د چین او پاکستان ځانګړو استازو په افغانستان کې د ګډو اندېښنو په اړه خبرې وکړې

د طالبانو د برېښنا شرکت د معلوماتو له مخې، په دې کتنه کې د برېښنا اړوند پر لویو پراختیايي او نویو پروژو او همداراز د چارو د همغږي کولو په تړاو هم خبرې شوې دي.

د طالبانو د برېښنا شرکت رييس هم په دې کتنه کې د ګډو اړیکو پر لا زیاتې پیاوړتیا ټينګار کړی.

د ویلو ده چې، ازبکستان یو له هغو هېوادونو دی چې افغانستان ته برېښنا صادروي.

د طالبانو د کار او ټولنیزو چارو وزارت د یکشنبې په ورځ وویل، چې د دې ډلې د کار او ټولنیزو چارو وزیر عبدالمنان عمري په کابل کې د ایران له سفیر علي رضا بېکدلي سره په لېدنه کې د دوه اړخیزو اړیکو او افغان کډوالو په تړاو خبرې کړې دي.

د طالبانو د کار او ټولنیزو چارو وزارت زیاتوي، چې عبدالمنان عمري له ایران سره د کار د بازار د مطالعې په تړاو د دواړو لوریو له تجربو څخه د ګټې اخیستنې او د تجربه لرونکو افغان کارګرانو د لېږد پر څرنګوالي خبرو ته لیوالتیا ښودلې.

طالبانو په کابل کې د ایران د سفیر علي رضا بیکدلي له قوله لیکلي چي:« په ایران کې د ناقانونه افغان کډوالو موجودیت، د ایران د کار بازار مختل کړی دی». خو په ورته وخت کې هغه ویلي، « ژمن یو چې افغانستان ته د هغوی په غوره او بهتر انتقال کې لازم سهولتونه برابر کړو.»

طالبانو ویلي، چې بیکدلي د ایران د کار په بازار کې د افغان تجربه لرونکو کارګرانو د جذب او له افغانستان سره د کاري ځواک تبادلې ته لیوالتیا ښودلې ده.

د کندهار په سپین بولدک ولسوالۍ کې هغو کسانو چې د نرسانو د ګومارنې په ازموینه کې یې برخه اخیستې وه، نن یکشنبه د زمري ۵مه، افغانستان انټرنشنل ته وویل چې طالبانو نه یوازې دا، چې په ازموینپاڼه کې یې دیني پوښتنه راوړې وه، بلکې د ازموینې په لیکل شوي متن کې زیاتې تېروتنې هم وې.

دوی همدراز ددې ازموینې یوه کاپي له افغانستان انټرنشنل سره شریکه کړې ده او په دې کې ډېرې ساده پوښتنې او املايي تېروتنې لیدل کېږي.

نرسان همدراز نیوکه کوي، چې طالبانو خپلو کسانو ته له وړاندې څخه پوښتنې او ځوابونه وېشلي وو او د ازموینې پرمهال ډېره بې نظمي وه.

یوه روغتیا پال وویل:« د طالبانو سوالونه ساده وو، خو املايي تېروتنې یې زیاتې وې او دوی تر ډېره ددې ازموینې پوښتنې په خپلو کسانو باندې وېشلې وې او ځینې داسې کسان هم وو چې د نرسنګ په برخه کې یې کومې زده کړې نه لرلې.»

دوی همدراز وویل، طالبانو د جک موسسې پر ادارې فشار راوړی و، چې د دوی په خوښه پوښتنې جوړې کړي.

د طالبانو د کندهار د عامې روغتیا ریاست ددغه ولایت د سپین بولدک ایمرجنسي روغتون لپاره ۱۸ نرسنګ پوسټونه اعلان کړي وو ، خو د ازموینې د ګډونوالو په وینا، سلګونو کسانو په دې ازموینه کې ګډون کړی و.

د طالبانو د لوړو زده کړو وزارت د یکشنبې په ورځ، د زمري پر پنځمه، وویل، چې ندا محمد ندیم د دې ډلې د لوړو زده کړو وزارت مرکزي رییسانو او د دولتي پوهنتونو مشرانو ته د تحصیلي نظام پیاوړتیا او په پوهنتونونو کې د لازمو اصلاحاتو سپارښتنې کړې دي.

ندامحمد ندیم ویلي چې دوی په پوهنتونونو کې د لا اړینو اصلاحاتو پر راوستلو مکلف دي.

د یاد وزارت په وینا، ندیم په پوهنتونونو کې د امر بالمعروف وزارت د نوي قانون پر پلي کېدو ټینګار کړی او د پوهنتونونو مسوولینو ته یې سپارښته کړې، چې په دوامداره توګه تحصیلي نصاب وڅاري.

د طالبانو پر امر بالمعروف او نهی عن المنکر قانون نیوکې کیږي چې د خلکو ازادۍ محدودوي او دیني احکام ډېر وخت د خپلې خوښې مطابق تفسیروي.

طالبانو له دې وړاندې په ښوونځیو او پوهنتونونو کې د ږیرې پر خرېیلو او په « لویدیز سبک» د ویښتانو پر جوړولو بندیزونه لګولي او زده کوونکي یې اړ اېستي، چې پګړۍ پر سر کړي او د پتلون او دریشي پرځای دودیزه جامه واغوندي.

طالبانو په دې وروستیو کې د پوهنتونونو له استادانو د ددیني مسایلو ازموینې هم اخېستې دي.

د کرېکټ د دغه ستوري په وینا، دغه پیسې د محمد نبي خیریه بنسټ له لوري راټولې شوې وې او نن یې پر راستنو شویو کسانو وېشي.

محمد نبي همداراز له ملي او نړۍوالو خیریه بنسټونو وغوښتل چې په دې سختو شرایطو کې د دغو راستنو شویو افغانانو لاسنیوی وکړي.

د راپورونو له مخې، له ایران نه د را اېستل شویو افغانانو ژوند ډېر سخت دی او د بشري نړۍوالو بنسټونو چارواکو هم ویلي چې د بودجې د کمښت له امله نشي کولی د ټولو راستنو شویو کډوالو لاسنیوی وکړي.