طالبان وایي، په بانکونو د خلکو باور یو ځل بیا ډېر شوی
تازه د طالبانو تر ادراې لاندې د افغانستان بانک اعلان کړی چې په تېرو درېیو میاشتو کې په بانکي سکټور کې د خلکو د امانتونو په کچه کې د پام وړ زیاتوالی راغلی دی.
تازه د طالبانو تر ادراې لاندې د افغانستان بانک اعلان کړی چې په تېرو درېیو میاشتو کې په بانکي سکټور کې د خلکو د امانتونو په کچه کې د پام وړ زیاتوالی راغلی دی.
د دغه بانک له لوري نن یکشنبه د ( زمري ۲۶مه) په خپور شوي بیان کې راغلي چې په تېرو درېیو میاشتو کې تر ۷ مېلیارده افغانیو زیات امانتونه د بانکي سکټور له لارې ثبت شوي دي.
د بیان له مخې د زیاتوالي دغه کچه ښیي چې د هېواد مالي او بانکي نظام په تدریجي توګه د ثبات پر لور روان دی. ادعا شوي چې د باور د کچې د زیاتېدو لامل د شفافو بانکي خدمتونو او د پیسو د راکړې ورکړې په برخه کې د اسانتیاوو رامنځته کېدل دي.
د اقتصادي چارو پوهان په بانکونو د خلکو د باور د کچې لوړېدل مثب ګام بولي؛ خو وايي د بانکي سکټور اعتبار تر ډېره له نړۍوال بانکي سېسټم سره د ښو او ډاډمنو اړیکو سره تړلې موضوع ده چې دا مهال افغانستان د سیاسي ثبات له کبله په دې برخه کې له ستونزو سره مخامخ دی.
