د افغانستان فوټسال ملي لوبډلې په ۹ ګولونو له تاجکستان نه لوبه وګټله

دغه سیالۍ نن د سعودي عربستان په پلازمېنه ریاض ښار کې پیلېږي. په یادو سیالیو کې د ګډون لپاره ډېری افغان لوبغاړې سعودي عربستان ته رسېدلې؛ خو ځینې هغه یې د ویزو د ستونزو له کبله تراوسه هم له لوبډلې سره نه‌دي یوځای شوې.

د افغانستان د والیبال فدراسیون منشي خوشحال ملکزي ویلي، له ۱۲ټاکل شویو لوبغاړو څخه یوازې اته لوبغاړې تر اوسه ریاض ته رسېدلې دي. د والیبال فدارسیون د مسوولینو په خبره، که څه هم افغان ښځینه ملي لوبډلې پرله‌پسې تمرینونه کړي او د سیالیو لپاره چمتو ده؛ خو لومړنۍ لوبه یې له پیاوړې لوبډلې سره ده.

د معلوماتو پربنسټ؛ د افغانستان د والیبال په ښځینه‌و ملي لوبډله کې د افغانستان دننه او بهر لوبغاړې برخه لري. د اسلامي هېوادونو ترمنځ د همغږۍ په سیالیو کې د افغانستان، ترکیې، ایران او اذربایجان لوبډلو ګډون کړی دی.

د کرېکټ بورډ په خبرپاڼه کې ویل شوي چې د جناتن ټراټ دنده به د ۲۰۲۶ کال د شل اوریز نړیوال جام له ختمېدو وروسته، او د انډریو پوټیک دنده به د روان کال د ډسمبر په پای کې رسمي پای ته ورسېږي.

په خبرپاڼه کې راغلي، جناتن ټراټ چې په ۲۰۲۲ کال کې د افغانستان د ملي لوبډلې مشر روزونکی ټاکل شوی و، د لوبډلې د سیالۍ وړتیا لوړولو، د تاریخي بریاوو تر لاسه کولو او د نړیوالو سیالیو پر لور د افغانستان د پرمختګ په برخه کې مهم رول لوبولی دی.

د کرکټ بورډ عمومي رییس میرویس اشرف ویلي:«د جناتن ټراټ هڅې د افغانستان د کرکټ د پرمختګ لپاره ډېرې ارزښتناکې وې، او هیله لرو چې په راتلونکو چارو کې بریالی وي.»

د بورډ اجرایوي رییس نصیب خان هم ټینګار کړی چې له ۲۰۲۶ کال وروسته به د ملي لوبډلې په رهبري او جوړښت کې یو شمېر بدلونونه راشي، څو د افغانستان کرکټ د لا پراختیا پر لور ګام واخلي.

په ورته وخت کې، د توپوهنې روزونکی انډریو پوټیک به، چې د ۲۰۲۴ کال له جنوري راهیسې له ملي لوبډلې سره کار کوي، د دسمبر تر ۳۱مې پورې خپله دنده پای ته ورسوي.

د کرکټ بورډ د نوموړي د همکارۍ او هڅو مننه کړې ده.

جناتن ټراټ ویلي چې د افغانستان له ملي لوبډلې سره کار کول دده لپاره ویاړ و.

د افغانستان کرکټ بورډ ویلي چې د ۲۰۲۶ کال د شل اوریز نړیوال جام له پای ته رسېدو وروسته به د نوي مشر روزونکي د ټاکلو پروسه پیل کړي.

د هند او سوېلي‌ افریقا ښځينه کرېکټ لوبډلو د پایلوبې پچه سوېلي افریقا وګټله او لومړی یې د ډګر ساتنې پرېکړه وکړه.

د هند د ښځو کرېکټ لوبډلې په پنځو اورونو کې د خپلو ۷ لوبغاړو په سوځېدو سیالې لوبډلې ته د ۲۹۹ منډو هدف وټاکه.

سوېلي افریقا لوبډلې د خپلو ټولو لوبغاړو په سوځېدو په ۳۵.۳ اور کې ۲۴۶ منډې جوړې کړې او د ۵۲ منډو په توپير یې ماتې وخوړه.

