رحمت الله نجیب: پاکستان غوښتل چې طالبان په دغه هېواد کې جګړه ناروا اعلان کړي

د دغه ادارې له‌خوا په تازه خپور شوي راپور کې راغلي، چې زلزلو، سېلابونو او وچکالۍ د افغانانو دغه وضعیت لا کړکېچن کړی او د طالبانو له‌خوا لګېدلو بندیزونو افغان ښځې او نجونې له لویو ننګونو سره مخ کړې دي. راپور زیاتوي، چې د دغه بندیزونو له امله افغان مېرمنې بنسټیزو حقونو ته له لاسرسي بې‌برخې کړې دي. دوی پر طالبانو غږ کړی، چې پر افغان مېرمنو لګېدلي بندیزونه لرې کړي.

راپور وړاندې کاږي، چې ګڼ راستنېدونکي د بې‌روزګارۍ، د سرپناوو نشتوالي، د څښاک پاکو اوبو او نورو بنسټیزو خدمتونو ته له لاسرسي بې‌برخې دي.

دا په داسې حال کې ده، چې د طالبانو د کډوالو او بېرته راستنېدونکو چارو وزارت ویاند وایي چې په تېرو ۱۹ ورځو کې له پاکستان، ایران او ترکیې نه د بندیانو په ګډون ۲ لکه او ۱۸۳۴ افغان کډوال هېواد ته ستانه شوي.

د کراچۍ سچل سیمې پولیسو تېره شپه د ابوالحسن اصفهاني سړک په یوه ودانۍ کې عملیات کړي، چې په‌کې لس افغان وګړي نیول شوي دي. د پولیسو په وینا، نیول شوي افغانان د پوښتنو ګروېږنو لپاره د پولیسو مرکزونو ته انتقال شوي؛ څو دا روښانه شي، چې دغه کسان خو به په کومو جرمونو کې ښکېل نه‌ وي.

پولیسو ویلي، دغه عملیات د بې‌اسناده افغانانو د نیولو لپاره ترسره شوي دي.

دا په داسې حال کې ده، چې د پاکستان په پلازمینه اسلام‌اباد کې د سې‌شنبې په ورځ تر ځانمرګي برید وروسته پولیسو د افغان کډوالو د نیولو او چاپو کمپاین چټک کړی، چې ګڼې کورنۍ له وېرې د خپلو کورونو پرېښودو ته اړې شوې دي.

د اسلام‌اباد په E-11 سیمه کې نن چهارشنبه سهار وختي پولیسو د افغان کډوالو د نیولو لپاره ځانګړي عملیات پیل کړي. په یاده سیمه کې مېشت افغانان وایي، د پولیسو د چاپو له وېرې ګڼ افغانان اړ شوي چې له خپلو کورونو ووځي.

د اسلام‌اباد په E-11 سیمه کې نن چهارشنبه سهار وختي پولیسو د افغان کډوالو د نیولو لپاره ځانګړي عملیات پیل کړي. په یاده سیمه کې مېشت افغانان وایي، د پولیسو د چاپو له وېرې ګڼ افغانان اړ شوي چې له خپلو کورونو ووځي.

په E-11 سیمه کې تر ډېره هغه افغانان مېشت دي، چې د طالبانو له بیا واکمنېدو وروسته پاکستان ته کډه شوي دي. تېره ورځ د اسلام‌اباد په بي۱۷ ښارګوټي کې هم پولیسو د افغانانو د نیولو عملیات ترسره کړل، چې په ترڅ کې یې ګڼ افغانان د پولیسو له لوري ونیول شول؛ خو د نیول شویو کسانو کره شمېر لاتر اوسه نه‌دی په ډاګه شوی.

له تېر یو کال راهیسې د پاکستان په ټولو ښارنو کې د افغان کډوالو په کورنو د پولیسو چاپې زیاتې شوې، په زرګونه افغانان نیول شوي او په جبري توګه افغانستان ته ستانه کړای شوي دي.

