د افغانستان لپاره د برېتانیا ځانګړي استازي رېچارډ لېنډسي د دغه هېواد بهرنیو چارو وزارت د نړیوالې پراختیا په دفتر کې د افغانستان د خوړو د خوندیتوب په اړه یوې غونډې ته ویلي چې په افغانستان کې ۱۵ میلیونه کسان د خوړو له کمښت سره مخ دي.
نوموړي ویلي، چې په دې برخه کې ګډ او بیړنې اقدام ته جدي اړتیا ده.
دا په داسې حال کې ده چې د د خوړو نړیوال پروګرام راپورونه ښیي چې میلیونونه افغانان د خوړو له شدید نشتوالي یا ګواښ سره مخ دي.
برېټانیا چې له ډیرې مودې راهیسې په افغانستان کې د خوړو د کمښت پر وړاندې مبارزه کې د ملګرو ملتونو د خوړو نړېوال سازمان سره تر نورو هېوادونو مخکښ دي، څه موده وړاندې ۴۰ میلیونه پونډه مرسته کړې، ترڅو د خوړو نړېوال پروګرام په دغه هېواد کې د خوړو د کمښت په وړاندې د بېړني مقاومت پروګرامونه پر مخ یوسي.
