د فرانسې پخوانی ولسمشر نیکولا سارکوزي له زندان نه خوشې کیږي

د تایلنډ لومړي وزیر انوتین چارنویرکول وویل، « تر هغه چې وضعیت واضح نه شي، هر څه به، چې تر اوسه مو کړي دي، ودرول شي. هغه څه چې پېښ شول ښيي چې دښمني لا هم کمه شوې نه ده، نو موږ له دې ځایه مخکې نه شو تلای.»

د دواړو هیوادونو ترمنځ سرحدي شخړو په دې وروستیو کې د پراخې جګړې خطر پیدا کړ، خو وروسته د امریکا ولسمشر ډونالډ ټرمپ د یوه اوربند منځګړیتوب وکړ چې له جولای میاشتې راهیسې په پراخه کچه رعایت شوی دی.

د تايلنډ حکومت ویاند سریپونګ انګکاساکولکیت وویل، چې د ګډې اعلامیې چارې به وځنډول شي.

د اوربند راتلونکی ګام د تايلنډ له لوري د ۱۸ کمبوديايي سرتیرو خوشې کول دي. انګکاساکولکیت وویل چې اوس د دوی خوشې کول هم وځنډول شول.

د تايلنډ د دفاع وزیر نټافون نارکفانیت وویل، پوځ لا تر اوسه دا نه ده معلومه کړې چې چاودنه شوې، ماین تازه ایښودل شوی او که دا له پخوا پاتې شوی و.

تايلنډ او کمبوډيا له یوې پېړۍ راهیسې سرحدي شخړې لري.

له اوربند راهیسې، دواړو خواوو د ماینونو او وسلو د لرې کولو کار پیل کړی، خو تايلنډ لا هم کمبوډيا په ماین پاکولو کې په خنډ رامنځته کولو تورنوي.

د کرملین ویاند دیمیتري پسکوف ددوشنبې په ورځ په مسکو کې خبریالانو ته وویل، چې پوتین به د کال تر پایه هند ته سفر وکړي.

هغه وروستی ځل د۲۰۲۱ کال د ډسمبر په میاشت کې هند ته تللی و.

پسکوف وویل، « موږ اوس مهال د پوتین د هند د سفر لپاره په فعاله توګه چمتووالی نیسو».

نوموړي د دغه سفر په ترڅ کې د ممکنه توافقنامو په اړه نور جزئیات ورنه کړل.

د رویټرز د رپوټ له مخې، د امریکا ولسمشر ډونالډ ټرمپ څو ځله د هند له لومړي وزیر نریندرا مودي غوښتنه کړې چې د روسیې د نفتو پېرل ودروي.

هند د روسیې د نفتو په سترو پېرونکو کې شمېرل کیږي.

د سوریې یوه لوړپوړي امنیتي چارواکي رویټرز ته وویل چې یوې توطیې د ولسمشر د یوې اعلان شوې رسمي غونډې پر شاوخوا تمرکز درلود، خو د حساسیت له امله یې نور جزئیات ورنه کړل.

د سوریې د اطلاعاتو وزارت هم په دې اړه تبصره نه ده کړې.

دغه توطیې داسې مهال دي چې شرع د امریکا له ولسمشر ډونالډ ټرمپ سره د سپینې ماڼۍ په تاریخي لیدنه کې برخه اخلي، چې دا به د سوریې د ولسمشر لپاره لومړۍ لیدنه وي.

شرع، چې د تیر کال له ډسمبر راهیسې واکمن دی، هڅه کوي ځان د یوه منځلارې مشر په توګه وښيي او د نړیوال ملاتړ د ترلاسه کولو لپاره د سوریې د بیا رغونې پروسې پرمخ بوځي.

شرع له تېرو څو لسیزو راهیسې د داعش پر ضد جګړه کړې ده.

د هغه حکومت تېره اونۍ په ټوله سوریه کې د داعش شبکو پر ضد عملیات وکړل او شاوخوا ۷۰ مشکوک کسان یې ونیول.

