د طالبانو د لوړو زده کړو وزیر ندا محمد ندیم د پوهنتون زده کړیالانو ته په خطاب کې ویلي، چې خپل وخت ته ارزښت ورکړي او زیار وباسي. ندیم همدراز، د علم پر ارزښت ټينګار کړی دی او په دې برخه کې یې د توجو غوښتنه کړې ده.
د طالبانو تر واک لاندې د ملي ټلویزیون د خبر له مخې د طالبانو د لوړو زده کړو وزیر ندامحمد ندیم په فراه پوهنتون کې د ۵۳ میلیونه افغانیو په ارزښت د یو شمېر پروژو د پرانیستې سربېره په دغه پوهنتون کې یوې سترې غونډې ته وینا وکړه.
د طالبانو د لوړو زده کړو وزیر پر داسې مهال د علم د زدهکړې پر ارزښت ټینګار کړی، چې د همدې ډلې له لوري په تېرو څلورو کلونو کې په افغانستان کې میلیونونه نجونې له شپږم ټولګي پورته ښوونځیو او لوړو زده کړو ته له تګ محرومې شوې دي.
