روسیه وايي ځواکونو یې د اوکراین په ژاپوریژیا سیمه کې دوه کلي نیولي
د روسیې د دفاع وزارت ویلي، چې روسي ځواکونو د اوکراین د ژاپوریژیا په سویلي سیمو کې دوه کلي تر خپل کنټرول لاندې راوستي دي.
د روسیې د دفاع وزارت ویلي، چې روسي ځواکونو د اوکراین د ژاپوریژیا په سویلي سیمو کې دوه کلي تر خپل کنټرول لاندې راوستي دي.
د روسیې د دفاع وزارت د یکشنې په ورځ د یوې خبرپاڼې په خپرولو سره ویلي، چې د اوکراین په سویل کې د رونوپیلیا او ملا توکماچکا کلي یې تر خپل کنټرول لاندې راوستي دي.
په ورته مهال د اوکراین پوځ ویلي، چې د ژاپوریژیا په ځینو برخو کې جګړه تېره شوې او د لومړۍ کرښې د پوستو د ساتلو لپارره کافي سرتیري نه لري.
بل خوا د روسیې او اوکراین ترمنځ د جګړې څارونکو ویلي، چې روسي ځواکونو له جون میاشتې راهیسې د دنیپروپیتروفسک سیمې کې تر پرمختګ وروسته د اوکراین په ژاپوریژیا سیمه کې د جګړې کرښه شاوخوا ۳۰ کیلومتره پراخه کړه ده.
روسیې د ژاپوریژیا د ۷۵ سلنې کنټرول ادعا کړې، خو د راپورونو له مخې، اوکراین د یاد ښار د مرکز په شمول شاوخوا ۷۰۰۰ کیلومتره مربع باندې کنټرول لري.
