د روسیې په ختیځ کې تر زورورې زلزلې وروسته د سونامي خبرداری ورکړل شوی
د روسیې ختیځ نن سهار د ریښتر په کچه ۸.۸ درجې زلزلې ولړزاوه. په روسیه کې د کمشاتکا ساحلي ښار د زلزلې مرکز ښودل شوی دی، چې له کبله یې د سونامي خبرداری هم ورکړل شوی دی.
د روسیې ختیځ نن سهار د ریښتر په کچه ۸.۸ درجې زلزلې ولړزاوه. په روسیه کې د کمشاتکا ساحلي ښار د زلزلې مرکز ښودل شوی دی، چې له کبله یې د سونامي خبرداری هم ورکړل شوی دی.
د سونامي څپې د ارام سمندر له لارې نورو ساحلي هېوادونو ته هم رسېدونکې دي. په جاپان او د امریکا په هاوايي ایالت کې چې د ارام سمندر ترڅنګ پراته دي؛ خلکو ته خبرداری ورکړل شوی، چې ژر تر ژره دې له ساحلي سیمو ووځي.
ځايي چارواکو ویلي، چې دا په وروستیو لسیزو کې تر ټولو زوروره زلزله وه.
چارواکو همدا راز جاپان، هاوایي، چیلي او د امریکا لوېدیځ ساحل ته د سونامي د زورورو څپو په اړه خبرداری ورکړی دی.
تراوسه د دغه زلزلې له کبله د مرګ ژوبلې او ویجاړۍ په اړه جزییات نه دي خپاره شوي.
