د پاکستان سترې محکمې د پاکستاني مېرمنو افغان مېړونو ته د تابعیت ورکولو پرېکړه وځنډوله

د پاکستان د پوځ په خبرپاڼه کې ویل شوي، چې د اکټوبر په ۲۹-۳۰ نېټه یې ډیورنډ کرښې ته څېرمه عملیات ترسره کړي او په یادو عملیاتو کې یې د ټي ټي‌پي د رهبرۍ غړی قاري امجد چې په مزاحم مشهور و له درې نورو پاکستاني طالبانو سره وژلی دی.

د پاکستان د پوځ په خبرپاڼه کې ویل شوي، چې قاري امجد په افغانستان کې پټنځای درلود او په پاکستان کې یې ترهګریز فعالیتونه ترسره کول.

د پاکستان پوځ ویلي، چې د قاري امجد پر سر یې پنځه میلیون کالدارې انعام هم ایښی و.

پاکستان ویلي، چې قاري امجد یې د «عزم استحکام» عملیاتو پر مهال وژلی دی.

بل خوا تحریک طالبان پاکستان د یوې اعلامیې په خپرولو سره د قاري امجد او د هغه د یښي لاس قوماندان یاسر د وژل کېدو پخلی کړی دی.

منظور پشتین پر خپله ټولنیزه شبکه فیسبوک، د چارشنبې په ورځ، د لړم پر اوومه، ولیکل، چې « د مستعمرې پښتونخوا د پښتنو په وژنو عادت پنجابي پوځ نن یو ځل بیا په تیراه، خیبر کې عام بې‌ګناه پښتانه شهیدان او زخمیان کړي دي».

پشتین وايي، د کورمې ولسونه په پېښور کې د پوځي عملیاتو پر ضد احتجاجونه کوي، خو څوک یې په کیسه کې نه دي، ځکه دده په وینا، « پنجابی به ولې د پښتنو په تکلیفونو زړه خوږوي؟».

هغه ددې ستونزو پړه د پاکستان پر پوځي مشرانو اچولې، چې ده «د پنجاب د جرنیلانو» اصطلاح ورته کارولې ده.

پشتین زیاته کړې، « که څوک وايي چې په دې ریاست کې خو پښتانه هم شته دي، نو هغه خو د پنجاب نوکران دي، ګنې پخپله خوښه دې د پښتنو یوه ستونزه حل کړي، چې موږ هم ووینو چې واقعاً غلامان نه دي، بلکې اختیار لري».

پشتین وايي، چې د بر وطن افغانان یې له یوې خوا له کورونو ایستلي او له بلې خوا یې د تورخم دروازه ورباندې تړلې ده.

هغه زیاته کړې، چې پاکستاني واکمنان له تش لاسو افغانانو نه د خپلې ماتې غچ اخلي.

نوموړی وايي، د پي ټي ایم غړو افغان کډوالو ته په لارو کې طبي کیمپونه او نور مرستندویه کارونه کړي وو، خو حکومت په زور بند کړل او ملګرو په خپل مزاحمت هغه جاري وساتل.

منظور پشتین وايي، په همدې څو ورځو کې، پوځ په سویلي وزیرستان سرویکي، لدها، اعظم ورسک او په شمالي وزیرستان میرانشاه، میرعلي، خدري، ممندخیل، بنو، جاني خیل، بکاخیل، باجوړ، حسن خیل پیښور او نورو پښتني سیمو کې عام خلک وژلي او ژوبل کړي دي.

نوموړی وايي، پوځ په نږدې ورځو کې د خپلو رسنیو او د پښتنو په منځ کې موجود د پنجاب وفادارو وګړو له خولې تبلیغات چټک کړي، چې پښتانه پخپلو کې د یو بل سره په شخړو کې ښکیل کړي او د بې‌اتفاقۍ ګټه یې پنجاب ته ورسیږي.

نوموړي د خپل غورځنګ پر غړو غږ کړی، چې په جبري توګه د ستنېدونکو افغانانوترڅنګ ودرېږي، او په هر ځای کې هم په تنظيمي او هم په ولسي توګه یووالی او خدمت نور هم زیات کړي.

لاریونوالو پر پاکستان او طالبانو غږ کړی، چې د لارو د خلاصېدو په تړاو دې له خپل ضد تېر شي او خلک دې نور نه ځوروي. دوی وايي، د لارو د تړل پاتې کېدو له امله زرګونه کسان بې‌روزګاره شوي او که وضعیت همداسې دوام وکړي؛ نو د دوی کړاو به نور هم زیات شي.

لاریونوال وايي، د لارو تړل د هیڅ لوري په ګټه نه‌دی او په‌کاره ده چې د خلاصون لپاره یې ټول پر اړوندو ادارو فشار راوړي. دا په داسې حال کې ده، چې نن د ۱۸مې ورځې لپاره هم د ډیورنډ کرښې په اوږدو کې له افغانستان سره د پاکستان ټولې لارې تړلې دي.

که څه هم وړاندې په تورخم او سپین بولدک کې ځینو سرچینو افغانستان انټرنشنل ته ویلي و، چې د لارو د خلاصېدو لپاره هڅې روانې دي؛ خو د پاکستان حکومت بیا اعلان کړی، چې تر بلې خبرتیا به ټولې لارې تړلې وي.

