د زلزله ځپلو لپاره د هند او ایران بېړنۍ مرستې کونړ ته رسېدلې دي

دغه سفر له هغې مرګونې زلزلې سره هممهاله کیږي، چې په کونړ کې یې له امله له ۱۴۰۰ ډېر کسان مړه شوي او له درې زرو ډېرو نور ټپيان دي.

د طالبانو ریاست الوزرا اقتصادي معاونیت نن سې شنبه د «وږي ۱۱مه» په یوه خبرپاڼه کې اعلان وکړ، چې ملا عبدالغني برادر د دشت لیلي قربانیان نه هیریدونکي بللي ده.

د طالبانو ریاست الوزرا اقتصادي مرستیال د کونړ او ننګرهار له مرګوني زلزلې څخه یوازې دوه ورځې وروسته جوزجان او دشت لیلي ته تللی دی.

د افغانستان په ختیز، په ځانګړې توګه کونړ ولایت کې د زلزلې قربانیان لاهم له جدي ستونزو او د بېړنیو مرستو له نشتوالي سره مخ دي.

د نوموړي دا کړنه یو ځل بیا ښیې چې د طالبانو لومړیتوب د خلکو د سملاسی اړتیاوو د پوره کولو پرځای د ډلې قربانیان دي.

د جوزجان ولایت د دشت لیلي سیمه په تیرو لسیزو کې د طالبانو او پخوانۍ متحدې جبهې ځواکونو ترمنځ د سختو نښتو له امله مشهوره ده.

دا سیمه، په ځانګړې توګه د طالبانو له سقوط وروسته د ډله ییزو وژنو او ډله ییزو ښخولو شاهده وه، چې ډېری د طالبانو غړي پېژندل شوي.

په کابل کې څو باخبره سرچینو نن سې شنبه، د وږي ۱۱مه، وویل چې د ولسي جرګې پخوانی غړی حیدر جان نعیمزوی تېره پنجشنبه د کابل نظارت خونې ته لېږل شوی او هلته زنداني دی.

د نعیمزوي د کورنۍ سرچینې هم د هغه نیول کېدل تاییدوي او وايي چې د طالبانو د عدلیې وزیر عبدالحکیم شرعي د دولتي ځمکو د غصب په نامه د کوچیانو مشران ځوروي.

دوی زیاته کړه:« دا دویم ځل دی، چې د طالبانو د عدلیې وزیر عبدالحکیم شرعي په امر حیدرجان نعیمزوي زنداني کېږي خو تېرځل یې په وزارت کې شخصي زندان ته اچولی و، اوس د کابل په نظارت خانه کې بندي دی.»

د ترلاسه شویو معلوماتو پر بنسټ، طالبانو د ولسي جرګې غړی حیدرجان نعیمزوی په ضمانت خوشې کړی و او ټینګار پرې شوی و، چې کوچیان باید ناندریزې ځمکې خالي کړي.

د ځینو کوچیانو مشرانو استلال دا دی، چې د طالبانو د عدلیې وزیر په خپل دغه چلند سره قومي دښمني پالي او د تېرو حکومتونو د مشرانو له خوا د ورکړل شويو فرمانونو پر بنسټ ځمکې غصب بولي.

نږدې دوه کال وړاندې په کابل کې سرچینو افغانستان انټرنشنل ته وویل، چې د طالبانو د عدلیې وزیر شیخ عبدالحکیم شرعي د عدلیې وزارت په ودانۍ کې شخصي زندان جوړ کړی دی او د ولسي جرګې پخوانی غړی حیدر جان نعیمزوی یې په دغه شخصي زندان کې زنداني کړی دی.

د طالبانو عدلیې وزیر د افغانستان انټرنشنل دې راپور ته غبرګون وښود او ویې ویل، چې عبدالحکیم شرعي د طالبانو د مشر د حکم له مخې صلاحیت لري چې د ځمکو غاصبان د لسو ورځو لپاره بندي کړي.

د یادونې وړ ده، تېر کال د کوچیانو ځینو مشرانو له افغانستان انټرنشنل سره د یولړ اسنادو په شریکولو سره وویل چې عبدالحکیم شرعي د کوچیانو د استوګنې په تړاو د پخواني ولسمشر کرزي حکمونه نه مني.

تر اوسه پورې د طالبانو عدلیې وزارت د مخکینۍ ولسي جرګې د پخواني غړي حیدرجان نعیمزوی د نیول کېدو په اړه څه نه دي ویلي.

د سرچینو په خبره؛ له پراخو ژمنو سره، سره لاهم سیمې ته لومړنۍ او په ځانګړې توګه روغتیایي مرستې نه دي رسېدلې او خلک له ګڼو ستونزو سره لاس او ګرېوان دي.

سرچینو همدا راز ویلي، چې د څوکۍ ولسوالۍ په ځپل شویو کلیو او بانډو کې خلک د څښاک لپاره د پاکو اوبو له سخت کمښت سره مخ دي چې باید له ځنډ پرته ورته رسېدنه وشي.

سرچینې وايي، که څه هم د ژغورنې ځینې ډلې په سیمه کې په عملیاتو بوختې دي؛ خو پراخې ویجاړۍ او د دغو ډلو کمښت ته په پام لاهم ډېری مړي او ټپیان تر خاورو لاندې دي.

هغه زیاته کړې، چې د پښتونخوا ایالتي حکومت به له فډرالي حکومت سره په دې برخه کې هیڅ ډول همکاري ونه کړي. د پښتونخوا د قانون وزیر افتاب عالم د ایالتي اسمبلۍ تر غونډې وروسته خبريالانو ته وویل:« موږ د فډرالي حکومت دې کار سخت خواشيني کړي یو.»

د هغه په وینا؛ په داسې حالاتو کې له پاکستانه د افغانانو اېستل نه یوازې دا چې مناسب کار نه دی، بلکې د انساني ارزښتونو خلاف عمل دی.

هغه وایي:« په افغانستان کې د وروستۍ زلزلې له امله زرګونه کورنۍ ځپل شوې او غمجنې دي؛ په داسې غمجن وضعیت کې د انسانيت غوښتنه دا ده، چې موږ له خپل ګاونډي هېواد سره مرسته وکړو.»

تر دې مخکې د پاکستان تحريک انصاف ګوند مشر عمران خان هم له پاکستانه د افغان کډوالو اېستل غندلي و.

دا په داسې حال کې ده، چې تېره ورځ د پاکستان په بېلابېلو برخو کې د افغان کډوالو د اېستلو درېیمه څپه پیل شوه.

د کونړ د څوکۍ ولسوالۍ یوه اوسېدونکي ثناءالله «مستعارنوم» چې په سیمه کې د ژغورنې په عملیاتو بوخت دی وايي، د چارواکو پرله‌پسې ورتګ هېڅ ګټه نه کوي او په کار ده چې ټول امکانات دې د ژغورنې په چارو متمرکز شي.

هغه وایي:« له مزار درې ور هاخوا څو کلي داسې دي، چې په بشپړ ډول له‌منځه تللي او د ځمکې له لارې ورتګ ورته ګران دی. زما مشوره طالب چارواکو ته دا ده، چې خپله دې نه راځي؛ بلکې ټولې الوتکې دې همدې ته وقف کړي، چې خلک وباسي او لومړني توکي دې را ورسوي.»

تر دې وړاندې هم بېلابېلو طالب چارواکو د افغانستان په ختیځ کې زلزله ځپلو سیمو ته د خپلو سفرونو په اړه خبر ورکړی و، چې تر ډېره د هوا له لارې تللي وو.