د جرمني صدراعظم فریدریښ مرڅ وايي، هغه کډوال چې په خپلو هېوادونو کې په سیاسي یا مذهبي لاملونو ځورول کېږي، په جرمني کې د پاتې کېدو حق لري، خو زیاته یې کړه، چې له جګړو را تښتېدلي کډوال باید د جګړې له پای وروسته خپلو هېوادونو ته ستانه شي.
مرڅ د واکمنو متحدو ګوندونو د ټولنیزو سیاستوالو د ټولنې په یو غونډه کې وویل، چې نوموړي وویل، چې د سوریې له حکومت سره باید لارې وموندل شي څو مهاجر د هېواد د بیا رغونې لپاره بېرته تللو ته وهڅول شي.
هغه اعلان وکړ چې د سوریې له ولسمشر سره به خبرې وکړي څو وګوري څه ډول کولی شي سوریایان، چې په جرمني کې اوسي، د جګړې له ختمېدو وروسته د بیا رغونې لپاره بېرته تللو ته وهڅوي.
نوموړي په خپلو خبرو کې زیاته کړه، « هغوی چې د سیاسي ـ مذهبي دلیلونو له امله ځورول کېږي، موږ به یې هېڅکله اېستلو ته اړ نه کړو. دا خبره بالکل روښانه ده»، خو هغه زیاته کړه، « هغه کسان چې د کورنیو جګړو له امله دلته په لنډ مهاله پناه راغلي، هغوی باید هغه وخت چې جګړه پای ته ورسېږي، بېرته خپل هېواد ته ستانه شي».
مرڅ د هغو کډوالو په اړه هم خبرې وکړې چې په جرمني کې ښه ادغام شوي دي: « ډېرو کسانو دلته ځای نیولی، دلته ورته اړتیا ده، ځینې یې ډاکټران شوي او نور په بېلابېلو مسلکونو کې کار کوي. موږ غواړو هغو کډوالو ته د پاتې کېدو اجازه ورکړو، چې ادغام شوي وي او د خپلې کورنۍ ژوند پرې کولای شي».