د راپورونو پربنسټ؛ د لارو د تړل کېدو له کبله دواړو پاکستان او افغانستان ته هره ورځ تر یو مېلیون ډالرو پورې زیان رسېږي او د لومړنیو توکو په بیو کې څو برابره زیاتوالی راغلی دی.

په ورته وخت کې د کرښې هاخوا د بلوچستان ایالت په چمن او همداراز په تورخم کې د سلګونه افغان کورنیو د بند پاتې کېدو په اړه هم خبرونه ورکړل شوي.

تمه کېده، چې د پاکستان او طالبانو ترمنځ د ترکیې په استانبول ښار کې د خپلمپنځي شخړو د حل لپاره د خبرو بریا او یوې هوکړې ته له رسېدو سره لارې خلاصې شوې وای؛ خو دغه خبرې هم بې‌پایلې پای ته ورسېدې او دا لا روښانه نه‌ده، چې دغه لارې به تر کله پورې تړلې وي.

د طالبانو اړوند رسنۍ «المرصاد» وايي، دغه کس چې د داعش خراسان څانګې یو له مهمو کسانو و، په پاکستان کې یې د «پهلوان» په نوم د داعشیانو د یوه مهم مرکز مشري هم کوله.

سرچینه زیاتوي: «نوموړي په ښاري او چريکي جګړو کې مهارت لاره او په بهرنيو هېوادونو کې يې افراد هم روزل.»

د پاکستان امنیتي بنسټونو لا تر اوسه په دې اړه څه نه دي ویلي.

د یادونې وړ ده، چې د تلې په ۲۰مه د طالبانو ویاند ذبیح‌الله مجاهد ویلي و، پاکستان په خپله خاوره کې د داعش پروژې پر موجودیت او پټنځایونو سترګې پټې کړي او د هغو په وسیله خپل دیني علماء او خلک وژني او همداراز د افغانستان او هم د نړۍ امنیت او ثبات پرې ګواښي او په باور یې «پاکستان خطرناکه لوبه پیل کړې ده.»

د مجاهد په وینا، داعش په پاکستان کې مرکزونه لري او له نورو هېوادونو استخدام شوي کسان د پاکستان له لوېدیځې پولې او د کراچۍ او اسلام اباد له هوایي ‌‌‌ډګرونو خپلو یادو مرکزونو ته لېږدوي او له روزنې وروسته بیا یې افغانستان او نورې نړۍ ته د ترهګریزو بریدونو په موخه استوي.

ذبیح‌الله مجاهد زیاتوي: «زموږ د اطلاعاتو له‌مخې د داعش د خراسان څانګې مشر شهاب المهاجر او د ده نږدې همکاران عبدالحکیم توحیدي، سلطان عزیز عزام او د داعش له مرکزي څانګې سره د اړیکو تنظیموونکی او په اصطلاح د مکتب صدیق مسوول صلاح الدین رجب د پاکستان په خاوره کې موجود دي، افغانستان په جدي توګه غوښتنه کوي چې دا اشخاص باید طالبانو ته وسپارل شي.»

مجاهد همداراز له پاکستان څخه غوښتي، که یاد کسان دوی ته نه سپاري نو لږ تر لږه دې باید له خپلې خاورې وباسي او په دې توګه دې خپل مسوولیت ترسره او خپلې ژمنې پوره کړي.

په پېښور کې د خیبر پښتونخوا اسمبلۍ د دوشنبې ورځې غونډه کې د ټولو سیاسي ګوندونو استازو د ناامنۍ، پر ډيورنډ کرښه د نښتو او د افغان کډوالو د وضعیت په اړه اندېښنه څرګنده کړې او ویلي یې دي، دایمي سوله هغه مهال ټینګېدای شي چې حکومت، اپوزیسیون، قبایلي مشران او دولتي ادارې په ګډه د سولې او ثبات ګډه تګلاره جوړه کړي.

د اسمبلۍ مشر بابر سلیم سواتي وویل، خیبر پښتونخوا د یوې ډلې نه، بلکې د ټولو ګډ کور دی او باید د سولې په اړه مشورې له سیاسي محدودیتونو پورته وشي.

استازو ټینګار وکړ چې تېر شل کاله عملیات، بې‌کوري او تاوتریخوالي سوله نه ده راوستې، او د پوځي لارو پر ځای باید د خبرو او همغږۍ سیاست وپالل شي.

ځینو استازو د افغان کډوالو د جبري ایستنې، پر ډيورنډ کرښه بریدونو او د ترهګرۍ د نوې څپې په اړه اندېښنه وښوده، او له دواړو هېوادونو یې د زغم او همکارۍ غوښتنه وکړه.

زاهد هانزیب د افغان کډوالو د وضعیت په اړه اندېښنه وښوده او ویې ویل: «د افغانانو د ایستلو دا ډول چلند ممکن سبا د غچ اخیستنې لامل شي، ادارې باید په هوښیارۍ عمل وکړي؛ که خبرې د حل لار وي، نو باید مخکې ترسره شوې وای.»

په پای کې اسمبلۍ پرېکړه وکړه چې د سولې او امنیت د ټينګښت لپاره دې د ټولو سیاسي ګوندونو، مدني ټولنې او قبایلي مشرانو په ګډون یو ټول‌ګوندیز کنفرانس راوبلل شي.