محمد نبي پر لوبغاړو د برید په غبرګون کې پاکستان ته د «پوځي رژيم» خطاب کړی

مریم سلېمانخېل د جمعه په ورځ پر خپله اېکس پاڼه لیکلي: «پاکستان په عین وخت کې په پکتیکا، پکتیا او سپین‌بولدک بمبارۍ کوي، چې د افغان ملکي وګړو ان ځوان کرکټ لوبغاړي چې د لوبې وروسته کور ته روان وو ژوند اخلي.»

هغې دغو بریدونو ته په اشاره پاکستان ته لیکلي: «دا ښکاره تېری او دولتي تروریزم دی. بس دی، نوره چوپتیا بس ده.»

نوموړې پر پاکستان د پراخو بندیزونو غوښتنه کړې.

د افغانستان کرېکټ بورډ د جمعې په ماخوستن (د تلې ۲۵مه) د یوې خبرپاڼې په خپرولو سره ویلي، په یاده بمبارۍ کې د ارګون ولسوالۍ د کبیر، صبغت‌الله او هارون په نومونو د درېیو لوبغاړو په ګډون د اتو هېوادوالو پر وژل کېدو او ۷ نورو ټپيانېدو ژوره خواشیني څرګنده کړې ده.

کرېکټ بورډ په یاده پېښه کې د وژل شویو کرېکټ سیمه ییزو لوبغاړو شمېر ۳ ښودلی په داسې حال کې چې تر دې مخې د وژل شویو کرېکټ سیمه ییزو لوبغاړو شمېر ۸ ښودل شوی و.

دغه لوبغاړي په ښرنه کې په یوې دوستانه سیالۍ کې له ګډون وروسته بېرته خپل کور کلي ته ستانه شوي و، چې د پاکستان د هوايي بریدونو ښکار شول.

د افغانستان کرېکټ بورډ مشرتابه دغه پېښه د افغان ورزشکارانو، لوبغاړو او د کرېکټ د کورنۍ لپاره ستره ضایعه بللې او د وژل شویو کسانو له کورنیو او د پکتیکا له ولس سره خپله ژوره خواخوږي او غمشریکي څرګنده کړې ده.

دغه بورډ د پاکستان د یاد برید په غبرګون او له امله یې قربانیانو ته د درناوي په موخه، د پاکستان پر وړاندې راتلونکې شل اوریزې سیالۍ، چې ټاکل شوې وه د نومبر میاشتې په وروستیو کې ترسره شي، لغو کړې او په یاده درې اړخیزه لوبلړۍ کې د نه ګډون پرېکړه وکړه.

فاروقي نن ماخوستن (جمعه د تلې ۲۵مه) په خپله اېکس پاڼه زیاته کړې، «ظالمان دې خدای ذلیل او په خپل قهر ګرفتار کړي.»

د یادونې وړ ده، چې د پکتیکا پر ارګون ولسوالۍ د پاکستان په هوايي بریدونو کې د کرېکټ ۸ سیمه ییز لوبغاړي وژل شوي او ۴ نور ټپيان شوي دي.

د سرچینو په وینا، دغه لوبغاړي په ښرنه ښار کې د کرېکټ په یوه سیمه ییز ټورنمنټ کې له سیالۍ وروسته په ارګون کې یوه کور ته د ډوډۍ لپاره بلل شوي و، خو نن ماخوستن (جمعه د تلې ۲۵مه) د پاکستان د هوايي ځواکونو له لوري بمبار شول.

د امریکا ولسمشر ډونالډ ټرمپ په تازه څرګندونو کې ویلي، چې هغه پوهېږي پاکستان پر افغانستان برید کړی او دا مسله د هغه لپاره «اسانه» ده چې حل یې کړي.

ټرمپ وویل: «زه د جګړو د حل سره مینه لرم.»

د هغه دا څرګندونې په داسې حال کې د خلکو پام ځان ته راواړ وه، چې د افغانستان او پاکستان ترمنځ پر ډیورنډ فرضي کرښه وروستيو نښتو او د دواړو خواوو ترمنځ د مرګ ژوبلې راپورونه خپاره شوي دي.

ټرمپ په دې اړه وویل، چې د جګړو د منځګړیتوب او سولې په راوستلو کې فعال رول لوبولی او هغه د ستونزو د هوارولو وړتيا لري.

نوموړي زياته کړې: «زه پوهېږم چې پاکستان پر افغانستان برید کړی، دا زما لپاره حل کول اسانه دي. زه د جګړو د حل کولو سره مینه لرم.»

نوموړي وړاندې ویلي وه، چې «ځان د سولې منځګړی او د شخړو د هوارولو هڅاند ګڼي.»

یو شمېر نورو هېوادونو هم د پاکستان او افغانستان څخه غوښتي، چې جګړه ودروي او ستونزه د خبرو له لارې حل کړي.

د ملګرو ملتونو د معلوماتو له مخې، سره له دې چې د حماس او اسراییل تر منځ اوربند شوی، خو د جګړې له امله ډېرې لارې ویجاړې شوې او هغه اصلي لارې چې شمالي غزې ته رسېږي، لا هم تړلې دي.

د خوړو نړیوال پروګرام په وینا، د جګړې تر پای وروسته هره ورځ شاوخوا ۵۶۰ټُنه خوراکي توکي غزې ته لېږدول کېږي، خو دا اندازه لا هم د بشري اړتیاوو د پوره کولو لپاره کافي نه ده.

د ملګرو ملتونو د بشري چارو مشر ټام فلېچر ویلي، چې د پراخې لوږې، بې‌کوره‌توب او د بنسټیزو خدمتونو د ړنګېدو د مخنیوي لپاره باید هره اونۍ زرګونه موټر په مرستو بار غزې ته داخل شي.