د دغه افغانانو له ډلې ګڼ یې هغه کېس لرونکي کسان وو، چې په افغانستان کې یې ژوند له ګواښ سره مخ وو او د اړوندو سفارتونو له‌خوا ورته د پولیسو لپاره اسناد هم ورکړل شوي وو؛ خو د یادو اسنادو سره، سره له پاکستان نه اېستل شوي دي.

تازه په پاکستان کې مېشتو افغان کډوالو په یوه لیک کې د دغه هېواد له لومړي وزیر شهباز شریف څخه غوښتي، چې د افغان کډوالو د جبري اېستلو لړۍ وځنډوي او یا یې هم لغوه کړي.

د دغه لیک لاسلیکوونکو ویلي، چې افغانستان ته په ستنېدو یې ژوند له ګواښ سره مخ دی.

په دغه لیک کې لیکل شوي: «له بده مرغه د طالبانو له بیا واکمنېدو وروسته زموږ ژوند، ازادي او کورنۍ له جدي ګواښونو سره مخامخ شوې. له همدې امله موږ د امریکا د بیا مېشتېدو پروګرام (SIV، P-1، P-2) لاندې د خپلو قضیو د پروسس لپاره پاکستان ته راغلي یو.»
له بل پلوه د طالبانو د کډوالو او بېرته راستنېدونکو چارو وزارت ویاند وایي، چې په تېرو ۱۹ ورځو کې له پاکستان، ایران او ترکیې نه د بندیانو په ګډون ۲ لکه او ۱۸۳۴ افغان کډوال هېواد ته ستانه شوي دي.

حافظ مجاهد د سې‌شنبې په ورځ (د لړم ۲۰مه) د ماهیرود سرحدي بندر څخه تر لیدنې وروسته وویل، افغانستان او ایران تاریخي او ژورې فرهنګي اړیکې لري او دواړه هېوادونه د ورورولۍ، سوداګرۍ او ګډو ګټو اوږد تاریخ هم لري.

مجاهد زیاته کړه، چې له تېرکال راهیسې یې د سویلي خراسان والي سره څلور ځله لیدلي او دغه دوامداره اړیکې د دواړو هېوادونو ترمنځ د وارداتو او صادراتو د زیاتوالي لامل شوې دي.

بل پلو د ایران د سویلي خراسان والي محمدرضا هاشمي ویلي، د دواړه خواوو ترمنځ د ماهیرود – فراه لارې او نورو بنسټیزو پروژو په اړه به هم ګډې ناستې دوام ولري.

هغه زیاته کړې، چې په وروستیو کلونو کې د سویلي خراسان او فراه ترمنځ سوداګریزې اړیکې په بې‌ساري ډول پراخې شوې دي.

هاشمي په خپلو خبرو کې څرګنده کړې، چې دغه ګډې همکارۍ نه‌ یوازې د سیمې د اقتصادي ودې لپاره ګټورې دي؛ بلکې د افغانستان او ایران د ولسونو ترمنځ د ورورۍ او دوستۍ اړیکې هم پیاوړې کوي.

په کندهار کې د کرنې، اوبو لګولو او مالدارۍ ریاست ویاند محمد حنیف حقل د سې شنبې په ورځ (د لړم ۲۰مه) د دغه ډلې تر واک لاندې ملي ټلوېزیون ته ویلي: «دغه شرکت د شاوخوا ۱۵۰ میلیونه ډالرو په ارزښت د یو ملي سوداګر له لوري جوړ شوی دی.»

هغه زیاته کړې، چې په دې شرکت کې په مستقیم او غېر مستقیم ډول ۲۵۰۰ کسان په دندو بوخت دي.

نوموړي زياته کړې: «دغه شرکت د چرګانو، چرګړو، غوښې، هګۍ، د هګۍ دانې، د دانې له خام موادو او د چرګانو له پاتې شونو تولیدات لري.»

د حقل په خبره، دغه شرکت هره ورځ له ۶۵ فارمونو څخه درې نیم لکه هګۍ او ۶۰ زره کیلو د چرګ غوښه هم تولیدوي.

هغه زیاته کړې، چې د چرګانو دغه شرکت د کندهار تر څنګ په کابل، بلخ، هرات او غزنې ولایتونو په لسو څانګو کې هم بېلابېل تولیدات ترسره کوي.