی دی، چې د درې زره اوکرایني ځواکونو جسدونه به کېیف ته وسپاري.