شرع مخکې د «هیئت تحریر الشام» مشر و، چې پخوا یې له القاعدې سره تړون درلود، خو په ۲۰۱۶ کې یې دغه اړیکې پرې کړې او له داعش سره یې سختې جګړې وکړې.

د هغه حکومت د امریکا له پوځ سره د داعش پر ضد د همکارۍ په حال کې دی، خو په ایتلاف کې ګډون به یې د همکارۍ کچه نوره هم لوړه کړي. دغه ګام د امریکا د قانون جوړوونکو باور ترلاسه کولو لپاره هم مهم ګڼل کېږي، چې د سوریې پر ضد پاتې بندیزونه لرې شي.

داعش هڅه کوي له لویدیځ سره د شرع د اړیکو پراختیا او په حکومت کې د ټولو مذهبي ډلو ګډون د اسلام خلاف وښيي. په دې وروستیو کې د دمشق په یوه کلیسا کې د ځانمرګي برید له امله ۲۵ کسان ووژل شول، چې حکومت یې پړه پر داعش واچوله.

د رويټرز د راپور له‌مخې، د چین د سوداګرۍ وزارت ځینو صادرونکو ته ویلي چې دوی کولای شي په راتلونکې کې د نویو ساده شويو جوازونو لپاره غوښتنلیکونه وړاندې کړي. دغه جوازونه به د یو کال لپاره اعتبار ولري او ښايي د صادراتو حجم زیات کړي.

چین دا مهال د نړۍ له ۹۰ سلنه ډېر نادر منرالونه او مقناطیسي مواد تولیدوي، چې د موټرو، برېښنايي وسایلو او نظامي تجهیزاتو په جوړولو کې حیاتي رول لري. له همدې امله د دې موادو صادرات د بېجینګ لپاره د واشنګټن پر وړاندې د اقتصادي فشار یوه مهمه وسیله بلل کېږي.

دا بدلونونه وروسته له هغه راځي، چې د ولسمشر ټرمپ او د چین د ولسمشر شي جین پینګ ترمنځ د نادرو منرالونو د صادراتو په اړه موقتي هوکړه وشوه او چین ومنله چې د تېر اکتوبر محدودیتونه د یو کال لپاره وځنډوي.

د اروپايي اتحادیې د شرکتونو له لوري تر اوسه شاوخوا ۲،۰۰۰ غوښتنلیکونه وړاندې شوي، چې یوازې نیمايي یې منل شوي دي.

حماس تر دې وړاندې ويلي وو، چې د اسرایيل تر کنټرول لاندې د رفح سيمه کې جنګيالي به اسراییل ته تسليم نه شي او له منځګړو هېوادونو يې غوښتنه وکړه، چې د هغه کړکېچ لپاره حل ومومي چې د يو مياشتني اوربند دوام ګواښي.

اسراییل د یکشنبې په ورځ په یوې خبرپاڼه کې وویل، چې د ۲۰۱۴ کال د اسرایيل–حماس جګړې پر مهال په يوه کمين کې یې د وژل شوي پوځي افسر حدر ګولډين جسد د سره صلیب له لارې ترلاسه کړی دی.

دا په داسې حال کې ده، چې د ترکیې لوړپوړي چارواکي بیا ویلي: «ترکيې د حدر ګولډين جسد له ۱۱ کلونو وروسته د سختو هڅو په پایله کې اسرایيل ته بېرته وسپاره، کوم چې د حماس د اوربند پر ژمنتيا څرګند انعکاس کوي.»

هغه زياته کړه: «په عين وخت کې موږ هڅه کوو چې د غزې نږدې ۲۰۰ملکي وګړو ته چې دا مهال په تونلونو کې بند پاتې دي، د خوندي تګ لار برابره کړو.»

د یادولو ده، چې ترکيه د اسراییل او حماس ترمنځ د تېرې مياشتې د اوربند د موافقې لاسليک‌کوونکې وه، هغه چې د امريکا د ولسمشر ډونالډ ټرمپ په مشرۍ ترسره شو. دغه هېواد له حماس ډلې سره نږدې اړيکې لري او په غزه کې یې د اسراییل پر پوځي عملياتو سختې نيوکې کړې دي.