ټرمپ: هیله لرم چې بندیزونه پوتین «هوښیار کړي»
د امریکا ولسمشر ډونالډ ټرمپ ویلي، چې د روسیې له ولسمشر ولادیمیر پوتین سره یې ټاکل شوې ناسته لغوه کړې، ځکه د نوموړي په وینا چې د دې ناستې په اړه پوتین ښه احساس نه درلوده.
د امریکا ولسمشر ډونالډ ټرمپ ویلي، چې د روسیې له ولسمشر ولادیمیر پوتین سره یې ټاکل شوې ناسته لغوه کړې، ځکه د نوموړي په وینا چې د دې ناستې په اړه پوتین ښه احساس نه درلوده.
ټرمپ د ناټو له سرمنشي مارک روته سره په لیدنه کې هیله څرګنده کړه، چې د امریکا نوي بندیزونه به پر روسیې داسې اغېز وکړي، چې پوتین به ورسره «هوښیار کړي».
دا په داسې حال کې ده، چې تر دې مخکې د امریکا د خزانې وزارت د روسیې ستر نفتي شرکتونه «روسنفت» او «لوکاویل» تر بندیزونو لاندې راوستل او څرګنده یې کړه، چې که اړتیا وي نو د لا نورو اقداماتو لپاره هم چمتو دي. واشنګټن له مسکو څخه وغوښتل، چې ژر تر ژره له اوکراین سره د جګړې د اوربند هوکړه وکړي.
ټرمپ له روته سره په ناسته کې زیاته کړه، هیله لري چې د روسیې پر نفتو نوي بندیزونه د اوږدې مودې لپاره دوام و نه لري.
د امریکا ولسمشر ویلي، چې د روسیې د نفتو د پېرلو په اړه به د چین له ولسمشر شي جینپینګ سره هم خبرې وکړي.
