د ټرمپ استازي سټیو ویټکاف او جیرډ کوشنر اسراییل ته تللي
د اکسیوس خبریال بارک راویډ راپور ورکړی، چې د امریکا د ولسمشر ډونالډ ټرمپ استازي سټیو ویټکاف او جیریډ کوشنر د غزې د اوربند د طرحې عملي کولو د څار لپاره اسراییل ته تللي دي.
د اکسیوس خبریال بارک راویډ راپور ورکړی، چې د امریکا د ولسمشر ډونالډ ټرمپ استازي سټیو ویټکاف او جیریډ کوشنر د غزې د اوربند د طرحې عملي کولو د څار لپاره اسراییل ته تللي دي.
د راپورونو له مخې، دا دواړه استازي به د خپل سفر په ترڅ کې د اوربند د توافق د عملي کولو او د یرغمل شویو کسانو د جسدونو د بېرته ستنولو په موخه به له بنیامین نتنیاهو او نورو لوړپوړو اسرايیلي چارواکو سره وګوري.
اکسیوس مخکې راپور ورکړی و، چې کوشنر او ویټکاف د توافق د وروستیو پړاوونو پر مهال په مستقیم ډول د حماس له مشرانو سره لیدلي دي او د باخبره سرچینو په وینا، دغې لیدنې د توافق پر وړاندې اصلي خنډونه لرې کړل.
