ملي بسیج جبهه:د کونړ شیګل ولسوالۍ لپاره د طالبانو د استخباراتو مدیر مو وژلی دی

د ملي بسیج جبهې په نوم د طالبانو یوې مخالفې وسله والې ډلې د یوې خبرپاڼې په خپرولو سره د کونړ ولایت شیګل ولسوالۍ د استخباراتو طالب مدیر «قاري شبیر احمد» د وژنې مسوولیت ومانه. قاري شبیر احمد د جمعې ورځې په مازدیګر (د وږي ۲۱مه) په خپل کور کې په ډزو سره وژل شوی دی.

یادې جبهې د یوې خبرپاڼې په خپرولو سره ادعا کړې چې، دغه کس د جمهوري نظام له رانسکورېدو وروسته د افغان پخوانیو ځواکونو یو شمېر غړي وژلي و.

د دوی په وینا، قاري شبیر احمد د کونړ د غازي اباد ولسوالۍ اصلي اوسېدونکی و، او د دوی ځواکونو په خپل کور کې په نښه او وژلی دی.

طالبانو لا تر اوسه د دغې پېښې په تړاو څه نه دي ویلي.