تر یو ورځني ځنډ وروسته د بلوچستان ایالت په کویټې ښار کې د مخابراتي شرکتونو انټرنېټي خدمتونه بېرته فعال شول. په دغه ښار کې تېره ورځ د مخابراتي شرکتونو انټرنېټي خدمتونه پرې شوي وو.
تېره اونۍ هم د بلوچستان ایالت په یاد ښار کې د امنیتي ستونزو له امله انټرنېټي خدمتونه پرې شوي وو. د بلوچستان ایالت ځایي حکومت وخت ناوخت په دغه ایالت کې د مخابراتي شرکتونو پر انټرنېټي خدمتونو بندیز اعلانوي او موخه یې هم امنیتي ستونزې اعلانوي.
د بلوچستان حکومت تر دې وړاندې د ټول ایالت په کچه پر عامه ټرانسپورټ هم درې ورځنی بندیز اعلان کړی و. د دوی لهخوا په خپرې شوې اعلامیه کې ویل شوي و، چې دغه بندیز د عامه امنیت د ټینګښت په موخه لګول شوی دی.
