ملګرو ملتونو په سوډان کې د بشري جنایتونو په اړه خبرداری ورکړی دی

ملګرو ملتونو په سوډان کې د چټک ملاتړ ځواکونو او د دغه هېواد د پوځ ترمنځ په جګړو کې د ملکي وګړو د مرګ ژوبلې په اړه ژوره خواشیني ښودلې ده. په ورته وخت کې د سوډان پوځ اعلان کړی، چې له دارفور ایالت څخه یې شاتګ کړی دی.

د سوډان د پوځ مشر جنرال عبدالفتاح البرهان ویلي، چې دغه پرېکړه یې د ملکي وګړو د وژنې او ویجاړیو د مخنیوي لپاره کړې؛ خو ژمنه یې کړې چې د دارفور الفاشر پېښو غچ به اخلي.