افغان ابدالیانو کرېکټ لوبډلې په لومړۍ تمریناتي سیالۍ کې قطر لوبډلې ته د ۶۵ منډو په توپير ماتې ورکړه. افغان ابدالیان د قطر کرېکټ لوبډلې سره درې تمریناتي سیالۍ لري. دغه سیالۍ د ځوانانو اسیا جام ته د چمتوالي په موخه تر سره کېږي.
د قطر کریکټ لوبډلې د لومړۍ تمریناتي سیالۍ پچه وګټله او افغان ابدالیانو ته یې د توپوهنې بلنه ورکړه.
افغان لوبډلې په ۲۰ اورونو کې د خپلو ۴ لوبغاړو په سوځېدو سیالې لوبډلې ته د ۱۷۴ منډو هدف وټاکه.
د افغان ابدالیانو لوبډلمشر دروېش رسولي ۶۰ او ننګیال خروټي په ۲۰ توپونو ۴۸ منډې جوړې کړې.
د قطر کرېکټ لوبډلې دغه هدف پوره نه کړ او د خپلو ټولو لوبغاړو په سوځېدو یې د ۶۵ منډو په توپير ماتې وخوړه.
په افغان توپ اچوونکو کې بلال سمېع ۴، قیس احمد او فریدون داودزي دوه دوه لوبغاړي وسوځول.
د افغان ابدالیانو کرېکټ لوبډله د ځوانانو اسیا جام سیاليو لپاره د غوره چمتوالي په موخه د قطر کرېکت ملي لوبډلې پر وړاندې درې تمریناتي شل اوریزه سیالۍ تر سره کوي.
دغه سیالۍ نن د دغه هېواد په پلازمېنه دوحه کې پيل شوې.
افغان ابدالیان او قطر کرېکټ لوبډله به سبا دویمه تمریناتي سیالۍ ترسره کړي.
دغه مبارزه به (د لړم په ۱۷مه) د ټایلنډ په پلازمېنه بنکاک ښار کې ترسره شي. دغه لوبه به د ۶۰.۷ کیلوګرامه وزن په کټګورۍ کې ترسره شي او دا به د یادې شپې په پروګرام کې درېیمه مبارزه وي.
شاهین څو نړۍوالې مسلکي سیالۍ ګټلې دي او د افغانستان د مویتای په برخه کې یو له بریالیو لوبغاړو ګڼل کېږي. هغه چې په ټایلنډ کې اوسېږي، تر دې وړاندې یې د افغانستان د مويتای په خورا معتبرو سازمانونو کې سیالۍ کړې دي
.
د لوبډلې د هرکلي ویډیوګانې او انځورونه په ټولنیزو رسنیو کې پراخ او مثبت غبرګونونه راپارولي دي. ګڼ شمېر افغانانو دا صحنې د «افغان ولس د یووالي، غرور او مینې» ښکلی انځور بللی دی.
د طالبانو د المپیک، بدني روزنې او سپورټ لوی رییس احمدالله وثیق پر اېکسپاڼه لیکلي، د خوست او پکتیا د خلکو دا پراخ هرکلی د ولس او ورزش ترمنځ د پیاوړې اړیکې څرګندونه کوي. نوموړي زیاته کړې، چې دا ملاتړ د افغان اتلانو لپاره د نوې انګیزې او هڅونې سرچینه ده.
د پښتون ژغورنې غورځنګ مخکښ غړي حنیف پښتین په دې تړاو ویلي دي: «کرېکټ، فوټبال، فوټسال او نورې ټولې لوبې اوس د ملتونو لپاره یوازې لوبې نه دي. ملتونه، په ځانګړي ډول افغانان د دې لوبو له لارې د کور دننه د ملي یووالي روحیه پیاوړې کوي او له هېواده بهر د عظمت رتبه ګټي.»
هغه زیاته کړې، چې د خوست او پکتیا د خلکو دا ملي احساس د افغانستان د واقعي ځواک څرګندونه کوي.
