د طالبانو کورنیو چارو وزارت په هېواد کې د پوځي یونیفورم «ناقانونه» پلور ومانه
د طالبانو د کورنیو چارو وزارت ویاند له رسنیو سره په مرکه کې ویلي چې لا هم په کابل کې ځیني دوکانونه په «ناقانونه» توګه پوځي یونیفورمونه پلوري، خو دوی به یې مخینوی وکړي.
د طالبانو د کورنیو چارو وزارت ویاند له رسنیو سره په مرکه کې ویلي چې لا هم په کابل کې ځیني دوکانونه په «ناقانونه» توګه پوځي یونیفورمونه پلوري، خو دوی به یې مخینوی وکړي.
عبدالمتین قانع له بيبيسي سره په مرکه زیاته کړې چې د دندو پرمهال د پوځي ییفورم د کارونې په اړه جدي دي او هغوی چې په ناقانونه توګه پوځي یونیفورم پلوري، د مخنیوي لپاره یې هڅې روانې دي.
هغه وویل: «ځینې دوکانونه شته چې دوی یونیفورمونه توضیح کوي، دا خلاف کار دی ځکه چې خلک ترې ناوړه ګټه اخلي، تېره اوونۍ په دې اړه ځانګړې کمېټه وټاکل شوه چې یوازې هغو شرکتونو ته چې موږ ورسره هوکړه هغوی به دا کار کوي او د نورو مخه به نیول کېږي.»
نوموړي یو ځل بیا ټینګار کړی چې ټول امنیتي منسوبین باید د دندو پرمهال د طالبانو د مشر لارښوونه په جدي توګه عملي کړي او ډېر ژر به هغه کړنلاره هم وروستۍ شي چې که چا ترې سرغړونه کوله، باید څه ډول سزا ورکړل شي.