د هند د ښځو کرېکټ لوبډلې په نیمه پایلوبه کې اسټرالیا لوبډلې ته د ۵ ویکټو په توپير ماتې ورکړې وه.

د هند د ښځو کرېکټ لوبډلې د دې سیالیو اتلولي په ځانګړو مراسمو سره ونمانځل شوه.

دې سیالیو ته د هند د کرېکټ ملي لوبډلې یو شمېر مشهور لوبغاړي هم ورغلي و.

له زمبابوې سره د درېیمې شل اوریزې لوبې پچه افغان لوبډلې وګټله او لومړی یې د توپ وهنې پرېکړه وکړه.

افغان لوبډلې د لوبې په لومړۍ پاڼۍ کې د رحمان الله ګربز د ۹۲، د ابراهیم ځدراڼ ۶۰ او صدیق الله اتل د ۳۵ منډو په مټ سیالې لوبډلې ته په شل اورونو کې د ۲۱۱ منډو هدف وټاکه.

د لوبې په دویمه پاڼۍ کې د زمبابوې لوبډلې د خپلو ټولو لوبغاړو په سوځیدو سره ۲۰۱ منډې جوړې کړې او لوبه افغان لوبډلې د ۹ منډو په توپیر وګټله.

په دې سره افغان لوبډلې د شل اوریزو سیالیو لوبلړۍ په درې واړو لوبو کې د زمبابوې لوبډلې ته سر پر سرماتې ورکړې او لوبلړۍ یې په خپل نوم کړه.

تر دې وړاندې بیا زمبابوې افغان لوبډلې ته په یوازینۍ ټېسټ لوبه کې ماتې ورکړې وه.

اسیايي سیالۍ په هرو څلورو کلونو کې یو ځلي ترسره کېږي. سږنی کال یې درېیم پړاو و او د بحرین د منامه ښار په کوربه توب ترسره شوې. په دغو سیالیو کې د افغانستان په ګډون له ۴۵ هېوادونو په ۲۴ سپورټي څانګو کې څه باندې ۴ زره لوبغاړو ګډون درلود.

د دغو سیالیو په اتو سپورټي څانګو کې یعنې د پهلوانۍ، فوټبال، فوټسال، تکواندو، جوجيتسو، جودو، سوک وهنې او ووشو ملي فدراسيونونو۳۱لوبغاړو او د روزونکو ۲۶ کسیز پلاوي ګډون کړی و، چې په پايله افغانستان دوه د ژېړو مډالونه په کورش، یو د سپینو زرو او یو د ژېړو په رزمي سیالیو کې، یو د سپینو زرو په جودو او د فوټسال په برخه کې مهم مډال هغه هم د سرو زرو وګاټه.

احمدالله وثیق وايي، «افغان ورزشکاران سره له دې چې په یادو سیالیو کې یې د نورو هېوادونو پرتله په کم تعداد ګډون کړی و، خو له نیکه مرغه چې د بریا تله یې درنه وه، په ویاړ سره یې د افغانستان ښه استازولي وکړه او ۶ مډالونه یې وګټل.»

په دغو سياليو کې چین د ۱۴۷ مډالونو په ګټلو سره لومړی مقام خپل کړ. یاد هېواد په دغو لوبو کې ۶۳ د سرو زرو، ۴۹ د سپينو زرو او ٣۵ د ژېړو مډالونه ترلاسه کړل او افغانستان په دغو سياليو کې یو د سرو زرو، دوه د سپينو زرو او درې د ژېړو مډالونو په ترلاسه کولو سره له قطر، کمبودیا، پاکستان، لبنان، بنګله دېش، یمن، عمان او ګڼو نورو هېوادونو مخکې ۲۴م مقام خپل کړ.

د یادونې وړ ده، چې افغان واليبال ملي لوبډلې د مرکزي اسيا سياليو پايلوبې ته لار موندلې وه، خو په پايلوبه کې یې له ترکمنستان څخه د ۳-۲ ميدانونو په توپير ماتې وخوړه او دويم مقام يې خپل کړ.