د خوست یو شمېر ځوانانو ویلي، د ملي لوبډلو بریاوې هغوی ته د راتلونکي لپاره د هڅونې، باور او وطنپالنې الهام ورکوي. یو تن ګډونوال ویلي: «موږ وینو چې زموږ اتلان د نړۍ په ډګرونو کې د افغانستان نوم پورته کوي، دا موږ ته د امید او افتخار احساس راکوي.»
افغانې خبریالې فرحناز فروتن پر اېکسپانه لیکلي: «په تېرو شلو کلونو کې هېڅ صحنه د پکتیا او خوست د خلکو د هرکلي په اندازه اغېزمنه نه وه. زرګونه مشاوران، میلیاردونه ډالر او بېشمېره ویناوو نتیجه ورنه کړه، تریخ حقیقت دا دی چې د جمهوریت سیاستوالو یو ځل بیا طالبانو ته وبایلله او د افغانستان خلکو ته یې هره ورځ بایلي.»
د طالبانو د اقتصاد وزارت مسلکي مرستیال ډاکټر لطیف نظري د افغان ورزشکارانو رول ستایلی او ویلي یې دي: «ورزشکاران د سولې، ورورولۍ او ملي یووالي استازي دي. دوی د ټولنې په یوځای کولو، مثبت فکر خپرولو او د افغانستان د عزت د بېرغ پورته ساتلو کې مهم رول لري.»
هغه په خپلو څرګندونو کې ټینګار کړی، چې د ورزش له لارې د افغان ملت یووالی پیاوړی کېږي او د ځوانانو انرژي د سولې، پرمختګ او ملي غرور په لور رهبري کېږي.
د پخواني ولسمشر ویاند شاه حسین مرتضوي په دري ژبه لیکلي: «چه کسی می خواهد من و تو ما نشویم ؟» مانا دا چې څوک غواړي چې زه او ته موږ نه شو؟ هغه د خوست او پکتیا ولس ستایلی دی.
پاکستان کې د افغانستان پخواني سفیر عاطف مشعل په خوست او پکتیا کې د فوټسال د ملي لوبډلې هرکلی د ملي یووالي ژوندی انځور یاد کړی او ویلي یې دي: «دا ولس د غرور ولس دی، نه د تسلیمېدو.»
د ولسي جرګې پخواني استازي کمال ناصر اصولي لیکلي: «موږ د هېواد له هر هغه زوی سره مینه لرو، چې د افغانستان لپاره افتخار راوړي.»
سیاسي شنونکي بسمالله تابان بیا ویلي: «که سیاستوال خلکو ته د عادي ژوند اجازه ورکړي، د افغانستان د خلکو دا ډول ښکلی او رښتینی انځور به تل ووینو.»
دا په داسې حال کې ده، چې له خوست او پکتیا مخکې په کابل کې هم د فوټسال د ملي لوبډلې شانداره هرکلی شوی و.
پرون هم په کابل کې د عزیزي سوداګریز ګروپ مشر میرویس عزیزي د افغانستان ۱۷ کلنه فوټسال ملي لوبډله د یوې غونډې پر مهال وستایله او د یو میلیون افغانیو جایزه یې هم ورکړه.
یاده دې وي، چې د افغانستان د ۱۷ کلنو فوټسال ملي لوبډلې د روان کال د لړم په ۹مه نېټه د ایران لوبډلې ته ۲ پر ۱ ماتې ورکولو سره د لومړي ځل لپاره د اسیا د فوټسال د اتلولۍ جام ترلاسه کړ.
د ویزو ستونزو له کبله د یادې لوبډلې یوازې اته لوبغاړې تېره ورځ د لوبو ډګر ته ښکته شوې. د افغانستان د والیبال فدراسیون منشي خوشحال ملکزي تر دې وړاندې ویلي و، له ۱۲ټاکل شویو لوبغاړو څخه یوازې اته لوبغاړې تر اوسه ریاض ته رسېدلې دي.
د معلوماتو پربنسټ؛ د افغانستان د والیبال په ښځینهو ملي لوبډله کې د افغانستان دننه او بهر لوبغاړې برخه لري. د اسلامي هېوادونو ترمنځ د همغږۍ په سیالیو کې د افغانستان، ترکیې، ایران او اذربایجان لوبډلو ګډون کړی دی.
