برېتانوي پولیسو درې کسان روسیې ته د جاسوسۍ په تور نیولي دي

برېتانوي پولیسو خبر ورکړی، چې دوی درې کسان روسیې ته د جاسوسۍ په تور نیولي دي. پولیسو د پنجشنبې په ورځ ویلي، دغه کسان چې عمرونه یې ۴۴، ۴۵ او ۴۸ کاله دي د یوې بهرنۍ استخباراتي ادارې سره د همکارۍ په تور له لوېدیځ او مرکزي لندن څخه نیول شوي دي.

له بل پلوه برېتانوي چارواکي ادعا کوي، چې روسیې د دغه هېواد پر وړاندې د جاسوسۍ، تخریب او سایبري لاسوهنې یو پیاوړی کمپاین پیل کړی؛ خو کرملېن بیا په وار، وار دغه تورونه رد کړي دي.